¹ 'Iwamari, ne'iyari kenreuyehɨwa meta nepeyewawa Kakaɨyari hatsɨa Iyamexi wahetsie mieme, mekuwikwenikɨ. ² Mɨta neé netikuxata yemanyɨnekɨ mɨkɨmexi mepau 'ɨtetsa Kakaɨyarikɨ, nita mɨkɨkementeyukuhɨawekɨ. ³ Mɨkɨmexi mekwate'akumatekɨ Kakaɨyari miyetua aixɨmanyɨne, mɨta mɨkɨmexi mewautɨwe yuhetsiekɨ 'aixɨ mete 'akayuruwa kemetehauyahɨwa; mɨkɨmexi mekwate 'uwi Kakaɨyari aixɨrakayuruwatsie. ⁴ Mɨta Cristo hɨkɨ rakahɨa mari'itsikatsie aixɨraka 'itɨariwatsie meyunaime wahetsie kehate yuri mete'erie. ⁵ Mɨta Moisés tiuta'utɨa yamanyɨnetsie mari'itsikatsie mayemiekɨ: ''UKI KE'ANE AIXɨRAKAYURUWA MARI'ITSIAKA KEMAINE, KɨMANAKɨ PUYEIKANI.'' ⁶ Mɨta 'ikɨ makamie yuri kepeti'eriekɨ pɨpaine:'' PɨPEKWAHAINENI A'IYARITSIE: '¿KE'ANE PATIYANI HAIWITSIE?' (Pɨ'anyɨtɨ kananyɨneni, Cristo memanakawitɨni kwiepa) ⁷ Mɨta Pɨkwahaine:' ¿KE'ANE PAUKAYANI MAUWATIXAWATSIE KWAHAUKAKEMARIKɨTSIE?''' (Ikɨkahɨkɨni, hamantinɨ'ani Cristo mɨkite watsata.) ⁸ Mɨta ¿kehainé?: '' NIUKI KWAHAUTEWA 'AHATSɨA, ATETA META A'IYARITSIE.'' Mɨkɨkahɨkɨtɨni niuki yuri kepenti'erietsie, tame temikuxatatsie. ⁹ Xɨka ekɨ yepe'utayɨni atetakɨ kename ke'anehɨkɨ Jesús Ukiyari, mɨta yuri'petita'erieni a'iyarikɨ, kename Kakɨyari enkuhaá mɨkite watsata, ekɨ wikwestɨarika pehexeiyatɨ pepayani. ¹⁰ Mɨta yu'iyarikɨ uki yuri ti'erie 'aixɨ rakayɨnetsie, mɨta yutetakɨ yatayɨni kuwikwenikɨ. ¹¹ Mɨta 'utsika pɨpaine:''YUNAITɨ KEHATE YURIMETE'ERIE HETSIENA MɨKɨ MEKWATATEWINɨARIENI.'' ¹² Nixewitɨ raye'atɨ kwahɨkɨ judio meta griego. Mɨkɨ misimu Ukiyari,hɨkɨ Ukiyari yunaime wara'iwa meta tuminikame meyunaime wahetsie kehate me'mehɨawé ¹³ Mɨta:'' YUNAITɨ KEHATE WAɨKAWA YURIME TE'ERIE KENTITEWAKɨ UKIYARI KUWIKWENI.'' ¹⁴ ¿Kemete'ihɨaweta xɨkate sasuni mekate'erieka,?¿Kehapaɨta sasuni mete'taerieni Hetsiena, Xɨkate akuxi niukeya meka'eniewaweni?¿kehapɨta metehetimani xɨkate xewitɨ nuiki kakuxatani? ¹⁵ Tamɨta,¿kemetexata, xɨkate hɨrixɨa me'utanɨ'arieni? Reuku'uxa hapaɨ:''¡WA ɨKATE WICHI'ANENE IYAMEXI KEHATE NIUKI MEKUXATA AIXɨ'ANYɨNEME!'' ¹⁶ Nita yunaitɨ mɨkɨmexi mekwa'uenanaxɨ kepauku memutaxatsiyerietsie niuki aixɨ manyɨne. Isaías pɨmainekai: ''UKIYARI, ¿KE'ANE SASUNI TIUTA'ERI NIUKI TEYETUAKɨ?'' ¹⁷ ke'ane e'ane sasuni tita'erieni, mɨta Cristo nuikeya 'enieme. ¹⁸ Neta pɨnepaine: ''¿Mekwa u'enana mɨkɨmexi?'' Makaxewi. '' NIUKI PAWAUTSE NAITSARIE KWIE TAMATSIE META NUIKEYA HUMAPAITɨ KWIE MAN'AXETSIE.'' ¹⁹ Neta, pɨnepaine: ''¿Israelita kwaretima? '' Matɨaripai Moisés pɨpaine: ''¿NE'NEWATAMANI METI 'ɨTETSARIKAKɨ KEHATE MEKWA KIEKATARI, KIEKATARI MEKWATE'AKUMATE, NE NE WAYEHAXɨATɨANI.'' ²⁰ Yu'umieme Isaías puyuwaɨri pɨmainetsie:'' NE'NEPUKAXEIYERIE KEHATE MEKWANETSI WAUTɨWE WAKɨMANAKɨ. NE'NEPUNEHEKɨATAXɨ IYAMEXI WAHɨXIE KEHATE MEKWA'UTA 'IWAU NEKɨMANAKɨ. ²¹ Mɨta Israelita, Mɨkɨ pɨtiwarahɨawe: ''TUKARI MAMAKAMEKɨ NEMAMATE NEPANKUHAPA TEɨTERI MEKWAHAU ENANA WATSIE META MEYU TSE'IRIYA.''