¹ Ne yenemaine sasuni nepaine Cristotsie. Ne nekwati'ita, mɨta ne iyaritsie kenetinekuhɨawe nehamatɨa Epíritu Santotsie, ² Ne hepaɨsta waɨkawa xuawe heiwerika waɨkawa siere kukuiniya ne iyaritsie. ³ Mɨta yɨwe ne pɨnetiunehɨawe nehepaɨsta tsinetiuka iayaritɨ nehɨkɨtɨni mɨta nemanayahɨiyani aixɨ mete hau'eriekakɨ ne iwama, iyaamexi ne hapaɨ mete aka'erie aku ya xeikɨa tete uwaiyari. ⁴ Mɨkɨmexi Israel me kiekatari. Mɨkɨmexi mepeixeiya niwetsika, mete aya'arɨkani, mamakaxewiriyarie, imikieri mari'itsikaya, mayexeiyarie Kakaɨyari, mɨta siere mapaxewiriyarie. ⁵ Mɨkɨmexi wahetsie mieme mehɨkɨ wayeyeuma ke ane mamanuaxɨa Cristo hatsɨa aku yu waiyaritsie. Aku mɨkɨ hɨkɨ Kakaɨyari, heimanarieka. Mɨkɨ ke ayexeiyarieka tukari mautiyune. Pɨke aneni. ⁶ Mɨta pɨti anetɨkwati ane wa'atɨ Kakaɨyari mekaxewiriyakai rayutɨmaiya. Mɨta hawaikɨ yunaitɨ makwa hɨkɨ Israel kiekatari aku sasunimekɨ Israel kwie mete awiya. ⁷ Hapaɨna siere makwa hɨkɨ yunaitɨ Abraham nuiwarimama sasunimekɨ niwemama. Pɨta: ''ISAAC HEPAɨSTA A NUIWARIMA METE TERɨWARIENI.'' ⁸ Ikɨ pɨ'ane, waiyaritsie niuwakate Kakaɨyari meniwemama. Mɨta niwemama mamakaxewiriyarie mɨkɨ pɨmetematiwa kenme mehɨkɨ nuiwarimama. ⁹ Ikɨ niuki pɨpanyine aku makaxewitsie: ''ANAMɨ MAYA ANITSIE NE NEPAMIE, MɨTA XEWITɨ NUNUTSI YATUIRIYARIENI IYA SARA.'' ¹⁰ Hawaikɨ xeikɨa ikɨ, umaniereta aku Rebeca xeime nunutsi utinuiwitɨaka ta yau Isaac. ¹¹ Mɨta akuxi tɨri makwa tinuiwawekai, ni akuxi aixɨ manyine hapaɨna tsiranyine makwate uweiyakai, aku ketiu Kakaɨyari waranaya haapakai aku ketiu menaya hanakai yaxeikɨa anenike iyari, hawaikɨ kentikamienike, pɨta Mɨkɨ kentiku eriwakai, aku ke ane waranayahapa. ¹² Mɨkɨ pɨtiutahɨawerie: ''MATɨARI MANYAKA KWINATɨME KE UXIMAYAKA.'' ¹³ Metsɨ aku pɨtiu utɨarie: ''NE JACOB NEMAUYAHɨAKAI, MɨTA ESAU NEKWA HAUYAHɨAKAI.'' ¹⁴ ¿Keta tame tetiyɨni umaniere? ¿tixuawe itaarika Kakaɨyari hetsie? Kwa xuaweni hawaikɨ. ¹⁵ Metsɨ Mɨkɨ Moisés pɨrahɨawe: ''NE NEPEIXEIYANI NENIMAYATSIKA KE ANE WAHETSIE NEMEIXEIYA NENIMAYATSIKA, NETA NEPEIXEIYANI NENIMAYATSIKA KE ANE WAHETSIE NEMEIXEIYANI NENIMAYATSIKA.'' ¹⁶ Paɨmɨ ti ane, mɨkɨ hainekaku kwati ane, ke ane pɨtiyuku hɨawe, ni hapaɨna siere, iya ke ane mu nautsarɨme, pɨta Kakaɨyari tiutayuruwa, aku mukɨ nenimayatsika hekɨata. ¹⁷ Mɨta utsíka Faraón pɨrahɨawe: ''IKɨ YA ANYINEMEKɨ NE NEMETSI ANKUHA, AKU NE NEYɨWETɨ NEMAYANIKɨ NEMETSI XEIYASTɨANI NE TɨRɨKARIYA A HETSIE, AKU PɨTI ANENIKɨ AKU NE KENENTITEWA REYUTIMANI NAITSATA KWIEPA.'' ¹⁸ Mɨta, Kakaɨyari peixeiya nenimayatsika ke ane wahetsie pɨreuna ke'erie, mɨta siere iyaamexi ke ane wahetsie pɨreuyahɨwa, mɨkɨ makayu iwanɨakame wareyeitɨa. ¹⁹ Uraniereta xeme pɨxenetetahɨawe: ''¿Metsɨ akuxi Mɨkɨ pikaxexeiya xete epinierie? Mɨta ¿Ke ane heiwa kwa uyupitɨa Mɨkɨ kentinɨ'akɨ?'' ²⁰ Ta urie mawetse, ekɨ uki, ¿ke ane pehɨkɨ ekɨ, pama ewa Kakaɨyari hatsɨa? ¿sunu yɨwe aku ke ane mutawewiya pɨtitahɨawe iya ke ane mitawewi:? ¿ketiu yepenetiuwewi? ²¹ ¿Kareixeiya tiwewiwame kemuyuni haxu hepaɨsta mitawewieni haxukɨ xeime xari tixaɨtɨ titu'ame xeimeta xari tukarikɨ tixaɨ tiuyepika? ²² ¿Xɨkata Kakaɨyari, aku Mɨkɨ meixeiya yu haxɨa mutatuani siereta tatsi xeiyastɨani yu tɨrɨkariya, tatsinewie waɨkawa wawetɨ titu'amete meyu haxɨatɨawawetɨ mewewiya meti unarienike? ²³ ¿Xɨkata Mɨkɨ yatiuyurieni ikɨ Mɨkɨ miti xuaweritɨani ranayuhayawatɨ mayexeiyariekakɨ iya xarite nenimayatsietɨ, Mɨkɨ mepripaitɨri pitawewiekai mayexeiyariekakɨ? ²⁴ ¿Xɨkata Mɨkɨ yatiuyurieni tahetsie miemekɨ, a ku ke ane siere Mɨkɨ waruta hɨawixɨ, hawikɨ xeikɨa judiotsixi watsata, hapaɨna siere Gentiltsixi watsata? ²⁵ Paɨmɨ aku maine Mɨkɨ Oseas ustikayatsie: ''NE NEWATAHɨAWE NE KIEKARI KE ANE NE KIEKARI MAKWA HɨKɨTɨKAI, 'HAPAɨNA SIERE HAUYAHɨIYATɨ KE ANE KWA HAUYAHɨIYAKAI'. ²⁶ MɨTA PɨTIYɨNI KEWA MɨKɨMEXI PɨMETE HETHɨAWERIE, 'XEME NE KIEKARI XEKWA HɨKɨ', MANA MɨKɨMEXI PɨMETETA HɨAWERIENI KAKAɨYARI MAYENIERE NIWEMAMA''. ²⁷ Isaías pɨmutayɨ Israeltari wahepaɨsta: ''XɨKA ISRAEL NIWEMAMA XIEKARI HARAMARA MIEME HAPAɨ MEPAɨMENIKE, XEIKɨA MAMANAYAHAPANIENI MAKUWIKWENI; ²⁸ MɨTA MɨKɨ UKIYARI PI ATɨANI YU NIUKI ANA KWIEPA, YAPUKU AYA ARɨKAME. ²⁹ mɨta pɨti ane aku Isaías mutayɨ hapaɨ meripaitɨ: ''XɨKA TA'UKIYARI TATSUTIWEWI KAWARUKU HAYAWAKE NUIWARI, TAME SOSOMA HAPAɨ TEPUYɨNIKE, HAPAɨNA SIERE GOMORRA HAPAɨ TEPUYɨNIKE. ³⁰ ¿ke hapaɨta tetiyɨni? Kename iya Gentiltsixi, ke ane aku makwa iwautɨwekai aixɨ manyine, mete ikaxei aixɨ manyine, aixɨ manyine aku sasuni eriyarika. ³¹ Mɨta Israel, ke ane aku memiwautɨwekai mari'itsika aixɨ manyine, makwa aya'axɨa yamakwate kakɨ. ³² ¿Ketiuta hawaikɨ? Metsɨ mɨkɨmexi mekwa iwaɨtɨwekai sasuni mete erietɨ, pɨta kemeteka hukaitsie mahauyu ɨtɨ. Mɨkɨmexi mepetiwitsaixɨa tetetsie tiyuwitsaitɨwa, ³³ aku kehapaɨ tiu utɨarie: ''XEUNIERI, NEPIKUHAYAWAXɨ SIÓN XEIME TÉTE TIYU WITSESTɨWAME SIERE TÉTE TIYUKWINITɨWAME. KE ANE SASUNI TITA ERIENI IKɨTSIE KWATEWINɨARIENI''.