¹ Mɨta, ?ke te utiyuaneni Abraham hepaɨsta, meripai kiekatari tiwarukaxeiri yu waiyaritsie miemekɨ? ² Kamɨtsɨ Abraham aixɨ tikamiekaitɨni kentiyurienekai, mikɨ xeikɨa pexeiyakai aixɨ aneme kuyeikatɨ, Kakaɨyari awie. ³ Kemɨta ?Utsika ke utaine? "ABRAHAM YURI KAKAɨYARITSIE TIUTA'ERI, META AIXɨ TIUKA IYARITɨ PAIYETɨARE" ⁴ Hikɨta ke ane ti uximayatane, ke pauku tumini yatuiyanitsie hekwa umikieni, paɨta payeika perapitɨ. ⁵ Ke ane ta kwati uximaya, mɨkɨ paɨra'eriwa aixɨ ane ke ane mu ɨitɨa, yuri tiuta erikɨ payeitɨariwa aixɨ anetɨ. ⁶ David hapaɨna paɨpaine aixɨ itɨarie ke ane tewi Kakaɨyari makumate kename aixɨ tiuka iyari ni kati uximayatɨ, ⁷ mɨkɨ niutayɨni: "MɨKɨMEXI AIXɨ ME ITɨARIE KE ANE AKU METEWAREUYAHɨWIRIE MEKWATEHEXEIYA, AKU WATATAKURI ME MAUKUNAMIYARIE. ⁸ TEWI AKU AIXɨ ITɨARIE KE ANE YU KAKAɨYARI HATSɨA YU TATAKURI KWAKUXATA. ⁹ Ke ti aneta ?ikɨ aku tihɨkɨ aixɨ anenikɨ yu hɨnaritsie anyepietɨ, uwaikɨ yu hɨnaritsie memantinaname? Tametsɨ teniutiyuaneni: "YURI KENTIUTA'ERI ABRAHAM KAYATUIRIYARIENI AIXɨ TIUKA'IYARITɨ". ¹⁰ Mɨta, ?ke xete heiti'enietɨkɨ? ?Aku ke pauku Abraham yu hɨnaritsie manyepiya uhawaikɨta mannakaitsie? Ke pauku payeitɨare yu hɨnari mannakaitsie u manyepiyatsie. ¹¹ Abraham pɨtiunɨ'arie ke anyepiyanike. Ikɨ aixɨ itɨarietɨ payeika yuri ti'erietsie ke pauku pai akuxi mannakaitsie. Ye ti anetɨ kentinɨ'arie mɨkɨ nuatsie kanayani wa yau kemeyupaɨmetɨ yuri mente'erie, aku me anenetɨ meka anyepietɨkaitɨ. Ikɨ ne kuyɨneni aixɨ me itɨariekakɨ ke pauku me yuyaxatatsie. ¹² Ikɨta hapaɨna rekuyɨne kename Abraham atɨa ta yau ye u'itɨarieka meyunaimekɨ kename aku memanyepiwanikɨ, paɨta me yunaimekɨ ke ane memu hu Abrahamtsie kenti'eriekai, kuxi ka anyepiyawetɨ. ¹³ Abraham xewiriyarika hɨkɨ keme yupaɨmetɨ mentinuiwa kutana wahetsie, kename mɨkɨ naime tiwapitɨani kwiepa mentama, kwanua mari'itsikakɨ, paɨta kanuani aixɨ itɨariekakɨ yuri kenti erie. ¹⁴ Ke ane aku memu'uwa teɨteri mari'itsika me enietɨ aku naime meteyukuhayewieni, heyeme pekwati erieka, keperahɨawarɨwa xeikɨa payeika. ¹⁵ Mari'itsika yatɨtɨ xeikɨari payeika, kewata memawe mari'itsika, hapaɨnata mekwa he'enana. ¹⁶ Ya umieme ikɨ kaniuyɨneni kemente'erieka, hapaɨna mayeikani ta imikieri. Ikɨta mayeika, meka'xewiriya ayexewimekɨ kemeyupaɨmetɨ utɨana mentinuiwa. Ikɨtsieta kemeyupaɨmetɨ mentanuiwa wahetsie, xeikɨa kwati ane kemeyupaɨmeto mari'itsika memakumate, ke ane paɨta aku Abraham kenti eriekaitsiekɨ menkuxata. Mɨkɨ te yunaimetsie ta yau hɨkɨ, ¹⁷ metsɨ reuku'uxa utɨarika: "NEMETSI A YEITɨ YU NAIME WA YAU KIEKARI MANMANETɨKATSIE". Abraham kayukanieritɨakaitɨni ke anetsie tiwiyakai, karikɨtsɨ Kakaɨyari, mɨkite warankuhapana aku hapaɨna tiu'atɨawa tita tiumawe. ¹⁸ Akuxi ta yeti yeyɨximekɨ, Abraham yuri katiuta'erieni Kakaɨyari tukari mautihanekɨ. Karikɨ, mɨkɨ nuani ta yau mayanikɨ kemeyupaɨmetɨ ana kwiepa mentama, aku kentikuniuwa ketiku xaxatsiwa: "A UTɨA NUIWARI MENTAMARE PAɨME ANENI". ¹⁹ Mɨkɨ kwakawiekai kenti'eriekaitsie. Abraham peitima kename waiyarieya yɨwe tɨɨri warayanuiwitɨani, (ukiratsiri hɨkɨkai xeiwaxari hexeiyatɨ). Mɨkɨ hapaɨna rakumaikai Sara tɨɨri kwarayanuitɨwakai. ²⁰ Kakaɨyari tɨtɨ tiyurienekai tiyatuanike, Abraham yakɨxeikɨa kwa'a yeitɨakai peyawaukai yuri ti erietɨ. Meripairi tɨrɨkaɨyetɨ payeitɨariekai yuri ti eriekakɨ, Kakaɨyari tikwitɨatɨ. ²¹ Mɨkɨ rakumaikai heyemekɨ timaitɨ Kakaɨyari kerehɨawekai, Mɨkɨ yɨwekai kentiuyurieni. ²² Mɨtari kanayeikani hapana aixɨ itɨarietɨ. ²³ Hikɨta, ikɨ inɨatsiyari yemekuyɨne mɨkɨtsie, ni utɨarika kwa'u yɨ hetsiena timiemenikɨ. ²⁴ Hapaɨna ta hetsiemiemekɨ tiu'utsie, keme anenetɨ te inɨatsiekakɨ, taame, yuri tente'erie Mɨkɨ mankuketɨarie Jesusitsie ta Ukuyari mɨkite watsata. ²⁵ Ikɨ karikɨ hɨkɨtɨni kaniyatuiyani memimienikɨ tahetsiekɨ kanankuketɨarieni aixɨ ten'itɨariekakɨ.