¹ Ne nexe hɨritɨa iya Febe ta iwa, aku ti uximaya iwamarixi mamuyukuxexeɨriwa aku Cencrea kiekari, ² xeme xankwewieka Ukiyarsitsie xeku eriwatɨ. Ikɨ yexete kakɨne pɨxete yuhɨatɨ xehɨkɨtɨni aku sasuni xete erie, mɨta xeparewieka tita mɨkɨ tixewawirieka xeme. Metsɨ mɨkɨ tiparewiwame kahɨkɨtɨni hipame wahepaɨsta, hapaɨna siere ne netsu parewi. ³ Waɨritsika xeyatuiri iya Priscila siere Aquila, aku ne iwama tete uximaya Crsito Jesús hepaɨsta, ⁴ aku mɨkɨ ne tukarikɨ yu tukari makwa utikweri. Ne papanpayusi netiwarahawe mɨkɨmexi, nexetikɨa hawaikɨ, hapaɨna siere yunaitɨ iwamarixi mamuyukuxexeɨriwa aku Gentil'tsixi. ⁵ Waɨritsika xeheyatua iwamaxi memeyukuxexeɨriwa aku xe kiita. Waɨritsika xeheyatuiri ne iwa Epeneto, aku mɨkɨ matɨari yuyatɨa hɨkɨ Cristo hatsɨa aku Asia kiekame. ⁶ Waɨritsika xeheyatuirieka iaya María, aku mɨkɨ waɨkawa ti uximaya xeme xehapaɨsta. ⁷ Waɨritsika xeheyatuirieka iya Andrónico siere iya Junías, ne maremaa aku ne iwama temantaxɨriyatsie. Mɨkɨmexi mete aya axe iya nɨ'aritsixi watsata, aku siere Cristo matɨa mamu uwakai maripaitɨ akuxi ne nekawa xexeiyakaku. ⁸ Waɨritsika xeyatuirieka iya Amplias, nemeiyahɨwa Ta Ukiyaritsie. ⁹ Waɨritsika xeheyatuirieka iya Urbano, ta iwa uximayatsikatsie Cristotsie, iya siere Estaquis, ne meiyahɨwa aku. ¹⁰ Waɨritsika xeheyatuirieka iaya Apeles, aku Cristo aixɨ rei'eriya. Waɨritsika xeheyatuaka iya aku Aristóbulo kiita memekaniere ¹¹ Waɨritsika xeheyatuirieka iya Herodión, ne maree. Waɨritsika xewaheyatuirieka iya ke ane aku Narciso kie memekutei, aku ke ane Ukiyaritsie mamakawɨ. ¹² Waɨritsika xeheyatuaka iya Trifena iya siere Trifosa, aku ke ane mete uximaya tɨrɨkaɨyemekɨ Ukiyari hepaɨsta. Waɨritsika xeheyatuaka iya hatsɨa Pérsida aku temeiyahɨwa, aku mɨkɨ waɨka ti uximaya Ukiyari hepaɨsta. ¹³ Waɨritsika xeheyatuiri iya hatsɨa Rufo, aku Ukiyari menayaha, hapaɨna siere teyaya aku ne tei hapaɨ netímate. ¹⁴ Waɨritsika xeheyatuaka iya hatsɨa Asíncrito, Flegonte, Hermes, Patrobas, Hermas hapaɨna siere iwamarixi wahamatɨa meme kaniere. ¹⁵ Waɨritsika xeheyatuiri iya hatsɨa Filólogo siere Julia, siere Nereo siere iwaya, siere Olimpas, siere yu naime sasuni mete erie wahamatɨa memekaniere. ¹⁶ Xeyutahɨawi hípame wamatɨa xei itsiyakɨ xekate itaiyatɨ. Yu naitɨ teyupanie memyukuxexeɨriwa Cristo mamuweiya waɨritsika mexehe nɨ'airiwa. ¹⁷ Híkɨta tawari pɨnexerahɨawe, ne iwama, xetimaixɨa iya ke ane memeyu taxɨrɨwa siere memyutiwitsaitɨwa. Mɨkɨmexi kaiwa makahu aku tita tame texete uta ɨkitɨa. Xewarukwe eiri mɨkɨmexi. ¹⁸ Paɨmɨ teɨteri mete u'iyaritɨ tɨxaɨtɨkɨ makwa teyunake'erie Crsito Ukiyari hepaɨsta, pɨta mɨkɨ yu metehaukaiku xeikɨa. Mɨkɨ yama utiyɨatɨ wichimete uxaxatatɨ, metewa itaiya wa iyaritsie iya makwayu hɨawawe. ¹⁹ Mɨta te waxeiya mamau enana tanaimetsie tikunanake. Ne nepau netemawie, ya umieme, xe hepaɨsta, mɨta pɨnereuyahɨwa xehepaɨsta xetemaiwaweni tita aixɨ ranyine hapaɨna xeyuhɨawaweni tita tsiranyine hepaɨsta. Mɨkɨ ²⁰ Kakaɨyari uxipiya hɨkɨ kwitɨwa Tɨkakame tatsunarieni ketate mankaniere yuhayawa. Ukiyari Jesucristo imikierieya xehamatɨa kaniereni. ²¹ Timoteo, ne iwa uximayatsikatsie, waɨritsika xehenɨ airiwa siere Lucio, Jasón, siere Sosípater, ne maremaa. ²² Ne Tercio, ke ane ikɨ xapa nemuta utɨa, waɨritsika nexehenɨ airiwa Ukiyaritsie. ²³ Gayo, kiena nemehupukai, siere iwamarixi mamuyukuxexeɨriwa waɨritsika mepenɨ'awa. Erasto, tumini ɨwiyame ana kiekaritsie, waɨritsika penɨ'awa, iya siere ta iwa Cuarto titewa. ²⁴ Ukiyari Jesucristo imikierieya xehetsie pekaniereni. pɨke aneni. ²⁵ Híkɨta raya arɨkame tepayeitɨaka Mɨkɨ, ke ane aku yɨwe pɨtiuyurieni xemuhuni aku Kakaɨyari niukieya kenexetiu xatɨa hapaɨna siere Jesucristo kentiuxa, Mɨkɨ Kakaɨyari pihekɨataxɨ tahepaɨsta aku sasuni tete'erie kwati hekɨakai aku Mɨkɨ tiuti awietakai waɨkawa tukari mautinena, ²⁶ mɨta hikɨ tepu hekɨstɨiyarie hapaɨna siere tepeitima utsikatsie timaikate memita utɨa, ya xeikɨa reuku nɨ'akaku Kakaɨyari kahau axe, aku ke ane mau ena yuri eriyarikatsie. ²⁷ Mɨkɨ xeikɨa timaiwe Kakaɨyari, Jesucristotsie hakunena, tukari mautiyune keraya arɨkani. Pɨke aneni.