¹ 'Umaniere xeime tawa'ri 'akeri ne puxei taheima yuawi'tsie 'akamiekame. Waɨkawa tɨrɨkariya hexeiyatɨ, mɨta kwiepa pukuhekɨarixɨ mauxawatɨkaikɨ. ² Iyaá paniukakai hahiwatɨ, pɨ haitɨ: ''¡Pukaunixɨ, Babilonia pukaunixɨ kiekari 'anyawa! Mɨkɨ patɨa temɨarixi wa'kií, espiritutsixi tsimeteu'iyari wa 'utame patɨa meta wikixi mekwakwaiwa wa'kií patɨa. ³ Yu naitɨ nuiwarite memutitarɨwaikɨ winu 'aixɨ ka'anemekɨ. Reytsixi kwiepa mexuawe tatakuri meteuyupitɨa hamatɨana. Tetuayamete kwiepa mentama xikutsixi mepakɨ wistiukaniukikɨ. ⁴ 'Umaniere xeime yukɨ tiuniukame nepueni ta'heima yuawitsie, pɨpainekai: '' Neukwe'eiri, ne kiekari, tatakuritsie pekwayewenikɨ meta kwiniya 'a hetsie kwatiya'axeni. ⁵ Tatakurieya netɨ pawierixɨ ta heima yuawitsie paitɨ hautiyunetɨ mɨta Kakaɨyari paye'eri 'aixɨ kwatikamiekɨ. ⁶ Pamakunuani'tsie teupitɨa hipame kehapaɨ tiwarupitɨa hapaɨ, hutamekɨ 'anamakamekɨ teupitɨa mɨkɨ yetikatuakɨ; tekɨxita tiukanɨitɨa'tsie, hutamekɨ 'anamakame teukanɨitɨiri. ⁷ Mɨkɨ yutemawietɨ muyeikakai meta tixaɨtɨ kwareiyahɨakai, kastigu rekanakeme keneupitɨa. Yu 'iyari'tsie pɨmainekɨ: 'Ne nepaka reina hapaɨ; ne wiura nekwahɨkɨ, ne'uyukayeinetɨ nekwayuxeiya.' ⁸ Yamanyɨnekɨ reumietɨ kwiniya hetsiena kawiere; mɨkiriya, heiwerika meta hakawexa. Mɨkɨ taikɨ tataiyarieni, 'Ukiyari Kakaɨyari tɨrɨkaɨyekɨ Mɨkɨ hɨkɨ 'aixɨ rakayurieni hetsiena. ⁹ Xeitsixi kwiepa mexuawe kehate memimate meta mekwaheyutima hamatɨana mɨkɨ metitsuani meta meyukayeine kepauku hetsiena kɨtsi mantiwiere'tsie takaku. ¹⁰ Yemetenieretɨ mepauteware hatsɨana, me mamatɨ tiukakukuinekɨ, meutiyuatɨ: ''¡Ay, ay kiekari peyawa, Babilonia, kiekaari petɨrɨkaɨye! maya'akɨ kastigu pitɨarieni xeime horayari'tsie. ¹¹ Tetuayamete kwiepa mentama metitsuani meta meyukaheiwerieni kɨmanakɨ, xewitɨ kwatinanekɨ tita metetua- ¹² pini orokɨ tiwewiyatɨka, platakɨ, tetexi wistiuyuxexeiyamekɨ, perlakɨ, 'ixuriki linokɨ wewiyakame, ti yɨnamawime, 'ixuriki sedakɨ wewiyatɨkaime, 'ixuriki xuxuretɨ meta naitɨ kepatɨ kɨyexi xuawe, wichi'ɨatɨkaitɨ, wasu marfilkɨ wewiyatɨ meta naitɨ xakɨrɨte kɨyexi raya'atɨkaime wewiyatɨka, broncekɨ, tepɨakɨ, marmolkɨ ¹³ canela, 'ikwai'tsie reuyutipine, pɨtsi, mirra, pɨtsi wichi'ɨa nɨitɨarietɨ, winu, haceiti, trigu tɨxiyari, trigu, wakatsixi meta muxatsi, kawayutsixi meta karetate meta te'uximayatame hapaɨna yu naitɨ teɨuteri memukɨpɨri. ¹⁴ 'Ikwaxi waɨkawa pemauyahɨakai naime 'atɨrɨkariyakɨ kameniukwe'eirieni. Naime pini perexeiyakai meta hapavna wichi peti'aheɨakai kaniukumawire, hutarieka pekwa 'ikaxeiya hekwamekɨ. ¹⁵ Mɨkɨ ikɨ pini tetuayamete xikutsixi memayuyeitɨa kɨmanakɨ hatsɨana mepau teware me haumamatɨ tiukakukuinekɨ, meutitsuatɨ mɨta waɨkawa meyuheiwerietɨ. ¹⁶ Mɨkɨ pɨmetiyɨni: ''¡Ay, ay kiekari tiutiniutɨarie kemarite linokɨ wewiyatɨkaime, yɨnamawitɨ, tixuxureme, tiutiniɨtɨarie orokɨ, kukate wichi'aneneme meta perlakɨ! ¹⁷ Xeime horatsie naitɨ pini raya'axe putitsewiximarie.'' Capitántsixi kanuwa 'ampapa mewaranɨ'a, keyupatɨ haramatsie mete'uximaya, kanuwatsie mete'uximaya meta yunaitɨ kehate haramara'tsie mematiwikwe, mepautewarixɨ hetsiena. ¹⁸ Mɨkɨ meputihiwaxɨ me mamatɨ kɨtsi me'uxeiyaka takaitsie. Mɨkɨ pɨmeputiyɨ:'' ¿Ke'ane kiekari hawaitɨ pema 'ikɨ hapaɨ kiekari raya'atɨ?'' ¹⁹ Mɨkɨ kwie tumuani yumu'usta mepaukawiwi meta tsuarikɨ me'utihiwatɨ, meyuheiwerietɨ:'' Ay,ay ekɨ kekari peraye'axe kewa 'aku yunaitɨ kehate kanuwate mewareuxeiya haramaratsie xikutsixi mepak+ 'ahetsie tixuawekaikɨ. M+ta xeime horayaritsie m+k+ kanuka'une.'' ²⁰ Keneu akatemawi hetsiena, ekɨ taheima yuawitsie, xeme yuri xete'erie n+'aritsixi mɨta temaikate, Kakaɨyari hetsiena aixɨ rakayuri xekɨmanakɨ!'' ²¹ Xewitɨ akeri tɨrɨkaɨyetɨ tete putitui, nekame titɨxɨme hapaɨ: '' umaniere haramaratsie peikahɨa, Pɨhaitɨ:'' ikɨ hapaɨ, Babilonia, kekari raye'axe, wapaukahɨiyani haxɨama meta tawari kwaxeiyerieni. ²² Tiyutɨwame yuitɨarikaya, Teyutɨwamete, flauta yuitɨwame meta trompeta yuitɨarika kwayu'enieriɨkɨre tawarií ahetsié. kehate yumamatekɨ metewewie ahetsie mekumawire. hapaɨna tete titɨxɨme kwa'eniɨriɨkɨre tawari ahetsie. ²³ Kɨxeme hekɨariya, kwahekɨare 'ahetsie, kehate meyutuxeri waniuki kwayu eniɨriɨkɨre tawari 'ahetsie, tenawemete meta tetuayamete mehɨkɨtɨkai xeitsixi waniwema 'ana'í kwietamatsie, meta nuiwari keyupatɨ memu'uwa mete'uitaiyerie akewaiyarikɨ. ²⁴ Hetsiena pukaxeiyarie temaikate waxuriya meta yuri mete'erie hapaɨna kehate 'ana'i kwiepa memukwiya waxuriya.''