¹ Josafat u paal Asa, culaj tu jalach ka'anche u taata. Caj mu'ukáancháaji tu taan Israel. ² Le tie tu muukaanta tulaakal u caajiloob muukaanoob Judá ca tu dzaj aj ba'ateloob lu luumil Judá yeetel Efraín, le ch'a'aboob tumen u taata. ³ Yuumtzilé j yanchaj tu tzéel Josafat tumen ximbanaj u ya'ax beelil u taata David, yéetel ma' tu caxta u óochelo'ob baal. ⁴ Baale letie tu yóolta u Dios u taata ca ximbalnaji tu nuucbeen taanoob, ma' tu queta le baax cu beetic Israel. ⁵ Le beetic Yuumtzile tu dzaj u ajawil tu kaab; tulaaka Judá tu tasóob siibáalóob ti Josafat. Yanchaj yaab caach ayikalilóob yeetel tziiquiloob ti'. ⁶ U puuctziicale u dzáama tu bej Yuumtzil. Le ti' xane tu ca'atzelá le mamba'al kulnajoob bey xan u yochelo'ob Asera. ⁷ Tu ooxpeel jaabil u ajawile, tu tuxtaj u jalach aj meyajo'ob Ben Hail, Abdías, Zacarías, Natanael yéetel Micaías tiál caanbesaj tu caajil Judá. ⁸ Tu tuxta xan le levitasóobo: Semaías, Netanías, Zebadías, Asael, Semiramot, Jonatán, Adonías, Tobías yéetel Tobadonías; yéetel letiobé tuxta'ab xane aj kiino'ob Elisama yéetel Joram. ⁹ Letiobe tuuchi'itaabo utial u caanbeso'ob Judá, baax cu yáalik u yáarma taan Yuumtzil. Letióbe binóobo tulaakal u ca'ajilóob Judá u caanbesóob tulaakal ma'acóob. ¹⁰ Sen sajacchajo'ob ti Yuumtzil tula'akal le ajawo'ob le luumo yáan'oob bakpachmail Judá ma' tuun baatelnaajoob yéetel Josafat. ¹¹ Dzedzec tij le filisteos tu tasóob siibáalóob ti Josafat, Yeetel plata utiál u booticóob paatanti Josafat. Lej arabeobo,tu ta'asóob xan 7,700 tamanoob yeetel 7,700 jyuucóob. ¹² Josafat jáach mu'ukancháaj ca tu túuchiita béet bil caanal pa'akbilo'ob yéetel cáajóob utial u liiksaal balóob Judá. ¹³ Yaancha'aj yaab u baalubaob tu caajilóob Judá, yéetel yaan chaaj aj báateloob jach xiixib máacóob-- ti Jerusalén. ¹⁴ U xo'okil u káabaóbe u yotoch náalóobé: utial Judá, u náacomil Adnas yéetel leti 300.000 aj báatelóob máacóob jach xi'ibo'ob. ¹⁵ Naatz ti leti, Jonahán náacomil, yéetel 280.000 maacoob; ¹⁶ Naatz ti leti Amasías, u paal Zicri, máax tu junal u yóol tu yáalaj u meeyaajtic Yuumtzil yéeten leti 200.000 máacóob aj báatelóob. ¹⁷ Yeetel Benjamín: tian Eliada jun tuul xiixib maak aj báatele, yéetele 200.000 xiiboob u ch'aamajóob pu'umcheób yeetel chimalóob; ¹⁸ tu tzelé, ti yaan Jozabad yéetel 180.000 aj baateloob u nuucbesmujabaób. ¹⁹ Le lóoba letiobé tu méeyajtajóob le ajaw, yaan u laakoob le ajaw tiotaj u dzaj tile cáajóob jach cáanan u paakiloob tiolaj Judá.