¹ Tu 7 jáabilóobé , Joiada aanchaj yaab u muuk caj tu béetaj jun péel núuptáan yeetel u méectáano u 100: Azarías u paal Jeroham, Ismael u paal johanán, Azarías u paal Obed, Maasías u paal Adaía yéetel Elisafat u paal Zicri. ² Letiobe oocóob Judá caj tu múuchóob le levitaso'obó tuláacal u cáajilo'ob Judá yéetel u nuuquiilóob u laaktzilóob Israel, leutiobe táalóob Jerusalén. ³ Tuuláacaloube tu muchajubaób tu béetajo'ob jun p'éel nuptaan yeetel le ajaw tu kulnaj Yuumtzil. Joiada tu yaalaj tióbe:" Iilwwx, u paal le ajaw leti unaj u béeticubáa ajawil, jeel biix u yáalma Yuumtzil ti ' u chiibaal David. ⁴ Lela unaj a béetiqueex: ti' le óox aj kiino'ob yeetel le levitas cu ta'alóob meeyaj le sabado, bii u ca naantoob le joonaloobo. ⁵ U laak jun jaaztze cu yáantalóob tej jaalach naajo, u dzooc jun jaadze, tu jóol le chuun paakoobó. Tu laacal le caajo biin yanacóob ichil u sujuy iúumilóob le kulnajo. ⁶ Baale mix máac biin ococ ich u kulnaj Yuumtzil, baale le aj kiinóob yéetel le levtaob cu meyajóob. Letiobe cu paajtal u yocolóob tumen jun páay cuntanóob, u chuucan le caajo yan u U'ui táan u wáalma táan Yuumtzil. ⁷ Le levitas yaan u bak páach cóob le ajaw, tu jun jun tuulile u machmaj u nuucuul tu kaab.Jéel máa xáac u kaat ocol ichil le kulnajo biin quimic.Biin laakintáac le ajaw jeel tuux ca xiique. ⁸ Le levitas yeetel tulaacal u caajil Judae tu béetajoob tulaacal baax aalaan tiób tumen aj kiin Joiada jun jun tuuile tu nuucbesajoob u muuchul lej xiiboob, maaxoob cu biin ococ meyaj le sábado, yeetel maaxoob cu binoob tuumex dzooc u meyajo'ob le sábado dzo'ocó, tumen Joiada le aj kiino ma' ch'aa u biin le dzooca'an u me yajoob. ⁹ Dzooc tu laacal lelo Joiada, le aj kiino tu kuubaj ti le na'acomóobo le lomteob yéetel le chimalóobo nojóochóob yeetel chiichanóob utial caach David le ajaw tian caach tu kulnaj Yuumtzil. ¹⁰ Joiada tu dzaj tu laacal aj ba'atelóob, yaan tu kaabó u nu'ucul u baatelo'ob, tu noojil le kulnajo tac tu dziiqui le Kulnajo, nadz ti le altar yéetel le kulnajo, u bak pach le ajaw. ¹¹ Tuune, letiobe tu taasoob u paal le ajaw, tu dzaajoob le péet jool tu yookol, yeetel u chiiculaloob le jalach najó letióbe tu beetoob ajaw, yéetel Joiada u paalaloob tu wecajoob aceite tu pool. Ca tu yaalajoob:" Chóowac cuxtal ti le ajaw." ¹² Caj tu yuuba Atalía u yaawat le caajo tu yaalcaboob cu caayticoob le ajaw, le tie taj tej caajo tu taana Yuumtzil. ¹³ Le tie tu yiilaj jaakal u yool le ajaw natz walacba tuchuun u yocomtuux cu yuuchul ocoló.Le meectaanobo yeetel le paaxoobo náatzóob ti le ajaw. Tu laacaj le caajaloobo jach quiimac yooloob taan jóopsicóob paaxoob, le aj kaayoobo u chaamajoob u nuucul u páaxóobe tan cáach u n'ucbesicob u kaayil quiiqui táanóob. Atalía tuuné tu jataj u nookoobe ca tu yaawtaj:"¡Chéntúus Chéntúus!" ¹⁴ Joiada tuune le aj kiino tu táasaaj le méectanóobó u 100 maxóobo yaanoob yo'okól le aj baateloob caj tu yaalaj:"Taasex ichil u tzoolol le maacooba; jéel maáxac tzay pachtiqué, paatex u quimsaj yeetel u yej le máascabo".Tumen le aj kiim Joiada dzoc u yaalic:" Ma' u quiimsaal ichil u kulnaj Yuumtzil". ¹⁵ Letióbe tu béetóob jun p'eel beej utial leti, le ti tuune biin tu joonal tuux cu jóokolóob letziminóobo tu ta'anal le ajaw, le lóob quuiimsáabi. ¹⁶ Joiada tu béetaj jun p'éel nu'upta'an yéetel le ca'ajo'ob yéetel xan le ajaw, utial ca u béetubaób u caajal yuumtzil. ¹⁷ Beey tuuno tulaacal le caajo biin tu taana baale ca tu jenoob. Tu paajoob u multuuniloob kultaj yéetel beetbil kuob, letiobe tu quiimsaajoob Matán u aj kiin báale tu taan u multuunil. ¹⁸ Joiada tu dzaj jun muuch' aj cananoob tu kulnaj Yuumtzil tu y'anal u nu'ucbesaj aj kiinoob yeetel levitas, le maxoob tu dzaj David tu kulnaj Yuumtzil, tial kubicoob tocbil balcheob ti Yuumtzil, jeeel bix aalanil tu nuptaan Moises, yeetel quiimac óolal kaaynajoob jeel bix u yaalmaj David. ¹⁹ Joiada tu dzaj aj cana'an jo'onalo'ob tu kulnaj Yuumzil, tu yoolal ma' u ya'antal tuux u yoocol mix ma'ac ma' utz yanilóobo. ²⁰ Joiada tu chaaj le na'acomóob 100, ma'aco'ob úutzóob u meetanoobo le caajoobo yeetel tu laacal le caajoob le luumo.Le ajaw éem tu kulnaj Yuumtzil; tac tej jalach najó caj óocóob tu noj jóol najil.Cu dzo'ocolé, cuiquinta'ab le ajawó tu jalach ka'anché. ²¹ Caj quiimacchaj u yool tuulaácal le luumo, le caajo paat jedzecnac. Bey tuuno quiimsa'ab Atalía tu yej ma'asca'abo.