¹ Paɨ ya,umieme, ekɨ pakua'yɨwe yukɨ pemutayini, ekɨ tewi, ekɨ jipame wajetsie petiu'jɨpa pewarant'xɨrɨwatɨ, hipame watsie tita aixɨ kwati ane, ekɨ a hepɨsta, ekɨtɨtɨ pepan,atajɨpa. ekɨ ke'hate pewaranta'xɨrɨwa, ekɨta hapaɨna pɨpetikamietɨ. ² Ya'umieme tame tete'akumate Kakakɨyari aixɨ rakayurieni heitsiemekɨ kastiku wayatuirieni iya teɨteri ke'hate aixɨ'mekatekaju. ³ Pɨta ikɨ raya'arɨkame xekena'yeitɨaka, ekɨ tewi, pewaranta'xɨrie iya haixɨ mente'kaju, ekɨta hapaɨna wahapaɨ petikamietɨ. ¿petitawikeni ekɨ aku aixɨ rakayurieni'tsie Kakaɨyari? ⁴ ¿Karaya'arɨkame perayeitɨaka nenimayatsika ken'rexeiya, ya xeikɨa kayumexɨitɨa rakumaitɨ xemikaxeiyakɨ xeyuti'iayritɨanikɨ? ⁵ Ikɨ ya'umieme a iyari kwinie ti'tse ikɨ paka ati'iyaritɨawekɨ ekɨtɨtɨ pepiya'utarɨme jaxɨa tukariyaritsie miemekɨ, iya tukaritsie kepauku Kakaɨyari aixɨ rakayurieni'tsie ⁶ Mɨkɨ rayukatuani yunaime teɨteri ya xeikɨa reka'inɨarimekɨ kentikatɨa: ⁷ Iya hipatɨ kehate heitseriemekɨ metekaju paleku metekajutɨ, aixɨ aneme mapauyajɨwa, Mɨkɨta wayatuirieni tukari'kuaxɨwe. ⁸ Mɨkɨta hipatɨ teɨteri yumatsiɨkɨmekɨ kementeku'eriwa ya makateka'hu Kakaɨyari ke maine yuri me'ayeitɨatɨ yemete kahutɨ iya tita aixɨ kuatiane'hepɨsta, ya umieme Kakaɨyari mɨkɨ wahetsie pi'atɨani yu jaxɨa. ⁹ Kakaɨyari pi'atɨani marika paleku katianeme, iya tewi kɨpurieya tsie ke ane tsiranyineme rayexeiya, Judiutsixi meri Griegotsixi hapaɨna ke hate mɨkɨ makuajɨkɨ. ¹⁰ Kakaɨyari aixɨ tiwa'xeiya, aixɨ wayurieni, aixɨ anyineme wayatuirieni yunaime kejate aixɨ metekahu, matiari Judiutsixi hapaɨna Griegotsixi. ¹¹ Kakaɨyai hepɨsta teɨteri ya xeikɨa mete aya'axe. ¹² Ya umieme kehate iya tatakuri meteuyupitɨa mari'istika me''akumaitɨ yaxeikɨa mapauyaxɨrieni hapaɨna tatakuri mete uyupitɨa mari'itsika me'akumaitɨ, me panaxɨriyani mari'itska hepɨstakɨ. ¹³ Ya umieme iya xeikɨa kehate mari'itska me eniwa mɨkɨ heitserie me hexeyatɨ me kwa'akɨka Kakaɨyari hɨxie. pɨta kehate yemetekahu mri'itsika hepaɨta yementekahu mɨkɨ aixɨ me'itɨarieni. ¹⁴ tsepa kehate teɨteri, mari'itsika maka'eniwatɨ xɨka heiseriemekɨ metekakɨne , mɨkɨ yukɨmana mari'itsika mapayu yeitɨani tsepa mari'itsika maka'exeiya. ¹⁵ Ya'umieme ikɨ, mɨkɨ mepihekɨata kereuyeuwetse kehapaɨ hatikamieni paka'utɨarie iya wa iyaritsie. kemeteyuku hɨawe kemetekahu waxewiririe, wa iyaritɨarikatɨtɨ, warantaxɨrɨwa yatɨni waheima panunuwa. ¹⁶ ya'xeikɨata hapaɨna Kakaɨyari. Paɨtiyini ana tukaritsie kepauku Kakaɨyari aixɨ rakayurieni'tsie tita mete'awieta yunaitɨ teɨteri, ikɨtsie rekanakemekɨ Kakaɨyari niukieyatsie, pɨreukunakemekɨ Jesucristo hepɨsta. ¹⁷ Mexɨɨkata pe tiu'aterɨwani judio ekɨ a'kɨmana, pe aparewieka mari'itsika hepɨsta pe hau'a'ɨka Kakaɨyaritsie, ¹⁸ pe ekumaika kereuyajɨwa, yuri pa'a'yeitɨaka tita aixɨ tiane. ¹⁹ Pe'ekaxewiriyani kename ekɨtɨtɨ ma kɨpe pa'uwitɨxime, hekɨariya pehɨkɨ kehate yɨwipa memu'uwa, ²⁰ wara'taristɨwa keane yuri kua'ayeitɨa hepɨsta, ti ɨkitame ke hate makuate'meiwawe, kename ekɨ peheixeiya mari'itsikatsie perakumate tita tizasuni, tamɨta ¿keta tiyu'hekɨare ke pentikamie aku ekɨ a tukaritsie? ²¹ Eekɨ áku peti'waɨkitɨa hipame , ¿ekɨ tamɨta pakara'a'ɨkitɨwa akɨmana, ekɨ peku'mari'itani hakatinawayani, ¿ekɨta petinawayatɨ? ²² Ekɨ pe'ikuyuruwatɨ pekua'karayuniwieneni, ¿ekɨta pekarayuniwinetɨ? ekɨ kametsinaketɨ hipame yusiexi warayexeiyani, ¿wa'tukita perayana'wayatɨ'ta? ²³ Ekɨ uxipiya pamayeitɨwa pa'hau'a ɨkamekɨ mari'itsikatsie, ¿ekɨta petikwinitɨa a Kakaɨyari yepakatikamiekɨ mari'itsika hepɨsta? ²⁴ Ya'umimiemekɨ ¨KAKAɨYARI KENTIU'YUTERɨWA TIKUINITɨARIE IKɨ TEɨTERI WATSATA EKɨ AKɨMANAKɨ¨ ketiu utuarie paɨmɨ heyemekɨ. ²⁵ Mɨkɨtsɨ'iya circuncision a jetsie mieme waɨka katiyuriemɨkɨ xɨka yepetikamieni mari'itsika kemaine, mexɨka mari'itsika heima haukakeni, a circuncision pa yeika pakwua heixeiyani hapaɨ. ²⁶ Hɨ, ya'umieme, iya tewi xɨka heitseriemekɨ tikamieni mari'itsika hepɨsta, ¿mɨkɨ masi kati nakistia circuncision mexeiyani hapaɨ? ²⁷ Mɨkɨ kwa'ayani metsi'anta hɨani xɨka mɨkɨ aixɨ tikayani? ¡ikɨ pɨtiyini ekɨ pemei xeiya mari'itsika hapaɨna circincision; yatɨtɨ'ta mari'itsika kemaine yapakatikamie! ²⁸ Xeme judio'tsixi xeikɨa xeka'ayuyeitɨaka judio ketiumie pɨxeanekɨ ya circuncision xemuwewiximekɨ yu waiyaritsie. ²⁹ Yurikɨ judio'tsixi kehate mejɨkɨ iya kehate yemente'kahu yu kakaɨyari mamau'enie, mɨkɨta circuncision yu iaritsie mamayeitɨwa, yu Kɨpuritsie hapaɨna, hawaikɨ ke maine utɨarika. aixɨ eriyarika teɨteri meka tatsiyatuirie, pɨta Kakaɨrai aixɨ tati'xeirieni.