¹ Hikɨta tame, ke ane tehɨkɨ tetɨrɨkawi, tetenewieka tawaiyaritsie ke ane tekwatɨrɨkawi, tame tahetsiekɨ tekwahayuwaɨritɨwani. ² Paɨta xewahayawani xeme xeyuxexuitɨ aixɨ xetehayumamateketɨ yu iwama watsie tita aixɨ ti'ane, ke enkuhana paɨta. ³ Ni Cristotɨtɨ keyuwe'etakai. Kanayani paɨta, heyemekɨ kereuku'uxa: "IYAMEXI MEMESTATEWINɨA KE ANE MEMAITɨKATEI NE HETSIE MEPUTIXɨRI". ⁴ Akutsɨ heyemekɨtsɨ kereuku'uxa, tiu utsie tahetsie mieme ɨkitɨarika, heyemekɨ ti'anetɨ tetenewietɨ hapaɨna Utsíka tsitete'ɨkwetɨ teheitemawietɨ, tame tetemaitɨ teteheutakwewietɨ. ⁵ Hikɨta, ta Kakaɨyari tiukanewie hapaɨna aixɨ ti'aneme tatiyatuirie teteku'eriwatɨ tame teyuxexuitɨtsie, aku Cristo Jesus tsie te utanetɨ. ⁶ Mɨkɨ pɨketikayani pɨ anemekɨ xemekɨ kexeteyukuhɨawe xeyɨwenikɨ xekwikatɨ wa'atɨ xewitɨ raine, ta Kakaɨyari ta Yau pehɨkɨ ta Ukiyari Jesucristo. ⁷ Ya umieme xeyunake'erieka ekɨ iya matɨa, anetɨ kahɨkɨtɨni Cristo xe utanake'eri, xetehekwitɨwanikɨ ta Kakaɨyari. ⁸ Netsɨ pɨ nenaineni Cristo karikɨ nayeitɨarieni tiparewiekakɨ ta Kakaɨyaritsie sasunimekɨ aixɨ ane yuhɨnaritsie menyepiyakɨ, pɨtiyɨanenikɨ kentiyɨnikekai wa yeyeumamatsie meteyatuiriyarie, ⁹ hapaɨa Gentilestsixi meyutemamawiekakɨ ta Kakaɨyari aixɨ tiuka'iyarikɨ. Auktsɨ pɨteuku'utsieka: "YETI ANETɨ NEMETI TAKWITɨANI HIPAME WATSATA GENTILES NE HAITɨ KEPETITEWA AKU. ^{10 11} 10 Tawarita pɨkanaineni: "XEYUTEMAMAWIEKA, XEME AKU GENTILESTSIXI, YU KIEKARI MATɨA." 11 Tawaritaa: "TA UKIYARI XETENEKWITɨAKA, XEME XEYUNAITɨ GENTILESTSIXI; XEWAHAYAWANI ME YUNAITɨ TEɨTERI MEKETE'IKWITɨAKA." ¹² Tawarita, Isaias niutayɨni: "TIUYEIKA XEWITɨ ISAI NIWEYA, AKU YUTIKENI WATA'ɨWIYA GENTILESTSIXI. GENTILESTSIXI HETSIENA MEKA NEUYUWAɨRIYAKAKUNI". ¹³ Hikɨta aku ta Kakaɨyari tiyukwekwewiwame hɨkɨ kexe'utihɨniya naimekɨ xeyutemamawieka tiumatɨ kaiwatɨ xete'erietɨ, xeme xeyutamɨirekɨ xeteheutakwewietɨ, tɨrɨkaɨyemekɨtsie Espiritu Santo tsiekɨ. ¹⁴ Ne tsiere paɨnera'eriwa xehetsiememekɨ, ne hiwamarixi. Ne pɨneyimate kename xemetɨtɨ xehɨpɨne aixɨ xete'uyaritɨ, xehɨpɨnetɨ titatsie naime xete'akumate. Ne hapaɨna pɨnetimate kename xeme xeyɨyawe xemanyutahɨtɨwani. ¹⁵ Ne ta karikɨ neti'utɨaka pɨnera'eriwatɨ xemetsie ti hipame pinitetsie xema'eriwanikɨ tawarí, yeti anemkɨ netiupitɨarieka ta Kakaɨyaritsie. ¹⁶ Ikɨ netiyatuiriyarie karikɨtsɨ nehɨkɨtɨnikɨ Cristo Jesus neti'uximayatsiriekakɨ ne nɨ'arietɨ gentilestsixi wahatsɨa, yemekɨ netikamietɨ tatsini hapaɨ Kakaɨayari niukieya hekwa nekuxatatɨ. Ne pɨnetikamietɨ aku tita meteyatua gentiles menake'eriwanikɨ, mete aya'akanikɨ Espiritu Santo tsiekɨ. ¹⁷ Ne temawiyatsɨ nepeixeiya Cristo Jesustsie hapaɨa Kakaɨyari ti pinieyakɨ. ¹⁸ Ne heyemkɨ nekwayɨwe yukɨ netikuxatani paɨta Cristo ne hetsie kentiyurienekɨ gentilestsixi memau'enanakakɨ. Ikɨ yeti anetɨ tihekɨatɨ niukikɨ ti'uximayatsietɨ, ¹⁹ tɨrɨkaɨyemekɨ tiyehekɨarirɨme tsiti'anenetɨ, hapaɨna tatipitɨakaku Espiritu Santokɨ. Ikɨ ta kanehekɨakamekɨ Jerusalenpai hapaɨna Iliricopai reyetekwakaku metamapai kiekari, ne netixatamie muwa paitɨ Cristo niukieya hekwame aku. ²⁰ kɨ ye anemekɨ, netimaitɨ netikuxatanikɨ hekwame niuki, aku kewa Cristo niukieya memawetsie, ka anemekɨ kename ne ka yɨwe tixaɨ netiutawewieni xeime pɨta ɨkitsiyakɨ. ²¹ Ikɨ anetɨ kateuku'uxani: "KE ANE AKU IYAMETSI NI HEIWA NIUKIEYA HEKWAME MEKWA ENIEWE KEPAUKU AKU MEPIXEIYA, HAPAɨNA MEKWA I'ENIEWE, MEKWAHEITIMANI." ²² Yeti'anemekɨ ne hapaɨna nekwa'upitɨarie waɨkawamexa xe hatsɨa nemiekɨ. ²³ Karikɨta hikɨ, neri nekwayɨwe xe hatsɨa nemekanikeyu mekutetewatsie, heyemkɨ pɨnetinekuhɨawe tukari matimietsiekɨ xehatxɨa nemiekɨ. ²⁴ Karikɨta xeteha'eriwani ke pauku nemie España, nexehexeiyakeyu munemietsie, xenetsi hanakiyukɨ ne huyeta, ariketa aixɨ nereka'erieyu xe hamatɨa yepaɨmeme tukari. ²⁵ Hikɨta karikɨ paɨta Jerusalen neneyaní hipame netiwareuxatɨame. ²⁶ Heyemekɨ waɨkawa nerahatɨa Mecedonia hapaɨna Acaya, ke ane watsie aku tixaɨ mekwatehauxeiya teteyutuanikɨ, aku tametɨtɨ yuri tente'erie Jersalen memetama. ²⁷ Hɨ karikɨ, ikɨ waɨkawa nayani tikwinemekɨ, mɨkɨ karikɨ mekwateyutuari. Hɨ tɨtɨ gentilestsixi metenwayatuirieka tita metehexeiya katihekɨakamekɨ, hapaɨnata metewaparieka tita pini mekwatehexeiya. ²⁸ Yatɨtɨ, xɨka aixɨ netiuyurieni ikɨ hapaɨna aixɨ tiuyɨni mikɨ watsie, ya xeikɨa ne xekuhɨawemɨkɨ España pai. ²⁹ Ne ke pauku munemauyeneni xe hatsɨa, ne pamie tsinetinemaitɨ ne hɨnetɨ Cristotsiekɨ. ³⁰ Hikɨta pɨnexerahɨawa tɨrɨkaɨyemekɨ, iwamarixi, aku ta Ukiyaritsie Jesucristo, tatsi hauyahɨwakɨ Espiritu, xeme xeti'uweni ne hamatɨa xeyunenewietɨ ta Kakaɨyaritsie nekɨmanakɨ. ³¹ Xeyunenewieka nemanekuxɨnakɨ aku Judea kiekatari wahetsiekɨ mekwaheu'enana, aku keneti kamie Jerusalen memenierekɨ yuri mente'erie. ³² Xeyunenewieka haɨpana xehatsɨa nemayenenikɨ neyutemawietɨ Kakaɨyari neti pitɨakɨ, hapaɨnata ne, xe hamatɨa, neka uxipienikɨ. ³³ Ta Kakaɨyari aixɨ aneme kexeyatuirieka yunaimetsie. Pɨke aneni.