¹ Mɨta, ¿ke raya'atɨ hɨkɨ iya Judio hipame wa hepaɨsta? ¿Tita ta ra'iwa ke'ane makayepiya? ² Tsepa kehapaɨ waɨkawa raya'atɨ hɨkɨ. Maukahaitɨa, mɨkɨ Kakaɨyari me puhekɨatsiyarie. ³ ¿Keti'ane ta xɨkate hipatɨ Judiyutsixi sasuni mekate'eriekaitɨni? ¿yuri mekwate'eriekɨ Kakaɨyari ta tiwa kwe'eirieni ? ⁴ kataku pɨtiuyɨni 'umautiyune. Pɨta, Kakaɨyari xeupitɨa yetiyurienikɨ mɨkɨ kenreuyahɨwa, tsepa teuteri yunaitɨ mete'itawanikeyu. Reuku'uxa hapaɨ: " XEME XEYɨWETɨ XEPAKɨNE XEYUKEKɨATAKɨ AIXɨ XETEU'IYARITɨ YUNIUKITSIE, MɨTA XETE AYU'IWATɨ XEHɨKɨTɨNIKɨ, KEPAUKU XEXEɨRIYAKATSIE ITSɨKATE WAHɨXIE.'' ⁵ Xɨkate ta tame 'aixɨ tekwatekahukɨ 'uhekɨare kename Kakaɨyari aixɨ tiuka'iyari, ¿Tame ta kete haitɨkani? Teteyɨwe temaitɨkani kename Kakaɨyari 'aixɨ katiuka'iyari kepauku castigu tatsipitɨakatsie, ¿Pɨ ti'ane? (Tewi kentiyukuhɨawe hapaɨ ne paine). ⁶ !Kataku pɨtiuyɨni¡ mɨta, ¿Kehapaɨ ta Kakaɨyari aixɨ rakayurieni teuteri kwiepa mentama wa hetsie? ⁷ Xɨkateta ne 'itarika tiparewieka kename Kakaɨyari kemaine ti sasuni, ¿ketiu ta nepayeitɨarie tatakuri tiyupitɨakame? ⁸ ¿ketiu ta pɨ nekwa haineni?, tame tete'itarie kename pɨ tetekuxata, hipatɨ memaitɨka hapaɨna kename pɨte'utiyuane: ''Xetaneupitɨa 'aixɨ tekwatekayunikɨ,¿nuanikɨ tita 'aixɨ ti'ane?'' rekanake Kakaɨyari aixɨ rakayɨrieni wa hepaɨsta. ⁹ ¿mɨta keti áneni? ¿tame tahetsie tetenua? Hawaikɨ. Tame yetepaitɨkari kename kemete'uhu Judiyutsixi meta Griegotsixi, mɨkɨ yunaitɨ, kename me 'akuwɨ yu tatakuritsie, ¹⁰ Reuku'uxa hapaɨ: '' XEWITɨ KWA'UYEIKA AIXɨ TIKAMIETɨ, NI XEWITɨ.'' ¹¹ XEWITɨ KWA 'UYEIKA HEKA'ENATɨYEIKATɨ. XEWITɨ KWA'UYEIKA kAKAɨYARI WAUNETɨ YU 'IYARIKɨ. ¹² MɨKɨ YUNAITɨ MEPAUYAXɨRIE. MɨKɨ MEYUNɨTɨ TSIMA KWATE YURIEWAWETɨ ME HɨKɨ. XEWITɨ KWAUYEIKA AIXɨ TIKAMIETɨ, HAWAIKɨ, NI XEWITɨ KWAUYEIKA. ¹³ MɨKITE ME MAUKATEUKIWATSIE HAPAɨ 'ANENE WATARɨKɨXA. WA NENI ITARIKA PUTAXAXATA. KU WENENUYARI WA TENITɨA PAYAMA. ¹⁴ ITARIKA WA TETA HɨNE META NIUKI AIXɨ KAMAAYAKAME. ¹⁵ WA ɨKATE PAKUMEXɨA XURIYA TA XɨRIENIKE. ¹⁶ WA HUYETA XUAWE TIYU UNATɨ META TIYU KUKWITɨ. ¹⁷ IKɨ TEUTERI MEKWA KAXEIYAWAWE HUYE KAIWATɨ UMAKAME. ¹⁸ WA HɨXIE PUMAWE kAKAɨYARI KEHAPAɨ HEREUTEXIEKA. ¹⁹ Hikɨ ta, tame tete'akumate kename kemaine Mari'ikitsika, warahɨawe kehate wa hetsiemieme Mari'itsika muta'utsie. yu naitɨ wateta mantanatɨkanikɨ, meta yuniatɨ kwiepa mentama mete'ankutɨni Kakaɨyari hɨxie. ²⁰ Ikɨ yetikuniuwa, kwayɨwekaxɨanikɨ kename xewitɨ tewi 'aixɨ tikamie Mari'itsika hau'enietɨ Hɨxiena. Mari'itsikatsie hakunenakɨ tetehetimamateke kename tatakuri teteyupitɨa. ²¹ Xɨkate ta tehautewani Mari'itsikatsie, matsiɨkɨtɨ payeika kename Kakaɨyari hɨkɨ aixɨ tiyuruwame. Ikɨ puhekɨarixɨ Mari'itsikatsie meta Temaikate wahetsie, ²² Ikɨ hɨkɨ, Kakaɨyari aixɨ te'aneme tatsi 'ayeitɨa kehate Jesucristotsie yuri teteuta'eri. Ni xewitɨ yukɨ kwa'ane. ²³ Yunaitɨ tatakuri meteyupitɨakɨ ya'umieme Kakaɨyari kentiuka'iyari hapaɨ mekwa teu'iyari. ²⁴ Nenimayatsikayakɨ Mɨkɨ aixɨ meteu'iyaritɨ mepayeitɨarie Cristo Jesús tastinanaikɨ. ²⁵ Kakaɨyari Cristo Jesús yatua mawari mayanikɨ, Yuri mete'eriekɨ Xuriyayatsie. Iyaá Cristo yaxaa ihekɨatake Kename aixɨ tiuka'iyari, kwa hauyumexuitɨakɨ tatatakuri meripaitɨ mieme ta reuyahɨwirie. ²⁶ Ikɨ yatiuyuri ihekɨatake kename Aixɨ tiuka'iyari hikɨ tukari temu'uwatsie. Iyaá yapuyɨ yuxeiyake aixɨ tiukaiyaritɨ, tihekɨatake kename iyaá hɨkɨ waheimana nua kehate Jesústsie sasuni mete'erie. ²⁷ ¿Mɨta kewa renake ɨrika? Ikɨ panayahɨiya. ¿Titatsie ta tetehauyuwaɨriya? ¿ketentekahukɨ? hawaikɨ, pɨta tehauyuwaɨriyatɨ titatsie Sasuni tete'erie. ²⁸ Tame pɨtepaitɨka, tsepa kename xewitɨ tewi aixɨ tiukaiyaritɨ ayeitɨarie Sasuni ti'eriekɨ, tsepa yakatikamie Mari'itsika kentinɨ'a. ²⁹ ¿Sunu Kakayari hɨkɨ Judiyutsixi yuhɨkɨate wa Kakaɨyari? ¿Iyaá katihɨkɨ hapaɨna Gentiltsixi wa Kakaɨyari? Hɨ, Gentiltsixi wahetsie hapaɨna. ³⁰ Hɨ tsɨrikɨ Kakaɨyari xeikɨa yuxewini, Iyaá raheima titanuani hamakayepiyakɨ sasuni heti'erietɨ, meta ke'ane kwa'akayepiya sasuni ti'eritɨ. ³¹ Mɨta, ¿Mari'itsika kaxuaweme tete'ayeitɨa tame Sasuni tete'eriekɨ? ¡pɨ kwatianeni! pɨta, Tame Mari'itsika heimana tenua!.