¹ Waɨkawa tiu'hekɨarixi ta'heima: uka haukemaritɨ tau hapaɨ meta metseri hapaɨ yu'ɨkatetɨa; xewitɨ kuruna 12 xurawetsixi ma'anateme panamakakai yu'mu'utsie. ² Mɨkɨ paya'nunutsikai mɨta pahi'wakai tiukakukwiítɨ tiniweke iyarieya hura petikatei nunutsi tiniuwi'tɨanike. ³ Mɨta'tawarie tiu'hekɨataxɨ ti'hekɨakɨ ena ta'heima:¡xeunieri! siere pu'hekɨarixɨ dragón mariwetɨ hau'xuretɨ pe'xeiyakai ata'hutame mu'ute meta tamamata awate meta pe'xeiyakai ata'hutame kurate yu'mu'utsie. ⁴ Mɨta siere kwaxieya pa'itietɨya tewapaitɨ hairieka'tsiepaitɨ xuraetsixi memaukatekai ta'heima warukaxɨri kwiepa'paitɨ.Mɨkɨ dragón pu'take uka hɨxie mɨkɨ aku tiniwerɨmekai, mɨkɨ kepauka tiniwekekai mɨkɨ ta'kwanikekai nunutsi. ⁵ Mɨkɨ putiniwexɨ nunutsi pu'tinuiwitɨa uki, mɨkɨ yetianekɨ paya'aximeri itsɨkame mayani naitsarie ena kwiepa kemu'yawa tepɨa itsɨ'yari akwetɨ mɨkɨ nunutsi pu'tikweriwaxɨ meta pɨyetuiya Kakaɨyari hetsɨa meta hapaɨna ɨparieya'tsie miemetɨkai. ⁶ Mɨta uka puyuta'unaxɨ petɨa yauta ,kewa Kakaɨyari aixɨ rekuyeriekai hetsiena mieme, aku mɨkɨ me ɨwiyeriekaikɨ 1,260 tukari. ⁷ Hikɨ'ta paɨ tiuyɨ mapuyutakwi ena ta'heima Miguel meta tɨriyamama me'puyutawi dragón matɨa mɨkɨ dragón akeritsimama ta'aurie metewa'rahɨwiri mepa'yuye'atɨiri. ⁸ Mɨkɨ dragón kwahɨkɨtɨkai tɨrɨkaiye waɨkawa ra'aiwakɨ .manari pumawekai hawaitɨri ye'kwa'haku'yeukai ena ta'heima hetsiena meieme meta akeritsimama wa'hepasta. ⁹ Mɨkɨ mariwetɨ dragón meripai mieme ku'u yɨanekai titewatɨ tɨkakame yatɨni ka'hauyumarie ti'itawame enaí kwiepa kemuyawa paɨ tiuyɨ pana'kahɨíya kwiepa pauka'hɨíya meta hapaɨna akeritsiximama mepauka'xɨriya maukatewa'tsie hamatɨana. ¹⁰ Mɨta niuki ne pu'eni tɨrɨkaɨyeme ena ta'heima; hikɨ'ta kanuaniri wikwestɨarika ,tɨrɨkaɨyetɨ nɨa'tsie Kakaɨyari ta'hetsie mieme tatuwani Jesucristo. mɨk´ɨ ti'itawame ta'hetsie mieme ta'iwa pauka'hɨiyari maukatewa'tsie, xexanetakai ta'Kakaɨyari hɨxie tukarikɨ meta tɨkarikɨ. ¹¹ Mɨkɨmexi'ri mepe'iwaxɨ muxa xuriyayakɨ meta niukikɨ tiku'xatakaikɨ mɨkɨ me kwa'itanake'erikɨ tukarieya kepaukarike mu'mɨ'tsie. ¹² Mɨkɨ yeti'anekɨ xekene'yutemawieka, xeme ta'heima, xeme xemu'uwakɨ mɨta kwie meta haramara tɨkakame pauha'a manakatɨa ta'hetsie'mieme mɨkɨ rakumate kename itsipaɨmetɨ hauyewetse tukarieya. ¹³ Kepuaka dragón retima ename ena haka'hɨiya kwiepa mɨkɨ uka pankuwei iya nunutsi mutinuiwitɨakai uki nunutsi. ¹⁴ Mɨta mɨkɨ uka yetuiriyerie hutame anate werika anateya,mɨkɨ yɨwetɨ mayanikɨ tawienikɨ kewa aixɨ reku'itɨariekai hetsiena mieme muyauta'yatsie tixaɨ kwatiuxuawiriwe'tsie.kewa me hɨtɨkai metahɨrieni yatewimekɨ hixɨapa arɨkamekɨ he'tewa'mekɨ ku'u hepasta. ¹⁵ Mɨkɨ ku'u uka pu'weiyakai mɨkɨ ku'u ha'a pu'haya meta aki pu'yutawewi uka man'haunikɨ. ¹⁶ Mɨta mɨkɨ kwie puparewi ukaratsi mɨta kwie pantayepierixɨ muwa paukakunixɨ ha'a ku'u mihayakai. ¹⁷ Mɨta mɨkɨ dragón tsikwatiyaha'a uka hepasta mɨta petɨa yutamienike iya keanimexi yuri mete'erie wa'matɨa kemaine Kakaɨyari Jesús niukieya'kɨ . ¹⁸ Mɨta dragón niuta'keni xiekaripa haramara testa.