¹ ¿ke'ta tetiyɨni? ¿Pɨti anenikeyu temuhuni tatakuritsie aku imikieri tiwaɨkarekɨ? ² hawaikɨ pɨkwati aneni. Tame ke ane temukwiri tata takuritsie, ¿ke hapaɨ teteyɨwawe akuxi temuhuni yamanyinetsie? ³ ¿Xeme xekate akumate hipatɨ yuwaɨkawatɨ makate uti ɨyarie Crsito Jesustsie, maputi ɨyarie Mɨkiriyayatsie? ⁴ Tameri tepukateukie Hamatɨana, ɨyarikatsie hakunena mɨkiriyatsie. Ikɨ yatiuyɨ heimana, aku Cristo mankuhanie mɨkite watsata raya axekɨ Yauya, paɨmɨ siere tame yɨwe temnuhuni ta tukaritsie. ⁵ Xɨka tame te uyunɨitɨani Hamatɨana aku mɨkiriyayatsie, tame siere tetinɨitɨarieni kepauku mankukenistie. ⁶ Tete akumate ikɨ, tame temu uwakai ta waiyaritsie Hamatɨana pukawiyari, aku mɨkɨ waiyari tatakuri mexeiya ma iwarienikɨ. Ikɨ yatiuyɨ aku tame tekwa akuwɨtɨarieka tatakuritsie. ⁷ Ke ane mɨni, pɨtimatiwa kenameri tatakuri kahexeiya. ⁸ Xɨka'ta tameri te ukwiniri Cristo hamatɨana, tame sasuni tete'erie kename siere te antaneniere Hamatɨna. ⁹ Tete akumateri kename Cristo ankuhanie mɨkite watsata, mɨta kenameri Mɨkɨ kamɨki. Mɨkiriyari kwanɨ'ari hetsiena. ¹⁰ Mɨ'ta Mɨkɨ mukiriyayatsie hakunena, Mɨkɨ pumɨ tatakuritsie, pumɨ heiwamieme xeikɨa teyumaimetsi. Mɨta hikɨMɨkɨ mayenire, puyeika Kakaɨyari hepaɨsta. ¹¹ Hapaɨnata siere xeme pɨxeteneyumaika kenameri xekwikwi'i tatakuritsie, mɨta xe ayenenieretɨ Kakaɨyari hepaɨsta Cristo Jesústsie. ¹² Umaniereta xekwatepitɨaka tatakuri manyemieni xe waiyaritsie mɨwetsie aku xeme xeyɨwaweni xeemienieni xewaiyari tita xeuyahɨwa. ¹³ Xekwa itatuaka yu waiyari tatakuritsie, aku yexetekahunikɨ iya tsiranyinetsie. Mɨta xeyuyatuaka xeme Kakaɨyari hatsɨa, aku xekwikwi itɨ hapaɨ mɨtatɨtɨ xe ayenenieretɨ. Mɨta xeyatuka yu waiyari Kakaɨyari hatsɨa xeyɨwawetɨ aixɨ manyinetsie. ¹⁴ Xekwa tepitɨaka tatakuri nɨ'aka xehetsie. Metsɨ xeme ɨkitsikatsieri xekwa u'uwa, pɨta imikieritsie. ¹⁵ ¿Ke hapaɨ tamɨta? ¿Tiyɨwekaku tatakuri teyupitɨaka aku ikitsika kwatatsinɨ'akɨ, pɨta imikieri hetɨa? Hawaikɨ pɨkwati aneni ¹⁶ ¿Xekate akumate xeme aku iya hɨxie xemu uwa aku nɨ'aritsixi xeyuxatatɨ mɨta mɨkɨ xeme xekate hau'enie, mɨkɨ siere xeme xemau enieka? Ikɨ ti sasuni xɨka xeme tatakuri xehau enieka, mɨta mɨkɨ mɨkiriyatsie xepehu, sunu xepiweiya xepau enana, aku mɨkɨ aixɨ manyinetsie xeya atɨani. ¹⁷ ¡Mɨta papayusi tewewieka Kakaɨyari hatsɨa! Metsɨ xeme tatakuri xeayexeiyakai, mɨta xeme xepan'enana xe iyaritsie paitɨ aku kehapaɨ xete u'ukitɨarie xeyatuiriyarietsie. ¹⁸ Xemeri xeputixɨnarieri tatakuritsie, mɨta hikɨ nɨ'aritsixi xehɨkɨ aixɨ manyinetsie. ¹⁹ Nexe hahɨawe ne tewi hapaɨ metsɨ xe waiyari kwatɨrɨkaɨyekɨ. Aku xeme hapaɨ kepauku yu waiyari kwatiukanewie, aku xemakuwɨka hapaɨ yu tatakuritsie meta siere tsixete itɨtɨakai, hikɨta yaxeikɨa, yu waiyari xeyatuaka xayukuwɨtɨaka aixɨ manyinetsie mɨta xanayuyaxɨrieka tatakuritsie. ²⁰ Metsɨ kepauku xeme xemakuwɨkaitsie tatakuritsie, xeme xe xɨxɨnikai aixɨ manyinetsie. ²¹ Meripaitɨ tukari matihane, ¿ke tita ikwaxi xetehexeiyakai xemeye eriwa hikɨta xekate uyukatewiwiya? Metsɨ mɨkɨ yexete uhukai xehetsie tinake mɨkiriya. ²² Hikɨta'ri, xeme xemutixɨnarie tatakuritsie mɨta xepayeitɨarie Kakaɨyari nɨ'arimama, xeme xemeixeiya yu ikwaxi tatakuritsie xemanayuyaxɨrie. Mɨta ya umieme tukari kwaxɨwe xehetsie tikunanake. ²³ Metsɨ xɨka tatakuri peti apitɨaka mɨkiriya tinake a hetsie, mɨta Kakaɨyari imikierieya tukari kwaxɨwe hɨkɨ Cristo Jesústsie ta Ukiyari.