¹ Mɨta auxuwiriekatsie akeeri awaya putayua. Ne xeime xurawe nepuxei neheima yuawitsie pakáne kwiepa. Mɨta mɨkɨ xurawe tiyepiwame putɨkitɨarie maukatewatsie kwi watiyɨwitsie mieme. ² Mɨkɨ miwatiyepitsie kwi maukatewatsie watiyɨwitsie mɨta kwauni watitɨa watixawata wa'atɨ imai kɨtsiyari hapaɨ. Mɨta tau matɨa eka pukuyɨwirixɨ kɨtsikɨ muwa matineikakai xawata. ³ Mɨta muwa kɨtsita mepatinexɨa tɨɨpɨxi utsikari meteyunɨtɨ, kwiepa mapukaxɨri, mɨta mɨkɨmexi tɨrɨkariya mepupitɨarie kwiepa terɨkaxo wahapaɨ. ⁴ Mɨta pɨmete utahɨawerie mekate kwinitɨaka tupiriya tsitsiɨrawi kwiepa xuawe mɨta yaxeikɨa iteɨri tsitsiɨrawi, mɨta xeikɨa iya teɨteri, ke ane Kakaɨyari seyuya memumaana yuhɨxie. ⁵ Mɨkɨ mekwa upitɨarie teɨteri mewakwika, sinu pɨta mamantaxɨriyani auxuwime metseriyari. Mɨra kwiniya kanehamieni terɨka keiyaya wa'atɨ xeime tewi tiukei hapaɨ. ⁶ Anamɨtsɨ hípatɨ teɨteri mɨkiriya metiwauni, mɨta makwa ikaxeiya. Mɨta mɨkɨmexi pɨmetehauyahɨatɨ memakɨ memukwini, mɨta mɨkiriya kumawere wahetsie.

.

⁷ Utsikari kawayutsixi wahapaɨ mete uyuxexeiyakai aixɨ mehauyuku yurietɨkaitɨ. Wa'atɨ meyutakwinike. Meta yu mu'utsie kurunate oroyatɨkaime me umanatɨ, mɨta yuhɨxie teɨteri wahapaɨ mete aka erietɨ. ⁸ Mɨta mɨkɨmexi wa kɨpa ukarawetsixi wakɨpate hap anenekai, mɨta mayetsixi wataamete hapaɨ anenekai wataamete. ⁹ Mɨkɨ mepaukamanekai karara tepɨayari, mɨta pɨtiuyuanekai mɨta wa anatee pɨtiuyu eniɨriɨkɨrekai kaxeta waɨkawatɨ rakahu hapaɨ mɨta siere kawayutsixi mete hakurarɨka xɨaxime hapaɨ. ¹⁰ Mɨkɨmexi meputɨkɨkai wenenu yukwaxitsie terɨkaxi wahapaɨ, mɨta mɨkɨmexi mepeixeiyakai tɨrɨkariya teɨteri metewakwinitɨani auxuwime matsayari. ¹¹ Mɨta mɨkɨmexi yu akeri rey mapawitɨkɨkai muyɨwitsie. Mɨta hebrekɨ titewatɨ Abadón, mɨta griegokɨ titewatɨ Apolión. ¹² Matɨari mana kaniuyayani. !xekeneunenieri! mɨta yetiyuyɨ menehahuni yuhutatɨ mɨta metuwaɨkawa tsitiyuruwamete. ¹³ Ata xewi akeri yu awa putayuitɨa mɨta nenuiki nepu eni awate niwetari oroya hapaɨ Kakaɨyari hɨxie. ¹⁴ Mɨta ataxewi akeri awa makwekai niukieya painekai ''xekenewarakuxɨna meyunauka akeritsixi akí Eufrates haxipatsie mamakuwɨ.'' ¹⁵ Mɨta mɨkɨmexi meyunauka akeritsixi aixɨ memauyukuyurietɨkatei kepauku hɨkɨtɨnikekai, ana tukaritsie mɨta metseriyaritsie mɨta witariyaritsie, mɨta maya'atsie mapaku xɨnarie yeyupame teɨteri kwiepa memutama memɨwakwinikɨ. ¹⁶ Kwinie mepuyupaɨmekai xutarutsixi kawayutsixitsie me uteetɨ 200,000,000 mepuyupaɨmekai ne meyuwaɨkawame newaru'eni. ¹⁷ Aku paɨmɨ netiunieristɨarie hapaɨ kawayutsixi newaruxei hapaɨ mɨta mɨkɨmexi memutekai wahetsie mɨta wakararate memeikamanakai xuxurekai tai hapaɨ mɨta yaxeikɨa kutuxawikai tɨtɨkitɨ meta tataxawitɨ azufre hapaɨ. Mɨta kawayutsixi wamu'ute mayetsi wamu'ute payeikakai , mɨta wa'teta payeneikakai tai mɨta siere kɨtsi. ¹⁸ Mɨta yeyupatɨ teɨteri mapukwi haikame ikɨ kwiniya: taikɨ, kɨtsikɨ siere wateeta hayeneikakaikɨ aku kɨtsi. ¹⁹ Mɨta kawayutsixi watɨrɨkariya wateeta hayeneikakai mɨta wakwaxitsie mɨta wakwaxite kukuterixi wakwaxi hapaɨ anenetɨ, mɨta mɨkɨmexi yumu'utekɨ teɨteri metewakwinitɨakai. ²⁰ Muwa reutiyune kwiepa metama, iyamexi ke ane makwa ukwi'iwaxɨ kwiniyakɨ makwa uyuti iyaritɨa kemetekakɨnekaikɨ, hapaɨna siere makwate uhayawaxɨ mawarayexeiyakai temɨarixi, yusite orokɨ mewewiyatɨka, platakɨ, broncekɨ, tetekɨ siere kɨyekɨ mɨkɨ aku makwayɨwawe mamuneniere, mamu enanani yata siere meyakɨne. ²¹ Hapaɨna siere makwa uyuti iyaritɨa mete uyumiekaikɨ, meteyu kewaiyakaikɨ, ukari mewatemawiekai ni siere metenanawayakai.