¹ Báalé ti u 36 ha'abil u ajawil Asaé, Baasa u ajaw Israelé, tu ca'axta caxta baatel ti Judá ca tu beetaj Ramá, tiolaj ma' u paatic u jo'okol mix maak mix u yocol tu luumil Asa u ajawil Judá. ² Tuuné Asa tu láaj ch'aaj u plata yeetel oro tu kuinaj Yuumtzil yeetel ti u jalach naj le ajaw, ca tu tu'uxta Ben Adad u ajawil Aram, ca'aja'ajba caach Damasco. Le ti tu yaalaj: ³ "Coox béetic u peel nu'upta'an ten yéetel tech, jeex áanjii yéetel a taata yeetel in tata. Ile dzooc in tu'uxtiquech plata yéetel oro. Paaj le nuup taan a be'etma yeetel Baasa, u ajawil Israel ca u paat u chi'ichnaccuntiquen." ⁴ Ben Adad tu xiquintaj ajaw Asa ca tu tu'uchi'itaj u nu'uquil u aj ba'atelo'ob, ba'ateltic Israel. Baatelnaajo'ob yéetel Ijón, Dan,Bel Maín yéetel tu'ula'akal u ca'ajilo'ob tuux cu liiksa'ol báalo'ob tu caajil Neftalí. ⁵ Uuch tuune caj tu yuuba lela, tu paataj u beetic tej Ramá, caj tu beeta u xulsaj le meeyajó. ⁶ Asa tuune le ajaw tu biisaj tu'ula'akal Judá ye'etel le ti. Letiobe tu jo'okso'ob le tu'unicho'obo yéetel le cheób cu me yaj ca'ach ti Baasa ca tu be'etaj le caajo.Tuune le ajaw tu cháaj le tu'unicho'obo ye'etel le cheobo ca tu líiksaaj Geba yeetel Mizpa. ⁷ Ti le kiinoobo Hananí le aj bo'obato bin tuxian Asa, u ajaw Judá, caj tialaj ti:"Tuumen ta dzaaj a wool yo'oko'ol u ajaw Aram, ma' ta dzaj a wool ti te'ene Yuumtzil a Diose, u aj ba'atelo'ob le ajaw Aram dzooc u puudzul ta kaab. ⁸ ¿Ma wa le etiopeo yeetel le libios jach noojooch aj baateloob, yeetel jach yaab u boolaniloob yéetel xi'iboob u naatmoob tziminino'ob? Baale Yuumtzile tu kuuba ta ka'ab tumen ta ka'ata caj in ya'antech. ⁹ Tumen u yiich Yuumtzil cu yiilic tulaaka baax cu yuuchul yookolkaab, tial u ye'escuba ti le ti muukaan u kaaba ti tula'akal maaxoob u puucsiikaloobe ja'ach ma'alo'ob tu taan Le ti. Teeche jáach ma' áanchaj a na'at ti le baálo'ob ta beeto'ob. Bejelae yaan u ya'antal tech baatelioob". ¹⁰ Asaé , sen p'uuj ti le aj bóobató, ca tu tu'uchi'itaj kalbil, tumen jach púujáanchaj yéetel le ti tiolal le baaloba tiolal xane Asa tu loobiltantaj dzedzec ti le caajobo. ¹¹ U tzicbalil Asa liikbal ti u cáajbal tac u dzoocolé, dziibtáan tu dziibilo'ob u ajawilo'ob Judá yéetel Israel. ¹² Ti u ja'abil 39 u ajawil, Asa áanch'aaj ti u yo'oco'ob jun peel kojaanil jaach ya'aj ma' tu kaxtaj u dzáacal tumen Yuumtzile chéen tu caxta u dzaac aj dzac yajóob. ¹³ Asa wéeni yéetel u chi'ibaalo'ob; quiim tu 41 ja'abilo'ob u ajawil. ¹⁴ Caj muuk ti' le muuknal tu tuuchiitaj beetbil tu caajil David. Letibe tu dzajoob ti p'éel cooch ché chuup yeetel qui'iboc jaób yéetel tuláakal qui'iboc báalóob núuc bensáanilo'ob. Cu dzo'ocolé,ca ta'ab nojoch káak tu yóolaj.