¹ Teupitɨa iya naitɨ kɨpɨri memei enieka nɨ'aritsixi mamanyetei, nita makwa xuawe nɨ'aritsixi Kakaɨyari katipitɨakaku. Nɨ'aritsixi me xuawe Kakaɨyari waruka uitɨa. ² Ya umieme, iya ke ane nɨ'aritsixi kwawareu enie Kakaɨyari kahau enietɨ yɨaneni, iyaata ke ane makwa wareu enie, mɨkɨmexi mapantaxɨriyani. ³ Mɨta mɨkɨ itsɨkate marika makwa hɨkɨtɨni aixɨ metekahu wahepaɨsta, pɨta iya ke ane tsimetekahu ¿Pɨpereuyahɨwa pakwa wareutexieka iyamexi nɨ'aritsixi? Aixɨtsɨ tekamieni, mɨta aixɨ petitamatiwa xɨka aixɨ petikamieni. ⁴ Mɨta mɨkɨ Kakaɨyari ti uximayatame hɨkɨ ekɨ a hepaɨsta. Xɨkata ekɨ tsipetikamieni, neumaka; metsɨ mɨkɨ kuktsira makwe'e xeikɨa kwareikwe'e. Metsɨ mɨkɨ kahɨkɨtɨni Kakaɨyari uximayatame, mɨkɨ hɨkɨ warantarɨrɨwa iya ke ane tsimetekahu. ⁵ Ya umieme, xeme xeu enanaka, xeikɨa hawaikɨ kataku xe antarɨriyanikɨ, pɨta aixɨ xete hau eriekakɨ. ⁶ Metsɨ ya umieme tumini peyatua. Mɨkɨ tatuwanitsixi te uximayatamete mehɨkɨ Kakaɨyari hɨxie, aku ke ane tukari mankayeika mexehau enie. ⁷ Tewarakapitɨaka yunaime ke ane petiwarapinirie: tumini neyatuaka ke ane tumini petiwarapinierie, tixaɨ ikwai ke ane ikwai petiwarapinirie, maarika ke ane metexiwa, texiyarika ke ane metexierie. ⁸ Ni xeime xekwate apinirieka, pɨta xeuyuyahɨaka hípame wamatɨa. Mɨta ke ane yu iwa mauyahɨwa mari'itsikatsie raya atɨwa. ⁹ Mɨta: ''XEIME A ɨYA KAHɨKɨTɨME PAKWA HEWITɨKɨNI, PAKWATI NAWAYANI, PAKWATITEMAWIEKA KWATI APINI'', xɨkata xewitɨ uyeikani mari'itsika, ikɨ niuki yu xaɨta payeika: ''A IWA KENEUYAHɨAKA AKɨ AKU KEHAPAɨ PEREU AYAHɨWA.'' ¹⁰ Nake'eriyarika kwati kwinitɨa a iwa. Ya umieme, nake'eriyarika payuya atɨwa mari'itsikatsie. ¹¹ Mana hakunena, xeme xepekumate kepauku maya ani tukari, maya axeri xemantaneniere xekutsu. Hikɨta ta wikwestɨarika masi pauhura ke akuxi aku matɨari sasuni tete uta'eritsie. ¹² Kwi putɨkariri, mɨtari kahekɨarirɨme. Watete uhɨaka, ya umieme, tɨkarikɨ timieme xewitɨ kwaraxeiyanitsie, pɨta tete anakapika pini tita tihekɨariwiwe. ¹³ Tepuhuni rekanakemekɨ, hekɨta, hawaikɨ wiesta xekwa wewieka au'erietɨ xekwa tarɨweka. Xekwa uhuni tatakuri meyupitɨa uki matɨa uki hapaɨna uka matɨa uka, ni hapaɨna xɨyaritɨrika, ni hapaɨna mierikatsie ni kwatsiya. ¹⁴ Pɨta tete anakapika Ta Ukiyarikɨ Jesucristo pinieya, tita xewaiyari reuyahɨa xekwate iyatuirieka, ni hapaɨna xɨyaritɨarika kentinɨ'a.