¹ Umaniere'ta, ya'umieme, hikɨ pumawe kwa'antahɨiyani iya wahepɨsta ke'hate Cristo Jesús' hetsie mete'awiya. ke'hate mamu'uwa yu waiyari maka'hauenietɨ, pɨta espiritu kereuya'hɨwa. ² Ikɨ maukatsutɨ'paitɨ Espíritu tukariyari Cristo Jesús hetsie netsi'uxɨnaxɨ mɨkiriya'tsie tatakuri'tise meripaitɨ. ³ Ke'tita iya kwatiyɨwekai mari'itsika hepɨsta, tɨrɨkariya kwa hexeiyakai waiyari hepɨsta, Kakaɨyari pu yɨwekaxɨa. Mɨkɨ peiyanɨ'a yu hetsie mieme yu niwe tewi hapaɨnaeme mawari mayanikɨ tatakuri hepɨsta, Mɨkɨtá tatakuri pantahɨa waiyarieyatsie. ⁴ Mɨkɨ yetikatɨa pɨreuye'wekakaikɨ mari'itsika mayuya'atɨanikɨ tame ta'hetsie, kehate temu'uwa, hawaikɨ ta waiyari kereuya'hɨwa, puta Espiritu kereuyahɨwa. ⁵ Iya kehate memu'uwa yu waiyari mahau'enietɨ mɨkɨ ma'pau enie yu wuaiyari kereuya'hɨwa,iyta hiatɨ memu'uwa ma hau'enietɨ espiritu mɨkɨ me pei'enie tita espiritu'tsie tita timieme. ⁶ Xɨka tame teyuku'hɨaweni ta waiyaritsie xeikɨa mɨkiriya hɨkɨ, mexɨkatá espiritu'tsie teku'eriwani pa yeika tukari kaiwatɨ tiumatɨ. ⁷ Ikɨ hɨkɨ xɨka teyuku'hɨaweni ta waiyaritsie timieme'xeikɨa te pauteware Kakɨyari hatsɨa, mɨkɨ yakwatika'yani Kakaɨyari mari'itsikaya ke maine, ni kwayuwe pɨti'kayani. ⁸ Iya ke ane yu waiyari'tsie memu'uwa makwayɨwe Kakaɨyari hatsɨa aixɨ metekakɨne. ⁹ Ya'umiemekɨ, xmerí yu waiyaritsie xekua'u'uwa, masi'pɨtá Espiritu'tsie, kani'sasunitɨni Kakaɨyari Espiritu mi'yatuá xe hetsie kayukanieritɨaka. mexɨkata xewitɨ kaheixeiyani Cristo Espiritu'ya, mɨkɨ tewi Cristo'tsie kwa'mieme. ¹⁰ Cristo xehetsie xɨka yukanieritɨaka, pɨtiuyu matsiɨkɨre. ta waiyari mɨkitɨ hɨkɨ tatakuri hepɨsta, Espiritu'tá payeniere mɨkɨ hepɨsta aixɨ raka'ítɨariekɨ. ¹¹ Xɨka Mɨkɨ Espirituya, keane Jesús manku'ha mɨkite watsata, xe'etsie yukanieritɨaka, Mɨkɨ Cristo manku'há mɨkite watsata'akú, kaniyatuamɨkɨ tukari hapaɨna xe'waiyari mɨmɨkɨme'tsie iya tu Espiritu'kɨ, xe hetsie yukanieritɨakɨ. ¹² Ya'umieme, iwawmarixi, tete'apine tehɨkɨtɨni, mɨkɨ hawaikɨ ta waiyari tekwa'u'uwanikɨ mɨkɨ kereuyahɨwa te hei'enietɨ. ¹³ Xɨka xeme xe'u'uwani xe waiyari kereuyahɨwa xehei'enietɨ, xeme xekwiximetɨ xehɨkɨ'tɨni, mexɨkata Espiritu'kɨ, xeme mɨkime xepayeitɨwa ketikamie xe waiyari, xepayene'niereni tukari mautihane. ¹⁴ Yunaitɨ kehate mamuwitɨ'kiexime Kakaɨyari Espíritu'yarikɨ, mɨkɨ me hɨkɨ Kakaɨyari niwamama. ¹⁵ Xeme hawaikɨ xekwa'yatiriyarie iya espiritu waraku'wɨwɨtɨwa tawari xemaumamak'kɨ. Mɨkɨ hepɨstakɨ pɨtá, xeme yumama'tsie xepi'hɨ iya espíritu niwetsiekate xehɨkɨ, mɨkɨtɨt tiyuriene teme'hɨawe tɨrɨkarima: ¨¡Eekɨ ne Yaú pehɨkɨ!¨ ¹⁶ Iya Espíritu yukɨmana piyatuirie pɨrehɨawe ta espíritu kename tame Kakaɨyari te niwama'ma. ¹⁷ Xɨka tame niwetsiekate te'hɨkɨtɨni, ya, eikɨata táme tete'yatuiriyarieni tehɨkɨ, Kakaɨyari tatiyatuirieni. tehɨkɨ Cristo'tsie te'utanetɨ tete'mamatɨarieni, pakahekɨa tame tete'ukaeniwa Hamatɨana, tame yaxeikɨa'tá aixɨ te itɨarieni Hamatɨana ¹⁸ Pɨnereikuxeiya tete'ukaeniwa hikɨ tukaritsie mɨkɨ tekwate'hauxeiyani wichititi'aneme masi tete'hekɨatsiyarieni táme. ¹⁹ waɨka te'pau'ikwewa tiuyutawewi tatsi'kwewie tehekɨatsiyarieni kehate yurikɨ Kakaɨyari me niwamama. ²⁰ tita anitɨ tiuyuta'wewi tiuyuwe'kaxɨa hawaikɨ yukɨmana, Mɨkɨ pɨta tiuyuri, reumietɨ aixɨ tiyinekekaikɨ. ²¹ tihekɨa tiutiwewi mɨkɨ xɨnarieni yukɨ kwati'aeni karekana'kemekɨ, mexɨnariexɨani tsie Kakaɨyari niwamama. ²² tet akumate naitɨ tuyutiwewi tuka'eniwa tiuka'kukuine iya niwekame hapaɨ hikɨ tukariyaritsie. ²³ mɨkɨ'xeikɨa kwatiane, tame hapaɨna yaxeikɨa, kehate temeixeiya Espiritu ikwaxieya matɨari: tame siere teputi'iteika ta'taɨta'paitɨ, te ikewatɨ niwetsiekate temayeitɨarienikɨ, hekuariyarieni tawaiyari. ²⁴ ikɨ ya'umiemekɨ tepuku'wikestɨarie, akuxitá tita iyatsie tete hauta waɨriya yetiyini akuxi kwayu'hekɨarie, ¿ke'ane sunu pau'ikwewa ti xeiyatɨ´ri ²⁵ mexɨka'ta tame te ahuta'waɨriyani iyatsie akuxi tekate'xeiyatɨ , paɨ ya'umieme tame tepikwewie te ka hauta'mexɨitɨakamekɨ. ²⁶ Ya xeikɨata reukunakemekɨ, iya Espíritu hapaɨna tatsiparewie tekwa'tɨrɨkawini'tsie. tametsɨ tekwate'akumatekɨ ketete'uyu'nenwiwani, Mɨkɨ Espíritu yu kɨmana paniuka ta hetsie mieme niuki kayumainɨakamekɨ. ²⁷ Mkɨkɨ , ta iyari pakumate, pekumate hapaɨna ketiyukiu'hɨawe Espíritu mɨkɨtsɨ yukɨmanakɨ kana'niukani yuri mete'erie wa'hepɨstakɨ rekanakemekɨ Kakaɨyari ke'hapaɨ reuyahɨwa. ²⁸ Tame tete'nakumaika iya keanimexi Kakaɨyari me mauyahɨwa, meta mɨkɨ ti'uximaya tinaime pini;tsie aixɨ ti anemekɨ, meta yaxeikɨa iyamexi me'muti hɨawerie mete aya'atɨanikɨ. ²⁹ Mɨta mɨkɨmexi iya kehate mɨkɨ wa'retima paɨ anemekɨ, meta siere Mɨkɨ Yu'niwe Hapaɨ me anekame waruti'wewi, meta mɨkɨ iya iwamarixɨ me'waika matɨari manyaka mayanikɨ. ³⁰ Mɨkɨmexi'ta ke aneme waranayexei, mɨta siere mɨkɨ warutahɨawixɨ, Ke'ane'ta siere waruti hɨawixɨ Mɨkɨ aixɨ warutiyuri. Mɨkɨmexi'ta aixɨ warutiyuri, mɨkɨmexi'ta Mɨkɨ siere mete'aya'akame warayeitɨa ³¹ ¿Mɨta tame kete utiyuatɨ tepakɨniwaweikɨ pinitsie hakunenetɨka? Hɨ kename Kakaɨyari tahamatɨa, ¿Nɨta ke ane tatsi akaheka? ³² Mɨta ke ane yu niwe kwa utikweri, sunu pɨta ke ane miyatua teyunaime tahetsie mieme ¿Mɨta mɨkɨ kwatati tuirieni tinaime pini? ³³ ¿Meta ke ane iya Kakaɨyari waranayahapa wa'hestsie reutihɨani? Mɨta mɨkɨ Kakaɨyari waheima nua hɨkɨ. ³⁴ ¿Mɨta mɨkɨ hɨkɨwarantaxɨrieni? meta mɨkɨ hɨkɨ Cristo ke ane mu'mɨ ta'kɨmana, meta waɨkawa raya axe meta siere mɨkɨ mɨkite watsata pankuke. Mɨta mɨkɨ nɨ'a Kakaɨyari matɨa, meta mantakeka tahetsie mieme. ³⁵ ¿Ke ane tatsi hauyaxɨrieni Crsito nake eriyarikayatsie? ¿Inɨatsikatsie, heiwerikatsie Kakaɨyari niukieyakɨ muweiyarie meta hakakɨ meta kemari mekwate hexeiyakɨ, meta siere timariwekɨ kutsirakɨ? ³⁶ Reuku uxa hapaɨ: '' KɨMANAKɨ TENIUTIKWIKWIWANI TUKARIKɨ TAME TETENANYAHUNI MUXATSI KWIYAKATE HAPAɨ.'' ³⁷ Meta tinaime ikɨ'tsie rakunena tame tehɨkɨtɨni teyu íwakate aku ke ane iya tatsi hauyahɨwa kɨmanakɨ. ³⁸ Ne nekuuta nekwa ukeni tseapa mɨkiriya ni tukari, ni akeritsixi, ni tsɨkate ni hikɨ kemɨti ane, nita hapaɨna tita rakamie tɨrɨkariya, ³⁹ ni reutitewatɨ, ni reukatewatɨ, ni tixaɨtɨ tiwewiyatɨ, tatsi hauyaxɨrieni, Kakaɨyari nake eriyarikatsie nita hapaɨna Ta Ukiyari Cristo Jesústsie.