¹ Mɨta yatiuyɨku 'arike nemunierixɨ, nemuxei 'itupari huayepiekame neheima yuawitsie. Matɨari niuki, netsihahɨaweme 'awa hapaɨ waye'aneme, putayɨ: 'ena kenatiya'a, mɨta Ne nemetixeiyastɨamɨkɨ kemɨtiyɨni 'arike 'ikɨ pini warita. ² Mɨta hapauku Espíritu'tsie nepuyeikakai, xeime 'uweni yuawitsie 'akaweme nepuxei, meta Xewitɨ hetsiena pakatei. ³ Hetsien makatei Jaspe meta cornalina hapaɨ tiyuhekɨakai. Kuwiwi esmeralda hapaɨ anetɨ pakatei 'uweni warita. ⁴ 'Uweni warie xeitewiyari heimana naukatɨ 'uwenite pa'utɨkatei, meta hetsiena mepatekai 'ukirawetsixi xeitewiyari heimana naukatɨ meyupaɨmetɨ, kemari tituxame mete'anakapitɨ, meta yu mu'utsie kurunate oro'yatɨkaime me'umanatɨ. ⁵ Mɨta 'umenitsie mimierika taneikakai, meta kwinie 'utiyuatɨ mimierika anyutsunatɨ hapaɨ. 'Atahuta kɨxeme tatɨkatei uweni hɨxie, mɨkɨ kɨxemete hɨkɨtɨkai Espiritutsixi Kakaɨyari memayexeiya. ⁶ Mɨta siere, 'uweni hɨxie yamakakai haramara tukatɨ, xikɨri hapaɨ anetɨ. 'Uweni wakawetsie hixɨapa meyukanieritɨakakai meyu naukatɨ tewaxi mete'u'uwa me ayenenieretɨ, hɨxite mehexeiyatɨ naime yu waiyaritsie. ⁷ Manyakatei tewaxi maye hapaɨ anekai, hutarieka tewaxi pixeru hapaɨ anetɨ, hairieka tewaxi 'uki tewi hapaɨ raka'erietɨ, meta naurieka tewaxi muwieri 'uwiximetɨ hapaɨ 'anekai. ⁸ Naukatɨ tewaxi mepexeikakai 'anate 'atahutame, naitsarie mahahɨxitɨ. hekɨta meta tɨkarikɨ mekwatehayawakai me'utiyuatɨ: ''SANTO, SANTO, SANTO, KAHɨKɨTɨNI 'UKIYARI kAKAɨYARI, KEANE YUNAIME WA ITSɨKAME, keane hɨkɨtɨkai, keane hikɨ hɨkɨ meta keane mamie.'' ⁹ Kepauku 'íkɨ tewaxi meteikwitɨakaitsie, me 'itexietɨ meta pampariusi metehehɨawekai Iyaá keane 'uwenitsie makatei, 'aku 'Iyaá keane muheika tukari mautihanetɨka. ¹⁰ Xeitewiyari heimana nauka 'ukirawetsi meputitunuma'uwekai 'uweni'tsie makatei hɨxie. mɨɨmexi meputihɨxima'ui keane muyeika tukari yahane hɨxie, meta 'uweni mawetsie hɨxie yu kurunate meputimanaxɨ, mehaitɨkaitɨ: ¹¹ rekanake Ekɨ xeikɨa temetsi'ayexeiyani, tematsi texieka meta penɨa'kakɨ 'itsɨkame pehɨkɨtɨ, ta 'Ukiyari meta ta Kakaɨyari. 'Ekɨ pehɨkɨ tinaime petiutiwewi, meta kepenreuhɨakai, yaumieme tiu'uwatɨka meta yaumieme petiutiwewi.''