¹ ¿sunu xeme xekwate akumate, iwamarixi (sunu netiwarahɨawe teɨteri memimaiwawe mari'itsika), mari'itsika pinɨ'a tewi mexi mayeniereni? ² Meta uka wikiekame pakuwie mari'itsikakɨ yu kɨnatsie mexi mayeniereni, xɨkata kɨnaya umɨni, mɨkɨ pakuwenarie mari'itsikakɨ mamayuwitɨkɨkai. ³ Mɨta, mexi kɨnaya mayeniereni, xɨka mɨkɨ uka xeime hewitɨni, mɨkɨ uka pɨtitamatiwa kename yewa. Xɨkata kɨnaya umɨni, mɨkɨ uka xɨni mari'itsikatsie, mɨta mɨkɨ uka yewa kwa hɨkɨ xɨka xeime uki pɨta hewitɨni. ⁴ Ya umieme, ne iwama, xeme xepukwiri mari'itsikatsie Cristo mu'mɨkɨ yuwaiyaritsie. Ikɨ yatiuyɨ aku xeme xeyutinɨnikɨ xeime matɨa, pɨ anyitɨ manyine, Hamatɨana, aku mɨkite watsata mankuhanie, pɨti anenikɨ tame ikwaxi tewewiekakɨ Kakaɨyari hepaɨsta. ⁵ Mɨta kepauku tame tawaiyarikɨ temu uwakai, ta iyari tatsi xɨyaritɨa, tatsi nɨ'akaku mari'itsika, ta waiyaritsie nɨ'akai mari'itsikatsie hakunena mɨta ikwaxi mɨkiriya atɨani ⁶ Hikɨtari teputixɨnarie mari'itsikatsie. Tame tepukwiri iya tita tarakuwɨtɨakai. Ikɨ yatiuyɨ tame tete uximayakakɨ te hehekwatɨ aku Espíritu, mɨta hawaikɨ mari'itsikatsie meripai mieme. ⁷ ¿keta tetiyɨni tame hikɨ? ¿Mɨkɨ mari'itsika tatakuri tihɨkɨ? Nitsɨ pɨkwatiyɨni. Mɨta, ne nekwa heitimanikekai mɨkɨ tatakuri, xɨka mari'itsika neka hetimanike. Xɨka ne neka heitimanike titemawiɨriɨkɨ, yata mari'itsika hestie pɨtiutayɨnike: "PAKWATI HEIWE'ERIEKA TITA KWATI A'PINI". ⁸ Mɨta tatakuri, mana puyuhayawaxɨ mari'itsikatsie hakunena mɨta nehetsie pɨ'aneme puhayawaxɨ neti heiwerieka. Mɨta mari'itsika xɨka umawinike, tatakuri mɨkinike.

.

⁹ Yareu tewikaku nepayenierekai mari'itsika kwa uyeikakaitsie, mɨta kepauku mari'itsika nua, tatakuri pantanierixɨ neta nepumɨ. ¹⁰ Mɨkɨ mari'itsika, aku tukari atɨanikekai, patɨa pɨta mɨkiriya nehetsie. ¹¹ Mɨta mɨkɨ tatakuri, puyuhayawaxɨ mari'itsikatsie mɨta netiu itaiyaxɨ. Mari'itsikatsie hakunena, ne nepumɨ. ¹² Ya umieme mɨkɨ mari'itsika tatakuritsie panayahɨiya, mɨta mari'itsika tatakuritsie panayahɨiya, aixɨ tikamie hapaɨna aixɨ tiuka iyari. ¹³ Ya umieme, ¿tita aixɨ ti ane ne hepaɨsta mɨkiriya patɨa? ¡Nitsɨ pɨkwa ti ane! mɨta mɨkɨ tatakuri, pɨtiyuhekɨata tatakuri hapaɨ, tixaɨ hepaɨsta aixɨ ti anetɨ, ne hetsie mɨkiriya pati xuawerixɨ. Pɨtiuyɨka tiuyɨ, mari'itsikatsie hakunena, mɨkɨ tatakuri patɨa waɨkawa tatakuri mariwetɨ. ¹⁴ Tame tete akumate kename mari'itsika kayuhekɨtɨ hɨkɨ, mɨta ne nepuyeika ne waiyarikɨ. Ne neputiuya tatakuritsie uximayatsika. ¹⁵ Mɨta ne kenenyɨane, heyeme nekwa heiti enietɨyeika. Ne kenereuyahɨwa, yenekwa tikamie, titata nekwa tinake'erie, paɨmɨ pɨta netikamie. ¹⁶ Mɨta xɨka yenetikamieni kehapaɨ tita reuyahɨwa, ne mari'itsika hepaɨsta nepu'ka, kename mari'itsika aixɨ ane. ¹⁷ Mɨta hikɨ ne nekwa hɨkɨ yanetikamie, pɨta aku tatakuri ne hetsie mayeniere. ¹⁸ Ne nerakumate kename, ne hetsie, ne waiyaritsie tatakuri yupitɨa, ka ayeniere aixɨ ranyine. Mɨta kenereuyahɨwa aixɨ mayinetsie ne hetsie kaniere, nɨta yanetikayani nekwa yɨwe. ¹⁹ Mɨta aixɨ ti ane nereuyahɨwa, ne yenekwatikamie, mɨta tsiranyine nekwa tiuweiyanikeyu, mɨkɨ netiu weiya. ²⁰ Hikɨta, xɨka yenetikamieni tita nekwa reuyahɨwa, mɨta ne nekwa yɨane aku ye yɨane, pɨta aku tatakuri nehetsie mayeniere. ²¹ Ne nepikaxeiya ikɨ yamanyine ne hetsie, yenetikamienikeyu tita aixɨ ranyine, mɨta tsiranyine ne hetsie kaniere. ²² Mɨta ne nepu nekatemawiwa Kakaɨyari mari'itsikayatsie ne iyaritsie paitɨ. ²³ Mɨta, nepi xeiya yukɨ aneme ne waiyaritsie nemayeniere. Ikɨ'ta meyukwitɨwe ne mu'utsie yamanyinekɨ. Mɨkɨ netsu hana netsikunama manyakakɨ tatakuri aku ne waiyaritsie kaniere. ²⁴ ¡Ne nehɨkɨ tewi tixaɨ karexeiyatɨ! ¿Ke ane netsi xɨna ikɨ waiyari mɨkiriyatsie? ²⁵ Mɨta panpayusi Kakaɨyari nerahɨawe Jesucristo hepaɨsta Ta Ukiyari. Paɨmɨta, ne neti uximaya Kakaɨyari mari'itsikayakɨ ne mu'utsie nepikuhayawa. Mɨta, ne waiyarikɨ nepiweiya matɨaripaitɨ tatakurikɨ.