¹ Xeime kɨye ti'inɨnɨtame nepukweitɨarie neti'inɨatakɨ. Mɨta pɨnetiutahɨawarie: ''neutakexi mɨta Kakaɨyari teyupanieya neuinɨata, meta niwetari, meta kehate 'iyamexi memeyexeiya hetsiena. ² Mɨta humapaitɨ teyupanie takwa pekwaku'inɨnɨatani, mɨkɨri Gentiltsixi tiwapini. Mɨkɨ kiekari 'aixɨane metiketsixɨani huta tewiyari heimana huta metserixa. ³ Yu hutame nenieremete newapitɨani yemetiyɨnikɨ 1, 260 tukari, pini titsutsuime meteanakapitɨ.'' ⁴ 'Ikɨ nenieremete mehɨkɨtɨni meyu'huta olivo 'iteɨriyari meta meyuhuta katira 'uitɨwame Kakaɨyari hɨxie meku'u kwiepa. ⁵ Xɨka xewitɨ waranayexeiya tiwakwinitɨanike, mɨkɨmexi wateta tai payeneika, mɨta mewakwini kehate mewarayeheka. Hapaɨna ke'ane tiwakwinitɨa mɨkɨ paɨmɨmɨ timɨni. ⁶ 'Ikɨmexi nenieremete meyɨwame taheima manakayuawi memaunani, kwa'ukawiwiyenikɨ kementehautere mɨkɨmexi mete kuxatatɨ. Mɨkɨ meyɨwe ha xuriya memayeitɨani meta kwie metekwinitɨani meteyunaime titamexi hetsiena metexuawe, kepauku pɨmetehauyahɨakatsie. ⁷ Kepauku m+k+mexi metetahayawatsie metekuxatat+ tewaxi yautanaka xawata hatineni kwahaukakemari+k+tsie m+ta watakwini. waraiwa wakwini. ⁸ Kiekari raye'axetsie wawaiyarite tsuinike huye muyehahapanetsie(m+k+ tiyukuhek+k+are t+t+ tiuter+war+wa Sodoma meta Egipto) kewa xe'ukiyari kuruxitsie mukawiya. ⁹ Haika tukari heimana 'akame hipat+yunait+ kiekatari, nuiwarite yunait+ yuk+mete'uniuka, m+ta kiekari manmanet+ka wawaiyari mexeiya, m+k+mexi mekwatepit+ani mekateukenik+ ¹⁰ Iyamexi kwiepa metama meyukatemamawieni wak+manak+ m+ta wiesta mewewieni. M+k+mexi imikeri mete'anyun+airiex+ani yuxexuit+; ik+ meyuhutat+ nierekate metewarukwinit+a kwiepa metamamakakai. ¹¹ Arikeriekata hairieka tukari ankayaku meta hix+apa umiekaku, 'iyaá tukariyari kaka+yari miyetua pautahani iyamexi wahetsie m+ta metiuni yu+katek+. Wa+kawa mariutsika mehexeiyat+ mepak+ne kehate mewaxeiya. ¹² M+ta, m+k+mexita niuki me'enieni t+r+ka+yeme taheima manakayuawitsie m+k+mexi p+tiwarah+aweme: ''¡Xatihuni ana'ipait+''. M+ta m+k+mexi mepantik+ne taheima manakayuawitsie haiwitsie meye'ut+, mexi mewaxeiyani mewarakaheka. ¹³ Anam+ maye'atsie, kwieputayua, m+ta yepat+ kekari pauyewe. Siete mil te+teri mepukwi, m+ta mewikwekai mehaumamat+ mepak+ meta Kaka+yari tehema makawe metah+we ¹⁴ Hutarieka yetiut+a ¡xeunieri! ¡hairieka mukanamieni mex+iwa. ¹⁵ M+ta ataxewi akeri yu'awa putayuit+a, m+ta t+r+ka+yemek+ niuki petiniu taheima manakayuawitsie p+hait+kait+: ''M+k+ its+kame pat+a kwietamatsie puta'a its+kame ayanike ta'ukiyari meta Cristo. its+kame payani tukarik+ meta tukari mautiyune.'' ¹⁶ M+ta, venticuatro ukirawetsixi kehate muwa mematekai Uwenitsie Kak+yari h+xie, meputih+xima'uwekai kwiepa yuh+ximak+ ,m+ta m+k+mexi Kaka+yari meputah+awix+ ¹⁷ M+k+mexi p+meputiy+: '' papariusi temetehahah+awe ek+, Ta Ukiyari Kaka+yari naimek+ pet+r+ka+ye, ek+peh+k+ hik+pemuyeika hik+ta ek+ peh+k+ tukarik+ pemuyeika, ti'aiwakame peh+k+ amamatsie pepih+i at+r+kariya m+ta its+kame peh+k+. ¹⁸ Nuiwari mepuyeha'a wa+kawa, m+tari ahax+a puta'a. Tukaripaye'ari, m+kite metixanetsieni meta Ek+ petiwayetuirieni kehate me'mete 'uta uximayatsiri temaikate, iyamexi kehate yuri mete'erie meta iyamexi memaumamakai kepentitewak+; yaxeik+a meteyukuh+awekai, mekwate'ayeaxe meta mete'ayeaxe. tukari paye'ari pewaka'unatsie iyamexi kehate kwie me'unat+we.'' ¹⁹ M+ta, Kaka+yari teyupanieya taheima manakayuawitsie pauyepierix+ m+ta ti'utame kemutay+kai puhek+arix+ teyupani ta+ta. M+ta hek+ariya putixuawerix+,wa+kawa tiuyuat+ tiwat+, mimierika pukax+ri , kwieputayua, wa+kawa +wi pux+ri,