¹ Mɨta ne xeime tawari akeri nepuxei tɨrɨkaɨyeme taheima yuawitsie akaneka. Mɨkɨ haiwikɨ eimarietɨ mɨta yumu'utsie kuwiwi anayetɨ. yuhɨxie tau hapaɨ ranaka erietɨ mɨta ɨkateya tai hapaɨ anenekai. ² Mɨkɨ yu mamatsie pakwekai xapa kurumaɨyeme antayepiekame, mɨkɨ yu keeta tserieta miemekɨ haramaratsie kaneukeni, Mɨta yu utakɨ kwiepa kaniutakeni. ³ Mɨta mɨkɨ kaniutahiwa maye ha'atɨ ha'hiwatɨ hapaɨ, mɨta mɨkɨ kepauku muta híwaxɨ, mɨta atahuta mimierikari makanita eiya. ⁴ Kepaukuta atahuta mimierikaritsixi memita eiyaxɨtsie, ne netita utɨaximekai, mɨta híwari nepu'eni taheima yuawitsiepai haineme: ''kete awietani ma atahutame mimierikari kememutiyɨ pekwa eka utɨwni''. ⁵ Mɨta akeri nepuxei haramaratsie hauweme mɨta xeimekɨ yu'ɨkakɨ kkwiepa, yu mama tserieta miemekɨ yuawitsie kaneutimeni. ⁶ Mɨta yuniuki pɨwarupitɨa iya'kɨ ke ane muyeikakɨ tukarikɨ mɨta heyeme ke ane iya mutawewi taheima yuawi. Mɨta tita hetsiena tixuawe, meta kwie mɨta naitɨ hetsiena tixuawe, mɨta haramara mɨta naitɨ tita tixuawe haramaratsie ''tukari kwareutere'' ⁷ Mɨta tukari maya anitsie atahutariekatsie akeri yu awa tayuitɨaximekaku mɨta Kakaɨyari tita rexeiya mitawewi awiekamekɨ, naime yatuiriyarieni mɨkɨ kemutayɨ yu nɨ'arima wa'hɨxie, mɨta te'maikame wa'hɨxie. ⁸ Niuki nemu eniekai taheima yuawitsie tawari hekwamekɨ kaneniutahɨawe: ''kenemie iya xapa mntayepie kenanakakwe'i iya akeri mamayatsie haramaratsie mɨta kwiepa mauwe. ⁹ Mɨta ne nepetɨa akeri hatsɨa pɨnetita hɨawixɨ kena xapa kenetsi ukweitɨanike. Mɨkɨ ne pɨnetiutahɨawixɨ: ''xapa kenakakwe'i mɨta keneutakwa'a, ayuriepa atsiwitɨ kanayeimɨkɨ mɨta a teeta akakatɨ xiete hapaɨ kanayeimɨkɨ'' ¹⁰ Ne xapa nekananakakweni akeri mamayatsie mɨta nekanitakwani. Ne teeta xiete hapaɨ rakakatɨ, mɨta ne itakwakari, neyuriepa kanitsiwire. ¹¹ Mɨta xewitɨ ne pɨnetiutahaɨwixɨ: Ekɨtsɨri niuki pakanita xatamɨkɨ teɨteri wahatsɨa, kiekari mukumane, yukɨ mete uniukatsie, mɨta Reytsixi watsata.