¹ Umaniereta yatiuyɨku nepu enaxɨ tita tiutayua wa'atɨ waɨkawa teɨteri taheima metehahiwatɨka; pɨmehaitɨkaitɨ: ''pɨke aneni. Wikwestɨarika, rara arɨkani ikɨ tɨrɨkariya Kakaɨyari tipinieya. ² Mɨkɨ warantaxɨrɨwa sasuni hɨkɨ aixɨ manyine hɨkɨ, metsɨ Mɨkɨ iya yewa antahɨa aku kwiepa metama tatakuri tiwarupitɨa. Mɨkɨ ta aurie rehɨwiri aku nɨarimama wa xuriya mutaxɨrikɨ. ³ Mɨkɨmexi hutarieka meputiniu: ''¡Pɨke aneni! mɨkɨ kɨtsi watine hetsiena kwahau arɨkanikɨ tiuyɨ.'' ⁴ Mɨkɨ 24 ukirawetsixi siere meyunauka tewaxi mamayeneniere metitunuma'u Kakaɨyari mapayexeiyakai Mɨkɨta yu uwenitsie pakatei. Mɨkɨmexi pɨmapaitɨkatei: ''Pɨke aneni. ¡Aleluya!'' ⁵ Umaniereta xei niuki uwenitsie hatiné, pɨhaitɨ: ''Kakaɨyari xetenekwitɨaka, yunaitɨ nɨ'arimama, xeme aku xemitexie, yuhutatɨ, tixaɨ xekwatehɨkɨ siere xenɨ'a tɨrɨkaɨyemekɨ.'' ⁶ Umaniereta nepi'eni mɨkɨ muyatua pɨtiuyu eniɨrɨkɨxɨ wa'atɨ teɨteri yuwaɨkawatɨ mete haitɨka, aku haa waɨkawa kuyuani hapaɨ siere aku merɨkariya kentiuyu eniɨriɨkɨre, pɨmahaitɨkaitɨ: ¡Aleluya! Metsɨ Kakaɨyari nɨ'a, Mɨkɨ Kakaɨyari nɨ'a naitsata. ⁷ Teyukatemawieni siere paleku xeyutemamawieka xeyatuirieka xayexeiyani Mɨkɨ paya axeri wiesta neɨkixa matineni mɨtari tuxeritsiekame aixɨ pauyukuyurie. ⁸ "Mɨkɨ pupitɨarie rakapini kemari tiuti merɨkame aixɨ ti aneneme ixuriki raya arɨkame'' (mɨkɨ ixuriki raya axe tɨtɨ hɨkɨ aku kemetekahu kiekari metaama teɨteri tatakuri mekwate hexeiya) ⁹ Mɨkɨ akeri pɨnerahɨawe: ''Ikɨ taka utɨa: Aixɨ me itɨarie iya ke ane me inierie mexa tikwaiyatsie tineɨkitɨnetsie muxa tineɨkitɨnetsie.'' Mɨkɨ siere pɨnerahɨawe: ''Ikɨ niuki ti sasuni Kakaɨyari niukieya.'' ¹⁰ Netitunumake hɨxiena ketateya man'neneire nepeyexeiyakai, mɨta Mɨkɨ pɨnerahɨawe: ''¡pɨ pakwa yɨaneni!'' ne siere ne hɨkɨ nɨ'ari ahapaɨ hapaɨna siere a iwama hapaɨ aku sasuni mete'erie Jesús hepaɨsta. Kakaɨyari nayexeiyani, metsɨ Jesús kemuyɨ kahɨkɨtɨni tɨtɨ timaikate kemamutiyɨkai.'' ¹¹ Umaniereta nemunierixɨ taheima pantayepiekai mana nemautinierixɨ mana kanierekai xewitɨ kawayu hautuxatɨ. Xewitɨta manakatei pɨtitewa sasuni ti erie siere kwati itawa. Aixɨ anyinemekɨ Mɨkɨ warantaxɨrɨwa hapaɨna kwiya muti xuxuawitɨwa. ¹² Hɨxiteya tai hapaɨ anene, mu'uyatsieta waɨkawa kuruna panamáne. Mɨkɨ teewakame xeime pexeiya yu Hetsie, nita xewitɨ kwa ekumate, Mɨkɨ xeikɨa pekumate. ¹³ Mɨkɨ kemari rakapine xuriyatsie puka tainarie, mɨta Kentitewa pɨtitewatɨ hɨkɨ Kakaɨyari niukieya. ¹⁴ Xutarutsiixi taheima mieme mepiweiyakai kawayutsixi mahautusametsie ma'utetɨ, kemari mete anakapitɨ ixuriki raya axe, tusame hapaɨna aixɨ aneneme. ¹⁵ Teetana payeneikakai kutsira atamɨarietɨ mɨkɨkɨta Mɨkɨ nuiwari metama waratirɨrɨwa Mɨkɨta waheima tanɨ'ani kɨye tepɨayari akwetɨ. Mɨkɨ watiketsini waɨka hau ha'atɨ Kakaɨyari tɨrɨkaɨyetɨ. ¹⁶ Mɨkɨ peixeiya pɨre uxa kemarieyatsie siere Yu teuritsie: ''Reytsixi waheima nɨ'a siere Ukiyaritsixi waheima nɨ'a.'' ¹⁷ Nepixei xeime akeri mana tautsie aweme. Tɨrɨkaɨyemekɨ puta'hiwaxɨ yunaitɨ mamawiwawe heimana mapu wietɨkɨkakai: ''Xahuni xeuyuxeɨri yunaitɨ wiesta wewiyarieni Kakaɨyari. ¹⁸ Xahuni reytsixi wa waiyari xekwaka, xutarutsixi nɨ'ari wa waiyari, uki tɨrɨkaɨye waiyarieya, cawayutsie mamutei wa waiyari siere yu naitɨ teɨteri wa waiyari, yu naitɨ maxɨnarietɨka siere mamakuwɨ, tixaɨ kwatihɨkɨ siere ke ane tɨrɨkaɨye. ¹⁹ Nepixei Tewaxi yautanaka siere reytsixi kwiepa metaama yu xutarutsixi mawarexeiya. Mɨkɨmexi meyuxeɨriekai meyutakwinike iya kawayu mautusatsie manakatei yu kuyaxi warexeiyakai matamienike. ²⁰ Tewaxi yautanaka pu'wiyarie hamatɨana siere, ti'itaawame timaikame hípame wahɨrɨpa makwateneniere hapaɨ tiyurienekai. Ikɨ'ta yatiiyurienetɨ tiwaru itai iya ke ane memitanake'eriekai mɨkɨ tewaxi yautanaka seyuya hapaɨna siere ke ane memeyexeiyakai ɨkiyaya. Mɨkɨmexi yuhutatɨ mana mapauxɨriya ma ayenenieretɨ taipa matiteteretsie azufrekɨ matita'atsie. ²¹ Ke aneta mamuyuhayawakai mamanayuhayawakai mapukwiya iya aku tetana kutsirakɨ hayeneikakai aku iya kawayutsie manakatei. Yu naitɨ wikixi waiyarieya maputikwai.