¹ 'Iyaá 'akeri tiwaruta 'utsiri teyupanie Éfeso: ' Íkɨ niuki kanihɨkɨtexitɨni 'aku 'atahuta xurawetsixi wa tuika yu mamakɨ tseriekɨ meta keane mumie 'atahuta katira 'uitiwame oro'yatɨkaime tsata kanaineni íkɨ: ² ''Ne netakumaika kepemɨtiyuriene meta 'a 'uximayatsika 'uxiya meta pekwayumexɨitɨa pemetineika meta pekwayɨwe petiwanewirieni 'iyaá teɨuteri tsimete 'u'iyari, metari penwaretima kename nɨaritsixi mehɨkɨtexi memaitɨka, yakɨ'ta mekwa'hɨkɨtexi, mɨtari penwarukaxei mete 'itawame. ³ Neta nerakumate kename ekɨ pekahauyumexɨuitɨa kename pehetineika, meta yaxeikɨa nerakumate petiukwinixɨ waɨkawa nekɨmanakɨ, mɨta pekwa 'uxe. ⁴ Mɨta ne nemetsi heuheka petiuhayawaxɨkɨ kepentiyurienekai hɨkɨa reukayune 'amatɨari 'aixɨ 'eriyarika'tsie. ⁵ Mexi kena'eriwani kewa pematine. Kenaye'eri mɨta yeketekaya'a kepemɨtiyurienekai matɨari. Xɨkatsɨ 'aku pa'aye'erieni, Ne nenamieni 'a hatsɨa, mɨta 'akatira 'uitɨwame kewa ma'ukai mana nene'uitɨamɨkɨ. ⁶ Mɨta 'íkɨ perexeiya: 'ekɨ pewahéka 'iyaá Niacolás tɨriyamamamekemɨte'uyurukɨ, meta ne ya xeikɨa newahéka. ⁷ Hɨkate 'a'ename xeime pehexeiyani, 'ekɨ keneu'eni Espíritunketi'warahɨawe iyaá teyupanite.Mɨta keane iyaá tiyu'iwakame mayani ne nenenipitɨawɨkɨ 'iteɨri tukari'tsie tikwani, 'aku Kakaɨyari kié kwitsiraku'anetsie' ''. ⁸ Mɨta 'akeri tiwaruta'utsiri teyupanie Esmima: ' 'Íkɨ kahɨkɨtɨni 'aku keane mu'mɨkai meta 'aku keane tawarie mankuke tukari hexeiyatɨ matɨa. ⁹ Ne nepakumate 'akwikwiniya meta tixaɨtɨ pekwarexeiya meta ' ekɨ ta'aurie mawetse waɨka perexeiya. Mɨta ne nerakumate wawiyarika' tsie iya'a Judiyu'tsixisi meyuxatatɨ kememaitɨka mɨta mekwahɨkɨtexi, mɨkɨmexi paɨta kiekatari Sinagoga tɨkamame memuweiya mehɨkɨtɨni. ¹⁰ Pekwa haumakɨ mu hurakɨ petikwine. ¡Xekeneunieri! nakawe hurawa kanamieni hipame xetsi'antaxɨrienike 'aku xeta'inɨatsienikɨ, meta xetekwinekɨ, tamamata tukari. 'Aixɨ keteuka'iyarini kepauku peɨnitsie hautinieretɨ, neta nematsiyetuirieni kuruna tukariyari. ¹¹ Xɨka 'ename pehexeiyani Keneu'eni Espírtu ketiwarahɨawe iyaá teyupanite. 'Iyaá keane mikaxeiya hutarieka'tsie kwa'tiukakwikwineni. ¹² Mɨta 'akeri tiwaruta 'utsiri teyupanitari Pérgamo: 'Íkɨ kahɨkɨtɨni niuki keane Iyaá 'aku kutsira 'atamɨariekame makwe'e naitsarie 'ata xikakaunime. ¹³ Ne netakumaika kewa pemeka, kewa tɨkakame 'ɨparieya mawe, 'akuxita pema'akuwie heitserimekɨ nekɨmana kenetitewakɨ.Ne nerakumate penestitawe'eriwe Sanuni peti'erie ne hetsie, Antipas ti'uximayakaitsie nierekame patɨa kwa 'ikwa'eiri 'aku kenae 'íyaá mumiere xeme xetsata, 'aku kewa tɨkakame mukatsie. ¹⁴ Ne niuki yapaɨme nenexeiyani 'a hepaɨsta: 'ekɨ hipame penwarexeiya keanimexɨ heitserie memu hu Balaam 'ɨkitsikaya memuweiya, keane tiuta 'ɨkitɨa Balac tete mauta hɨanikɨ Israel nuiwarieya wa hɨxie memeti witseixɨanikɨ mɨkɨ 'ikwai metetikwanikɨ yusite wamawari, meta tatakuri mete yupitɨanikɨ. ¹⁵ Yaxeikɨa tsiere, xeme hipame xewarexeiya kehate ketserie memu hu NIcolás tɨriyamama wa 'ɨkitsikaya'tsie. ¹⁶ ¡Mexita kenaye'eri! xɨka yapekatikayani, Ne nenamieni yapauka 'ahɨxie, Ne 'imieri nenatinetɨamɨkɨ 'a hepaɨsta kutsira ne teta mayeneikakɨ. ¹⁷ Xɨka ename pehexeiyani, keneu'ena Espíritu ketiwarahɨawe teyupanite. Ke'ane 'íyaá ra'iwa ne tixaɨ netimini tikwaimame ti 'awietɨme, Ne nepiyatuirieni tete tuxame hekwame ha'uxame ketitewa hekwamekɨ, nita xemitɨ kwa 'ekumate kemɨtitewa mɨta keane menkwewi. ¹⁸ 'Akeri tiwaruta'utsiri teyupanietari Tiatira'tari: ' Íkɨ niuki kahɨkɨtɨni Kakaɨyari Nu'aya, 'aku keane hɨkɨ me xeiya 'utitataweme tai hapaɨ, meta 'ɨkateya bronce hapaɨ 'anenetɨ. ¹⁹ '' Ne nerakumate kepemɨtiuyuri: 'a 'aixɨ 'eriyeri meta sasuni 'eriyeri meta parewiya, kamexɨitɨarika kareutakwewietɨ. Ne nerakumate kename pɨpetikatɨ kemɨkake, mɨta kaniwaɨkawani kepemɨtiuyuri matɨari. ²⁰ Mɨta niuki a hetsie mieme nerexeiya: 'ekɨ iyaá 'ukaratsi Jezabel petinewirie, mɨkɨ yukɨmana tiyukuterɨwa timaikame. Mɨkɨ kemɨtiu'ɨkita tiwa 'itaiya ne nɨ'arima tatakuri xɨrikime meteyuwiwiriekakɨ meta yusite wa'ikwai mete kwakakɨ. ²¹ Ne yapamexa nepipitɨa maye'erienikɨ, mɨkɨ paɨ kwareunake'erie maye'erieni yu tatakuri tsitiane'tsie. ²² ¡Xekeneunieri! Ne nepeihɨani kwiniyatsie meta 'iyaá kehate memuyutikarayunitaxɨ hamatɨana metekwine waɨkawa, meta xɨka me 'aye'erieni mɨkɨ kemɨtiyuriene kename kati 'aixɨ. ²³ Ne neti wakwinitɨani, memɨkwini, meta yunaitɨ teyupanie mete hetimani kename Ne nehɨkɨ Iyaá keane newa kuwaune kementeyukuhɨawe. Ne netiwayetuiriene yu xexuime rekanakemekɨ kememɨte'uyuri. ²⁴ Mɨta kehate xemauyewetse Xeme Tiatiratari, yunaitɨ kehate 'íkɨ 'ɨkitsika xekwa'uta, meta hipatɨ xekwate'akumate keane pinite reukatewa 'iyaá tɨkakame pinieya tiuyuterɨwa, xeme ne paɨ nexerahɨawe: meta Ne nekwaxetitɨtɨwa 'ika yukɨ tianeme. ²⁵ Tinaime'tsie yatianekɨ xeme xete'unewieni heitserimekɨ xepɨyɨwawe ne kepauka nemunuanirike. ²⁶ Meta 'iyaá keane tinewie, meta keane yatikayani Ne netikamie hapaɨ tukari makaxɨnitsie utieniereme, Ne 'itsɨkame nepeyeitɨani hipawe wa'itsɨkame. ²⁷ Mɨkɨ watanɨani 'itsɨ tepɨayarikɨ, mVta waka'una kehate memeka'unie 'aya'akamekɨ tekɨxi tikainani hapaɨ. ²⁸ Yaxeikɨa ne'Yau netiyatuiri hapaɨ, Ne hapaɨna xurawe kwixawatɨ matineika kakatarirɨmekaku mɨkɨ nepiyatuirieni. ²⁹ Xɨka 'ename pehexeiyani, keneu'ena Espíritu kemaine teyupanite hepaɨsta.