¹ Cu dzóocol tulaakal le báalóoba, u cáajil Moab yéetel Amonitaobo yéetel dzéedzec meunitas táalóob báatel yeetel Josafat. ² Táalóob dzéedzec máacob u yiil Josafat: Caj tu yáalajóob " Taan u taal jun peel nojoch múuch' aj báatelóob u báatel téex jun piit máas ti le quimen kaanabo ti Edom. Ilé, le tiobe ti' yanóob Hazezon tamar" leláj En Gadi. ³ Josafat ja'ak yóol caj tu káataj áantaj ti Yuumtzil. Bey tuuno tu káaytaj su'ukin tuláakal u lúumil Judá. ⁴ U caj náalilóob Judá tu muchajubaób u káatóob u yáantal yuum tzil ti tuláacal u cáajilóob Judá táalóob u caxtóob Yuumtzil. ⁵ Josafaté wáalaj tile muuchbáal áanchaaj Jerusalén yeetel Judá. Tu kulnaj Yuumtzil, tu táan le túunben táancabo. ⁶ Ca tu káam a'ala:" Yuumtzil, u Dios c máanjáan chiibalóob,¿ ma' wa tech u junub Dios tej caano? ¿ Ma' wa te'ech méektantic tulaacal muuch caajóob? Paajtalil, muuk ta káab yaan, mix máac jéel u páajtal u báatel ta wéetelé. ⁷ C Dios,¿ teech tojochint tu táan a cáajal Israel u cájnáalilo'ob le much cáajóobá ca ta dzaj u tial tuláaka jáabóob ti' u chi'ibaloob Abraham? ⁸ Cu dzo'ocol u je'edzel u cajtalóobe waye, tu béetajoob u jun peel kulnaj ta kaabale, caj tialajoob: ⁹ 'Wabiin ta'alac jun peel l'ob-- utial u jáadzil csi'ipil, jeel bix báatel, baanquiimil, wa wiji'ili--bin táalacóon, tu táan ( tumena kaabae tej kulnaja) to'one biin ckáat ti te'ech áantaj tu yóolal yaj óol, teéech xane biin a úuyón yéetel a tóocon. ¹⁰ Il bejelae wáayan u ca'ajil Amón, Moab yéetel Seir maacoob ma' ta wooltajca ocooc Israel ca joocoob tu luumil Egipto; báale máanóob jun tzel, ma' ta wóolta ca xúulsacóobi. ¹¹ Tu bóolil leló, bejela'e táan u táalóob u báateltonóob u tial toquic tóon le luum ta dzaj ctialintó. ^{12 13} C Dios,¿Ma' wa biin a jáadzo'obi? Tóone ma' chúca'an ¹⁸ Josafat tuuné, j xóolajé, ca nojclaj luum. Tulaaca Judá u caajnaaliloob Jerusalen xo'olajo'ob tu táan yuum Yuuntzil utial u kultico'ob. ¹⁹ Le levitaóbo, u chi'ibalo'ob le Coatitas yéetel Coretitas, waalcháajóob tial u cultico'ob Yuumtzil u Dios Israel, senka'an. ²⁰ Cu sáastal u laak kiiné, liikóob piknal, utial u binoob tu x tokoy luumil Tecoa.Tu su'utuqui u jóokbalóobe, Josafaté, wáalaj ca tu yaalaj:"¡ Uuyene'exi u cáaj naliléex JudáYéetel Jerusalén! Ócsaj óoltéex Yuumtzil a Dios seex ca paatac jedzenac a waniléex, oques a wóoleex ti' le aj bóobatóob, bey biin xiic téex utzil ti' tuláacal." ²¹ Cu dzo'ocol u ta'an yéetel le cáajo, tu tuuchi'ita máaxo'ob cun kaayo'ob utiál ca xiico'ob ca'aliquil ta'an u qui'iqui taanticoob Yuumtzil utial ca xiicoob tu ta'an le aj baatelóob cu yáalicóob:"Dza'aex nib oolal ti' Yuumtzil tumen u yaabilaj tié nuuptaano utial tulaacal jabóo." ²² Caj ca u káayo'ob yeetel uquiiqui tantico'ob, yumtzile tu dzaj mácóob u nuuptáantóob tunyóokool u caajil Amón, Moab yéetel u puuc Seir, maxóob talóob baatelt yéetel Judá.Letióbe xuuisaabo. ²³ U cáajil Amón yéetel Moab liikóob báatel yéetel u cáajilo'ob u puuquilóob Seir, tiál u qui'imscóob yéetel u xúulsicóob. Caj dzóocóob, yéetel u puuquilóob Seir, tuláacalóob tu quiimsajubaó tu báatzilóob. ²⁴ Le caj kuch Judá tu cúuchil túux chiicáan u yillal le x tocoy luumo, tu yiilajóob le aj báatelóob. Tuláacalóob quimenóob, jayacbaloob luum mix jun tuul puudzij. ²⁵ Caj biin Josafat yéetel le cáajoj u molob le baax tu paatoób tu caaxtóob jaach yáab baaloob yaab u tojóol, nook, tu laacal le báalóobó utiallóob, ma´tu pajtal cáach u cuuchcóob. Ooox peel kin tial u laj móolcóob le báalóobó tumen jach yáab cáachii. ²⁶ Tu cáampéel kine tu muuchubaób tu taax komil Beraca. Te'elo tu quiiqui ta'antóob Yumtzil le beetic u káaba le luumo beya Valle Beraca, tac bejelae. ²⁷ Dzóoc tuláacale su'unajóob, tuláacal xiibo'ob Judá yéetel Jerusalén, Josafat yáanal u nu'ucsbes bej tial u biinóob tu ca'aten Jerusalén sen quiimac u yóolóob, tumen Yuumtzile tu tóocóob tu kab u aj péecoob. ²⁸ Letiobe binóob tu kulnaj Yuumtzil Yéetel u paaxil liras, arpas yéetel trompetas. ²⁹ Tu ch'a'aób sajaquil ti Yuumtzil tuláacal le ajawilóob ti le nojoch cáajóobo, le caj tu ajéeltáabó Yuumtzil baatelna ja´yéetel u aj péecóob Israel. ³⁰ Bey tuuno u ajawil Josafaté, yáanchaj iich jéedzel tumen u Dios tu dzaj jéedzel ti yéetel tu láacal máaxóob cajacbalóob tu tzel. ³¹ Josafat ajawnaj tu yóokol Judá. Le tie yaan caach ti 35 jaaboob ca tu chuumbesaj u ajawil, méektáanaj 25 jaaboob Jerusalén. U káabá u mamae cáache Azuba u chuupal paal Silhi. ³² Le ti Xiinbal na ja' tu bel Asa, u tataé le tie ma' náajcháaji, le tie tu béetaj ba'ax toj tu táan u yiich Yuumtzil. ³³ Chéen baalé, ma' lukesáab le mambáal kulnajóobó, tumen le caajo' ma'ili' u qui' jedzmaj u tu'uculóob ti u Dios u máanjáan chiibaloobi. ³⁴ Tuláacal u laak báalóob tiolaj Josafat, yaaz yéetel u dzóoquele ile, letiobe tu dzibtoob tu dziibilóob Jehú u paal Hananí,dziibta'an xan tu juunilóob u ajawilóob Israel. ³⁵ Cu maan kiine Josafat, u ajawil Judá, tu nupajubáa yeetel Ocozías, u ajawil Israel máax jach tu meentaj loob. ³⁶ Tu nupajubaa tun yéetel u tiál u béetóob ch'emo'ob tial u bino'ob Tarsis. Letióbe tu béetóob le cheemoobó tej Ezión Geber. ³⁷ Tuune, Eliezer u paal Dodava Maresa, tu ka'aytaj ti Josafat; caj tu yaálaj:" Tumen ta nuúpaaba yéetel Ocozías, Yuumtzile cu xéexétic tuláaca báax béetaj." Le chéemo'obó xéexetáabó, ma' pa'atchaj u bin'oob Tarsis.