¹ Mɨta ne nenixeiya yu 'uwenitsie 'akaime mama tserietana, xeime xapa raka'ukame kwikwiwkame yu hɨxie meta yuwarita. Mɨta putiutɨarie 'atahutame sellukɨ. ² Ne nepuxei 'Akeri yu niukikɨ hahiwame tɨrɨkaɨyemekɨ: ''¿Mɨta ke'ane raya'atɨ hɨkɨtɨni mentayepieni 'íkɨ xapa meta sellute titsana?'' ³ Meta ni xewitɨ ta heima meta 'enaí kwiepa meta hupaitɨ kwiepa kwayɨwekai 'utsika xapa makaterɨwa. ⁴ Ne neputatsua waɨkawa ne 'iyaritsie kwa'ukaxeiyariekɨ ni xewitɨ 'aixɨ tiuka'iyaritɨ xapa kwikwie mantayepienikɨ meta mekaterɨwakɨ. ⁵ Meta xewitɨ 'ukirawetsixi nerahɨawe: ''Pekwaha'iteikani. ¡keneunieri! Mɨkɨ Maye 'Iya maremama Judá, David nuiwarieya, katayu'iwa, 'Iya kayɨweni xapa kwikwietɨka mantayepieni meta sellu mantatsana.'' ⁶ Ne nemuxei xeime Muxa 'uwekame, 'uwenitɨa meta ya xeikɨa meyu nauka tewatsixi memu'uwa wa hixɨata meta 'ukirawetsixi wa hixɨata. Tiuyuxexeiyakai wa'atɨ tiumierie hapaɨ. Mɨkɨ pexeiyakai 'awate 'atahuta meta hɨxite hapana paɨmem; 'ikɨ kahɨkɨtɨni 'atahuta Kakaɨyari Espirituya 'enai naitsarie kwiepa makanɨarie. ⁷ Mɨkɨmuyɨ mankuhuri xapa kwikwie yu mama tseriekɨ, 'aku mana keane yu 'uwenitsie makatei. ⁸ Kepauka Mɨkɨ menkuhuri'tsie xapa kwikwie, 'iyá menyunauka tewaxi memu'uwa meta xeitewiyari heimana nauka 'ukirawetsixi meputitunumaui kwiepa Hɨxiena. Yuxexuitɨ memexeiyakai tiyuitɨwame meta xei xakɨrɨ oroyakametsie pɨtsi hɨnetɨ, mɨhɨkɨ wanenewiya kehate sasuni mete'erie. ⁹ Mɨta mɨkɨmexi xeime kwikari me putakwikaxɨ: '' Ekɨ pehɨkɨtɨni 'aixɨ pe'tiuka'iyari, 'ekɨ pemɨyɨwe xapa kwikwie raka'uxa mɨta sellute pemantayepieni siere. Ekɨ pemimieriekɨ, meta 'axuriyakɨ 'ekɨ penwarunanai teɨteri Kakaɨyari hepasta yunaitɨ teɨterixi, meta kememɨte'uniuka kiekarite meta kiekari 'anyeyeu. ¹⁰ 'Ekɨ 'iyamexi tevteri wa hetsie miemme paɨ petikatɨa Kakaɨyaritsie hakunenakɨ kemɨtinɨa, meta siere tatsinitsixi pewarayeitɨa mɨkɨ meta mete'uximayatsiriekakɨ, meta mɨkɨmexi mentanɨani kwiepa tamatsie. ¹¹ Mɨta ne nemunierixɨ, meyu'waɨkawame 'akeritsixi me hahutɨkaime 'uweni warita meta tewaxi meteu'uwa 'ukirawetsixi wa'warie. Mɨta meyu'waɨkawatɨ mehɨkɨtɨkai waɨkawa waxayari. ¹² Mɨkɨmexi meputiniu waɨkawa mehayeyeuretɨ: '' 'Aixɨ tiuka'iyari kahɨkɨtɨni Muxa 'aku keane mumierie tɨrɨkaɨye mankwewienikɨ, raya'akame pinitiwaɨka, tiyumainɨa, tɨrɨkariya meta ra'yaaxe hɨawari. ¹³ Ne netiu'eni tinaime pini tiwewiytɨka ne heima yuawitsie meta kwiepa timieme, meta ya xeikɨa kwieta hupaitɨ, meta haramara'tsiemeteye'uwa mɨkɨ mexi me haitɨkaime: '' Keane 'Iya yu 'uweni'tsie maka meta mɨkɨ Muxa, kehɨkɨtɨni nɨari, ke hɨkɨtɨni waɨkawa raya'atɨ, meta Mɨkɨ tɨrɨkaɨyemekɨ tanɨani tukarikɨ muwa mautiyune. ¹⁴ Mɨta meyu'nauka tewaxi meteu'uwa meputiyɨ ''¡Paɨ keaneni! meta 'ukirawetsixi meputitunu'maui hɨxiena mɨta mepeyexei.