¹ Josafaté; yanchaajti yáabcach ayikalil yeetel tziiquil; tu nu'upu'uba ti Acab ca tu dzóoctzaj u bel jun tuul u paal yéetel u chuupal paal. ² Cu dzóocol u máan dzéedzec jáabóobé bin tuuxian Acab tac Samaria. Acabé tu quimsaj yáab tamanóob yéetel waca xóob u tial leti yéetel le máacob yanóob tu yéetelo. Acab xane tu yóoquesaj tu pool ca xiic u baatelt Ramot Galaad yéetel leti. ³ Acab, u ajaw Israel tiálaj ti Josafat, u ajawil Judá:"¿A káat a laakinten ti Ramot Galaad?" Josafat tu núuca " Téene teeche in caajale a caajal; ti yano'on ta wéetele ti le baatelo. ⁴ Josafat tu yáalaj tile ajaw Israel:" Taanil unaj a kaat chiitic baax cu yaalic Yuumtzil". ⁵ U ajawil Israel tu mu'uchquintaj le aj bóobat, 400 ma'acóob ca tu yáalaj tiobe: "¿ Unaj wac baatéltic Ramot Galaad wa maj?" Ca tu núucajóob : " Baatéelte tumen Yuumtzil biin u kuub tu kaab le ajaw". ⁶ Báale Josafat tialaje: "¿ Mináan wa láake aj bóobat cu yáal báax bin béetic ?" ⁷ U ajaw Israel tialaj ti Josafat: " Yaan u laak jun tuul maax yéetel jeel u páajtal c kaat chii ti Yuumtzilé, Micaías u paal Imla, baalé, kaas u luubul ti teen tumen mix jun téen cu yáalic bax máaloob tin wo'olaj, cheen baax kaas." Josafat tialaj beeya " Ajaw ma' taan beyo." ⁸ Tu séeblaquilé le ajaw tu táana jun tuul u nójochil ca tialaj ti :" Seeb talac Micaías u paal Imla." ⁹ Bejelae Acab u ajawil Israel yéetel Josafat u ajawil Judá culucbaloob jun jun tuuloob tu jalach kaancheob, u buucbesmujaob yéetel u nookil báatelóob tej táax luum tu jóol u cáajil Samaria tuláakal le aj bóobatoobo cu tzéecóob cáach u táano'ob. ¹⁰ Sedequías u paal Quenaana tu beetaj caach jujun p'éel baacóob fierro ca tu yáalaj:"Yuumtzile tialaj béeya:"Yeetel lela téexe biin a púuxex le arameos laaj xuuixes." ¹¹ Tulaakal le aj bóobatóobo táanajóob caj tiálajo'ob, tu láakalóob: "Baatelt Ramot Galaad ca múukanquech, le Yuumtzilo dzo'oc u kuubic ta ka'ab le ajaw." ¹² Le aj bisaj biin táanic Micaías táanajti ca tialajti:"Tulaakal le aj bóobatóobó dzóoc u táanóob majloob péectzil ti le ajaw.Te'ech xanej páat a táan je'el biix u tiálóobó áal máalo'ob báalo'ob." ¹³ Micaías tu nuca: "Yuumtzile cu'uxa'an le cun u ya'ale kiin waal xan." ¹⁴ Caj taaj tu taan le ajaw, le ajaw tiá lajti:"Micaías, ¿ Unaj wac báateltic Ramot Galaad wa ma'?" Micaías tu nuuca: "¡Xeeneex muuknaquex! tumen Yuumtzil ta wéeteleex." ¹⁵ Baalé, le ajaw tu nuucaj ti': "¿Jay teen unaj in waalic ti teech tu yéetel jalach taán cheen unaj a waalic ti' téen báax jaaj tu kaabá Yuumtzil?" ¹⁶ Micaías tuune tu yaaiaj:" Dzo'oc in wilic le israelitaob ki'it pa janóob tej pu'uco'ob bey tamano'ob mina'an maax cáananticóob caj tu yaalaj Yuumtzil:'Lelo'obo mina'an m'aax cáanan ticóob. Paat ca súunacóob tu laaca maacoob tu yotóochóob yéetel Jeedzel." ¹⁷ U ajawil Israelé tu yáalaj ti' Josafat:"¿Ma dzo'oc in waalic ti' teché le m'aaca; maatech cu táasic ti teen ma'alo'ob péectzilo'ob, baale cheen kaakas peectziloob?" ¹⁸ Micaise tu yaalaj xan "Uuyex tula'akalel utaan Yuumtzil: Tin wilaj Yuumtzil culucbal tu jalach káanché, bey xan tuulaakaj u aj baatelilo'ob tej caano waalacbaloob tu nooj kaab yeetel u dziic kaab. ¹⁹ Yuumtzile tu yaalaj:'¿ Maax jeel u bin u yoques tu pool Acab, u ajawil Israel, tial u náacal tiál u lúubúl Ramot Galaad?' Jun tuule tia'laj beéyaj u láaké u baal. ²⁰ Baale kúuch jun túul pi'ixan tu táan Yuumtzilé ca tu yaalaj le ti' biin xiic beetej.'Yuumtzile tu yalaj ti':¿Bix? ²¹ Le pixano tu nuuca:' Bin in caaj u yooques tuus tu pool tuláakal u aj bóobatóob.' Yuumtzile tu nuuca:' Te'ech cun paajtaj tuusic xen a béetel.' ²² Bejelaé, Yuumtzile dzooc u dzaic jun tuul pixan cu tuus tu chi' a aj bóobato'ob, yéetel Yuumtzile dzóoc u xotic u kiinil cuuxtal." ²³ Sedequías tuune u paal Quenanae, taale, ca tu dzaj jun puul laaj tié, ca tu yaalaj":¿Tuux jook ti' teen u pixan Yuumtzil tial u ta'an ta weetel?" ²⁴ Micaías tu yaalaj:"Biin a wojeelt le kiin le queen xiiquech a táac besabáa iichiil jun pe'el naj." ²⁵ U ajawil tu yáalaj ti a paalitziloob:" Maacheex Micaías ca'a a biisee ti Amón, u méektáanil le caajo yéetel tu yicnal Joás, in paal. ²⁶ Teejxe ca'ana wáaléex ti léti:'Le ajaw tu yaalaj: Ca kaalak le maacaj dzáabac chéen jun pi'it wáaj yéetel jun piit já ti' táac tu kiinil in súut yéetel jéedzel.' ²⁷ Micaías tu núuca:"Wa biin a suut yéeteljeedzeel, yuun tzile maaj taanac tin chi'i'.Tu yáalaj xan: Xiiquiinteex le báala, tuláakaléex." ²⁸ FALTA EL VERSICULO 28 ²⁹ U ajaw Israel tu yáalaj ti Josafat:"Teen bin in ca'aj ichil le b'aatel in búuquintmá jun peel no'ok ma' in tiali." Bey tuuno u ajawil Israel tu bu'uquintaj, nookoob ma' u tiáli caj biinoob báatel. ³⁰ Bejelae, u ajawil Aram tu tuuchiitaj caachi ti u náacomilo'ob le u boolaniloobo,:" Ma' báateleex tel mix máac chéen yéetel u ajawil Israel." ³¹ Uúch túune le caj iláab Josafat tumen u náacomilo'ob le bóolanóobó, tu tucultajóobe:"U ajawil Israel."Ca tu bakpachtajóob utiál u baatelóob,Josafat túune awatnaj káatic ántaj caj ántáab tumen Yuumtzil. Diosé tu náachcuntaj ti leti. ³² Caj tu yilajóob u náacomilóob le boolanoob ma' u ajawil Israel, tu patajóob u ch'a'apachtico'ob. ³³ baale jun tu maake' tu julkaptaj u x puunché, chéen tu yóol iike, ca tu lóolbitaj utial qui'imil u ajawil Israel tuux cu núupul u chiob u nóokil u báatel. Le tié tu ya'alaj ti' máax cu núucbesic le bóolanóobo:" Súutabaj ca a Jóoksen ichil le ba'atelá, tumen chaket lóobitáanilen." ³⁴ Le baateló, jach yajchaj ti kiinaco, u ajaw Israelé, j yanchaj u wáatal tu bolan tu táan le siriob tac tu yucbal kiinó, caj quiim táan u túubul kiin.