¹ Aku temanayahapanie'pai tehaima tiutanuaritɨxɨ sasuni tete'eriekɨ, te uxipie Kakaɨyari hatsɨa mɨta siere hakunena ta Ukiyari Jesucristo. ² Hetsiena hakunena tame siere tepeixeiya teyɨwawe temautahaxɨani aku sasuni tete eriekɨ aku imikieri tamamatsie temihɨkɨ. Teyutemamawie aku Kakaɨyari tatsukuwikwestɨakɨ uxa'a warie mautiyune, wikwestɨarika aku tame teyu hekɨistɨirieni kepuku Kakaɨyari mamietsie. ³ Mɨta xeikɨa ikɨ hawikɨ, mɨta siere teyutemamawie aku tete ukakukuinenitsie. Tame tete akumate kename kukuiniya tetɨrɨkawime masi tatsi ayeitɨa. ⁴ Tɨrɨkariya teyupitɨatɨ tepantikɨne, mɨta temantikɨnekɨ tepeixeiya wikwestɨarika uxa'a warie mautiyune. ⁵ Ikɨ wikwestɨarika kwati itarika, metsɨ Kakaɨyari nake'eriyarika tahetsie kaniukuhayawarieni ta iyaritsie puhayawarie iya hetsie hakunena Espiritu Santo, aku teyatuiriyarie. ⁶ Mexi akuxi tekatɨrɨkwikai, tukari maya'atsie Cristo pu'mɨ tatakuri memexeiya wahepaɨsta. ⁷ Mestsɨ kayɨwe xewitɨ mumɨni xeime hapaɨsta aixɨ tiuka iyarime, pɨ'anyitɨ panyine, yatsɨ xewitɨ tiyɨwe mumɨni xeime hestie tewi aɨxɨ tiuka iyarime. ⁸ Mɨta Kakaɨyari pi'hekɨataxɨ yu nake'eriyarika tahepaɨsta, mexi akuxi tatakuri tehexeiyakai, Cristo pumɨ tahetsie mieme. ⁹ Masi waɨkawa, hikɨ akuri taheima tiutanuitɨrixɨ aku xuriyayakɨ, tame tekuwikwestɨarieni mɨkɨkɨ, Kakɨyari ha'a aku tatakurikɨ. ¹⁰ Mɨta, mexi temayukahekakai, tepanuitɨarie Kakaɨyari hatsɨa aku Nu'aya umɨku, masi waɨkawa, umaniere tepanuitɨarieni tekuwikwestɨarieni Tukarieyakɨ. ¹¹ Mɨkɨta xeikɨa hawaikɨ, tameta siere tepautatemamawie Kakaɨyari'tsie ta Ukiyari Jesucristo hestsie, hestsiena hakunena tame tamatsie tepihɨ ikɨ nuitɨarieka. ¹² Paɨmɨ'ta, xewitɨ tewitsie hakune tatakuri wata'ha ana kwiepa, paɨmɨta mɨkiriya wataha tatakuri hetsie. Mɨta mɨkiriya pautaha teɨteri wahetsie yunaime, yunaitɨ tatakuri memuyupitɨakɨ. ¹³ Mɨkɨ teɨteri kwiepa metaa'ma tatakuri mepuyupitɨa akuxi Kakaɨyari yu ɨkitsika kayatuawekaku Moises hatsɨa, mɨta Kakaɨyari patɨmai naime tatakuri aku ɨkitsika hepaɨsta akuxi Mɨkɨ ɨkitsika kayatuwetɨ. ¹⁴ Mɨta siere, mɨkiriya ta'hetsie nɨ'akai Adan'tsie paitɨ hatiyune Moises'tsie ranwe, Mɨta siere iyamexi ke'ane tatakuri makwa uyupitɨa aku Adan hapaɨ, hapaɨnata siere aku ya umieme meyanɨ'arie pɨtiutayɨkaikɨ. ¹⁵ Mɨta, mɨkɨ imikieri hapaɨna kwa ane iya aku tatakuri. Xɨka mɨkɨ tatakuri memexeiyakai mamukwi yuwaɨkawatɨ, masi waɨkawa payeika kakaɨyari imikierieriya xeime tewi hepaɨsta, Jesucristo tahetsie mieme pu'mɨ. ¹⁶ Mɨta mɨkɨ imikieri pɨkwa ane aku iya ke'ane tatakuri tiuyupitɨa. Umaniereta, tamantaxɨriya temuyehekarie mana hakunena tatakuru puyupitɨa tewi uki. Mɨta, umaniere, imikieritsie hakunena taheima tiutanuarixɨ pɨ'nua waɨkawa tatakuri tete uyupitɨaku. ¹⁷ Mɨta, xewitɨ tatakuri uyupitɨaku mɨkiriya tahetsie nɨ'akai, waɨkawata payeika iyamexitsie, yumamatsie memihɨ anayuhayawatɨ imikieri mɨta imikieri muti xuawerixɨ taheima putanua, tahetsie nɨ'a tukari temexeiya teyuxexuitɨ, aku Jesucristotsie. ¹⁸ Umaniereta, tatakuri te uyupitɨaku yunaitɨ teɨteri mapantaxɨriya, paɨmɨ siere aixɨ tikayaku pɨnɨa taheima tiutanuatɨrixɨ yu naime hetsie teɨteri. ¹⁹ Meta xewitɨ tewi ka an'enaku yunaitɨ teɨteri tatakuri teyupitɨkate mapakɨ, mɨta siere iya Man'enaxɨkɨ, yuwaɨkawatɨ waheima tiutanuatɨrixɨ. ²⁰ Mɨta ikitsika pu'atɨarie arike, aku tatakuri waɨkawa mayanikɨ. Mɨta kewa tatakuri waɨkawa makate, imikieri masi waɨkawa pakate. ²¹ Ikɨ yatiuyɨ pɨti anenikɨ, aku tatakuri nɨ'akai mɨkiriyatsie, paɨmɨ heimana, imikieri nɨ'a iya aixɨ manyine hakunena aku tukari kwaxɨwetsie, Jesucristotsie Ta Ukiyari.