¹ Kepauku muxa maukepi atahuta seyu, kaiwatɨ kenetaamare taheima yuawitsie xeitewiyari heimana atamamata kateutere kaiwatɨ umatɨ. ² Mɨta ne newaruxei atahuta akeritsixi mɨkɨ Kakaɨyari hɨxie meputi ukai, mɨta mɨkɨ meyatuiriyarie atahuta awate. ³ Xewitɨta akeri nua, pɨtsi oroyakame ahanatɨ, niwetaritsie awetɨ. Waɨkawa mɨkɨ ɨkwa pɨyatuiriyarie, mɨta mɨkɨ miyatuanikɨ meyu nenewietɨ ke ane yu naitɨ sasuni mete'erie, niwetari oroyakametsie uweni hɨxie. ⁴ ɨkwa kɨtsiyari, nenewieri matɨa, pɨhekɨarixɨ Kakaɨyari hɨxie akeri mamayatsie. ⁵ Akeri pɨtsi oroyakame kaniutihana mɨta kanitaiya niwetaritsie ayakɨxeka, mɨta mɨkɨ kwiepa kaneita kɨstɨani, mɨta kaniukaxɨrieni mimierikari mɨta kwie kaniutayuani. ⁶ Mɨta atahutatɨ akeritsixi awa mamu ɨkai aixɨ mekaniyukuru wakaitɨni awa methɨtsienike. ⁷ Matɨari akeri yu awa kaniutayuitɨani mɨta kaniukaxɨrieni teé mɨta tai matɨa xuriya anyutinɨtɨ. Mɨta kwiepa makati xɨriyani mɨtɨ mɨkɨ haika inɨariyaritsie me'atɨ metitanikɨ. Haika inɨariyaritsie me'atɨ kaniutitayarieni iteɨrite, mɨta naitɨ ɨxa tsitsiɨrawi kaniutitaiyarieni siere. ⁸ Hutarieka akeri yu awa mutayuitɨa, tixaɨtɨ hɨri hapaɨ tinetɨ taatɨ haramaratsie kaneuhɨiyani. Mɨta haika inɨariyaritsie atɨ haramara xuriya kanayani. ⁹ Haika inɨariyaritsie me'atɨ makateniukwini haramaratsie meteya ukai, mɨta haika inɨariyaritsie atɨ kanuwate kaniukayunixɨani. ¹⁰ Hairieka akeri yu awa mutayuitɨa mɨta xurawe haxɨnetɨ taheima yuawitsie akaneka, haika inɨariyaritsie akiíte mɨta haixatetsie kaniukaweni. ¹¹ Mɨta xurawe katinitewakaitɨni tsiwiriya mɨta haika inɨariyaritsie atɨ haá kana tsiwire, mɨta waɨkawatɨ teɨteri makaniukwini haá me utihareka hatsiwime. ¹² Naurieka akeri yu awa kaniutayuitɨani, mɨta haika inɨariyaritsie atɨ tau, katiniu kwinitɨarieni, mɨta ssiere haika inɨariyaritsie atɨ metseri, mɨta haika inɨariyari xurawetsixi. Mɨta haika inɨariyaritsie atɨ kaniuku yɨxare. Mɨta haika inɨari tukarikɨ mɨta tɨkari hekɨariya kwaxuawekai. ¹³ Ne nekanixeiya, mɨta nekani enieni xeime werika taheima yuawi hixɨapa uyewiximeme pɨtiu hiwame ''ay, ay, ay ketsɨri mete anyahuni ke ane ana kwiepa metaama, waɨkawa kaneuyewekani, akuxi kaneu yewekani awate tiyuani, katiyuitɨariemɨkɨ haikatɨ akuxi akeritsixi menitiyuitɨakuni.