¹ Yu mamatsie xe hɨka iya ke ane kwatɨrɨkaɨye sasuni eriyarikatsie, ni xeka watawe'erietɨ kemamaitɨka. ² Xewitɨ tewi sasuni ti'erie tita naime tikwa'akɨ, xewitɨta kwatɨrɨkaɨye, xeikɨa tikwatɨ ikwaxi itsaritsie timieme. ³ Ke ane nime tikwa'a iya kwananaimaka naime tikwa'a. Ke aneta naime tikwa'a, kwa inanaimaka ke ane naime tikwa'a. Kakaɨyari siere mɨkɨ pinake'erie. ⁴ ¿Ke ane xeme xehɨkɨ, xemi tawe'erie xeime ti uximayatame aku xeitapa kiekame? yu ukiyari hɨxie, mɨkɨ mana puweni yata kepauku matiweni. Mɨta Mɨkɨ pi waɨriyani mana muwenikɨ, metsɨ Mɨkɨ Ukiyari yɨwe mana heitserie matiwenikɨ. ⁵ Xewitɨ tewi xei tukari reya arɨkame payeitɨa. xewitɨta tukari mankayeika yaxeikɨa tikumamate. Xewahayawani yu xexeuitɨ teɨteri kemeteyukuhɨawe yu mu'utsie. ⁶ Ke ane tukari kwi kuxexeiya, ke ixeiyani Kakaɨyaritsie itipitɨ. Ke aneta tikwa'a Kakaɨyaritsie itipitɨ tikwa'a, ke ane panpayusi Kakaɨyari rahɨawe. Ke ane kwatikwani, yu newa kwatikwanitsie Kakaɨyaritsie itipitɨ yɨane. Mɨkɨ siere panpayusi piayatuirie Kakaɨyari. ⁷ Mɨta tame ni xewitɨ kwa uyeika yuhetsie mieme, metasiere xewitɨ kwua mɨni yuhetsie timiemekɨ. ⁸ Xɨkate tame te ayeneniereni, te payeneniere Ukiyaritsie mieme. meta xɨkate te ukwini, tenkwikuni Ukiyaritsie mieme. Ya umieme, xɨkate te ayeneniereni yata tete ukwi, yaxeikɨa Ukiyari tetepinieya. ⁹ Ya umieme ikɨtsie me itipitɨ Cristo kaniumɨni mɨta tawari kananta'niere, mayanikɨ Mɨkɨ Ukiyari yunaime wahetsie, memukwi metasiere mema yane'niere. ¹⁰ Mɨta ekɨ,¿Ketiuta ekɨ a iwa pananaima? Mɨta ekɨ, ¿ketiu a iwa pakwa hauyahɨwa? Metsɨ tame tanaitɨ Kakaɨyari hɨxie teheti uitɨarieni. ¹¹ Metsɨ preuku utse: ''NE AKU NEMAYENIERE, UKIYARI PɨPAINE, METI TUNUMA'UNI NE HɨXIE YUNAITɨ, MɨTA YUNAITɨ MAMUNENI KAKAɨYARI METETA KWITɨANI.'' ¹² Paɨmɨ ya umieme, tame teyuxexuitɨ Kakaɨyari teyatuirieni tame ketetekakɨ. ¹³ Ya umieme, tekwa yunanaimaka hípame wamatɨa, pɨta pɨxetene yukuhɨaweni, kename ni xewitɨ tete winiyari ka imanierieka xeime yu iwa. ¹⁴ Ne nerakumate Ukiyari Jesús netsuta hɨawixɨ, aku tixaɨ itaarika kwa rexeiya. Akaxewimekɨ iya ke ane pɨtiku eriwa tixaɨtɨ ti maiwe, mɨkɨ hepaɨsta ti maiwe. ¹⁵ Xɨka ikwaikɨ, a iwa tiukwinitɨarieni, niri pakwa umie nake'eriyarikatsie. Pakwati wakwinitɨaka tixaɨ ikwai pakatikwa atɨ mestɨ Cristo hestiena siere u'mɨ. ¹⁶ Ya umieme, xekwa tepitɨaka aku tita xeme pɨxeteku eriwa kename aixɨ ranyine pɨtiku xaxatsiwani kename tsiranyine. ¹⁷ Metsɨ Kakaɨyari kwieparieya kwatihɨkɨ ikwai ni tita ti'iwa, pɨtaa hɨkɨ aixɨ manyine, uxipiya siere temawiya Espíritu Santotsie. ¹⁸ Mɨta ke ane Cristo uximaya paɨmɨ yɨanetɨ Kakaɨyari peinake erie hapaɨna siere teɨteri mepeinake erie. ¹⁹ Paɨmɨ ya umieme, tepi wautɨweni uxipiyatsie timieme, siere tita tiyuparewiwe hipame wahepaɨsta. ²⁰ Hawaikɨ pakwatiti ka'unani Kakaɨyari tiukawewi iwakitsie hakunekaku. Naitɨ pini sasunimekɨ aixɨ ti'anene, mɨta xeime tewi hepaɨsta tikwa'a kɨrixɨa witseiya hɨkɨ. ²¹ Aixɨ ane wai hakwakwa ani, ni winu hakwaye'eni, ni tixaɨtɨ aku ya anemekɨ a iwa petikwinitɨani. ²² Ekɨ sasuni peti erie, neuweiyani ekɨ matɨa Kakaɨyari. Aixɨ itɨarie iya ke ane yuheima kwareutihɨwa aku kentiyukuhɨawe yuhepaɨsta. ²³ Ke aneta titawe'erie xɨka tiukwani pantahɨiyani, mɨkɨ yatikamiekɨ sasuni kati erietɨ. Mɨta tseapa tita xɨka sasuni kati erieka, tatakuri hɨkɨ.