¹ Josafat w ajawil Judá suunaj yeetel jeedzel tu táanal Jerusalén. ² Baale aj boobat Jehú u paal hananí, bin u nu'uptante caá tu yáalaj ti ajaw Josafat:"¿ Baaxten ca wa'antic ka'akas maacoob? ¿ Ta cháaj óotzilil ti u péecóob Yuumtzil? Tu yo'olal baaxta béetaj, u puujul Yuumtzil yaan ta wookol. ³ Baale, yáan baax utz ti tech, tumen ta lu'uctzaj u yóochelo'ob Asera ti' le muuch luumo, Yéetel dzo'oc a núuctic a pu'ucsicalt a ca'axt Yuumtzil." ⁴ Josafat caajacbaal Jerusalén; caj jook tu ka'aten iichiil u caajil Be'erseba tac tu p'uuquilo'ob Efraín caj tu beetaj u su'uto'obe ti Yuumtzil, u Dios u ma'anja'an chiibalóob. ⁵ Cu dzo'ocolé tudzaj xan aj ilaj tacpooloob ti' tu jujun péelil u tu'ulun u caajiloob Judá. ⁶ Leti tu ya'alaj ti le aj tacpóolóobó:"Ilex máalóob báax ca béetiquéex, tumen ma' tu káaba wiinicóob biin a beétéexi, báale tu káaba Yuumtzil, leti tian ta wiicnaléexe le quéen a wáaléex baax unaj u be'etal. ⁷ Bejelae tune ,páatex u kúux Yuumtzil ta wóokoleex, cananta baex ti' báax ca méentiquéex, tumen tu ta'an Yuumtzile Dios mina'an mix baal káas, pis óolte mix tu kóamic ma' u jáajil bóolalóob." ⁸ Josafat tu dzáj xán Jerusalén, dzéedzéc levitas aj kiinóob,yeetel xan u nu'uquiilo'ob u yotoch na'alo'ob Israel, utial u béetóob u aj ilaj tac poolilóob tiólaj Yuumtzil yeetel u báalibaob.Letiobe cáajnáalilóob Jerusalén. ⁹ Tu dzaj le tzol xiquinóobó tiob:" teexe unaj a meyajeex yéetel tojil be, yéetel tulaakal a pucsicaléex. ¹⁰ Ti jéel báalac báatelil ca táasáac tumen a wéet lúumile'ex, wa cu wéetco'ob quiik, wa quex utiál u dzo'ocbésáal le jejeláas nuup t'aanoobó,Le tzolbéen ta'anóobó, le tzol xiquiinóob yéetel báaxóob u yaalmaj yuumtzilé, áaléex tiob utial ma' u kúuxta'al ti téex mix ti letiob.Béetéex beyó, tu yóolal ma' u lúubul u si'ipilil ta wóokoléex. ¹¹ Iileex, Amarías u no'ojoch aj kiinóobe, le biin u beet u nojochil ti' u ba'alubaób Yuumtzil.Zebadías u paal Ismael u nojochil u ca'ajtalilo'ob Judá, leti biin ilic u báalu baób le ajaw. Bey xan le levitaóbo letiobe biin áantiquéex.¡Chokabae'ex meyaj! Yuumtzil biin yanac tu yéetel le maax biin béetic báax máalóob."