¹ Ka tiuta utɨani akeri teyupanitsie Sardis mieme: Ikɨ niukieya kahɨkɨtɨni iya aku ke ane makawie Kakaɨyari Nɨ'arieya atahutame hapaɨna atahutame xurawetsixi. "Ne nerakumate kepetiyuriene. Ekɨ xeikɨa petiwiya pamayenierenikɨ, pemɨkitɨta pehɨkɨ. ² Nantanieri ke teutinuiwitɨa tita tiyuhayawatsie mieme, karikɨí mɨximeni, ni nekwatikaxeiyawe kepetiyuriene aya akamekɨ Kakaɨyari hɨxiena. ³ Kenaye'eri mɨta, tita petiyatuiriyarie yepeti'enatɨ. Paɨtekamieni neu ati'iyaritɨa. Xɨka peka ayuhɨtɨaweni Ne nepayeneni tinawayamw hapaɨ, ni pekwaretimaní ke upaukukaku ne mamie a hatsɨa. ⁴ Xeikɨa tsimeyupaɨme ukitsi Sardis teɨterixiyari ke ane aku tatakuri mekwate'uyupitɨa pini tikwiemariwe hapaɨ. Mɨkɨ mepuhuni ne hamatɨa, tituxame mete'akapitɨ, mɨkɨ aixɨ me anene. ⁵ Ke ane tiyu iwákame mayaní ranaka pinitɨarieni pini tituxame, Ne ta ketitewa mɨkɨ nekwa ekayeitɨani Tukari kwaxɨwetsie xapayari, Ne nepiyaxata ketitewá ne Ukiyari hɨxie hapaɨna akeritsixi wa hɨxie. ⁶ Ename pexɨka hexeiyani, ke neu'ena Espiritu ketiwakɨhɨawe teyupanite. ⁷ Ka tiuta utɨani akeri teyupanitsie Filadelfia mieme: "Ikɨ niukieya kahɨkɨtɨni ke ane aixɨ ane, sasunimekɨ hɨkɨ - Mɨkɨ kanexeiyani David yawieya, Mɨkɨ reuyepiwa xewitɨ kwareunarɨma, Mɨkɨ reunani xeikɨa ni xewitɨ kwareuyepiwe. ⁸ Ne nerakumate ke petiyuriene. Xeunenieri, Ne ahɨxie ne niukekani itúpari hauyepiekame ni xewitɨ kwayɨwe reunani. Ne nerakumate kename pekatɨrɨkaɨye, akuxita ne niukɨ yepetikamie, hapaɨna pekwaha imawa ke netitewa. ⁹ !Xekenenerieneni! Ke ane aku iyamexi meyukanieritɨa tɨkakame wa Sinagoga ta, ke ane aku memaitɨka kename aku me judiotsixi ni ta mekwahɨkɨtexi, meten itaka. Ne newarawitɨni me ti tunuma´unikɨ hɨxiena mɨkɨ metehetimani Ne yenekwatiwareu'eriya. ¹⁰ Kepaɨmemekɨ ta xete uta kenentinɨ'a xetenewietɨ xekayumexɨitɨatɨ, Ne hapaɨna ne xeti'utá kepauku maya'anitsie tsiranyɨtɨ tawenitsie kwiepa naitsata, meta inɨatsienikɨ kemeyupaɨmetɨ kwiepa mentama. ¹¹ Kwitɨ nepamie. Tɨrɨkaɨyemekɨ xetenewiyani tita xetehexeiya kataku xewitɨ xe'unawairieni xe kuruna. ¹² Ke ane tiyu'iwakame mayani nepitawewirieni kurumaɨyeme ne Ukiyari teyupanieyatsie. Muwa kwawayeyani mɨkɨtsie nereu'utɨani ne Ukiyari ketitewa, kiekarieya hapaɨna ketitewa (Jerusaleni hekwame, ta heimapai makane ta Yusi hatsɨa), hapaɨta kenetitewa. ¹³ Ke ane nakate me xeiya ke enani Espiritu kemaine ta teyupani hetsie. ¹⁴ Ka tiuta utɨani akeri teyupanitsie Laodicea mieme: 'Ikɨ niuki kahɨkɨtɨni paɨ Anemekɨ, yuri tete i'eririe sasunikɨ niere, ta ukiyari aku kentiuyuri Kakaɨyani naime tiuhekɨataxɨtsie ¹⁵ Nerakumate rí kepetiyuriene, ni pekwa xɨka hapaɨna ni pekwa haɨtɨ. !Kuta aixɨ petini xɨkani ya tixaɨ pe haɨtɨni! ¹⁶ Ya ta peti haixɨka -ni peka haɨtɨtɨ ni peka xɨkatɨ- ne mestihayani keyu ne teta. ¹⁷ Ekɨ ta pɨpemutaine: "Ne tuminikame, naime pinite nekatexeiyani, ni nekara'eriwatɨ kename tixaɨ nekareuyahɨwa". Ni pekwa ayukumate kename petikwerie, tsipeti'itɨatɨ, tixaɨ pekarexeiyatɨ, pekahaunieretɨ, hapaɨna pehauxetatɨ. ¹⁸ Ne mari'itsika keneu'eni: Oro keneneunanairi waɨkawame ta'ime aku waɨkame tuminikame pemayanikɨ, pinite ti tuxame muti xawatɨre hapaɨna peranakapinikɨ pekwaxeiyariekakɨ petewinɨarietɨ kename pehauxeta, a hɨxite taa keneutihawiya hapaɨna pemaunierenikɨ. ¹⁹ Yu naime ke ane newareuyahɨwa newanɨ'a newara'imaiya. ²⁰ Mɨta etsiwa pe'ɨtetsatɨ pɨri pekwati'akuhɨaweni. Neuxei Ne kitenie neputiwe nereuyuitɨwatɨ. Xɨka xewitɨ ne niuki u'enieni itupari hauyepieni, Nepautayani kitana, hamatɨana netikwani mɨkɨ hapaɨna nehamatɨa tiwani. ²¹ Iya aku ke ane ra'iwa, Nepiyatuirieni aya'akamekɨ ne hamatɨa mankayarɨni ne ɨparitsie, ne hapaɨna tiyu iwakame ne matɨakɨ ne Ukiyari matɨa ne mayakɨ. ²² Ke ane nakate me xeiya, ke u'ena Espiritu kerahɨawe teyupanite.