¹ Xewitɨ akeritsixi atahuta mahɨkɨtɨkai aku xakɨrɨte atahuta ma'ɨkai mana patɨa mɨta pɨnetiuta hɨawixɨ: ''Namieni mɨta nemetsi xeiyastɨani iya nementahɨani aku yewa aku haa'tsie waɨkawa mana mukaa, ² Mɨkɨ kahɨkɨtɨni aku ke ane reytsixi kwiepa metama hamatɨana tatakuri mete uyupitɨa. Mɨkɨ winuyakɨ tatakuri temawiɨriyɨka mepuyipitɨa kwiepa metamaa meputi tarɨwai. ³ Umaniereta akeri netsihewitɨ yu Espíritukɨ xeitapa txaɨ kwatiu xuawewriwetsie neta nepixei xeime ukaratsi texaxi yautanakatsie anakaime tsiranyinemekɨ reuka uxakai hetsiena. Mɨkɨ tewaxi yautanaka atahuta mu'u pantiyatsakai hapaɨna siere atamamata awa pa'uitɨakai. ⁴ Mɨkɨ ukaratsi kemari rakapikai tiyɨnamawime siere tisusulekai siere oroyakame reukapikai, tete wichi anene siere reukapikai. Mɨkɨ pehanakai yumamatsie xeime tekɨxi merɨkaɨyeme muwa ratipikai tsiti anenetɨ tatakuri siere tsiranyine. ⁵ Hɨxiena ra'uxekai kayuhekɨakamekɨ pɨreuku exekai: ''BABILONIA MANYAKA, YEWATSIXI WATEI SIERE KWIEPA TIXUAWE TSIRANYINE.'' ⁶ Ne nepunierixɨ mɨkɨ ukaratsi tawekai sasuni mete'erie waxuriyakɨ hapaɨna siere sasuni mete'eritɨ Jesutsie mamukwiya waxuriyayakɨ. Kepauku ne nemixei mɨkɨ ukaratsi, ne waɨkawa neputima. ⁷ Mɨta mɨkɨ akeri pɨnetiutahɨawixɨ: ''¿ketiu pemaa? Ne yaenemetita hɨawe ke'anyitɨ manyine ukarstsitsie hakunena aku tewaxi yautanakatsie manaka, tewaxi yautanaka atahuta mu'u mantiyatsa siere atamamata ma awa. ⁸ Tewaxi yautanaka pemixei puyeikakai, hikɨtari kwa uyeika, kwareutere hupaitɨ watiyani, muyayɨwitsie aku kawahau axe. Umaniereta ka une naitɨ. Iyamexi ke ane kwipa meta'ma, iyamei ke ane kwa aka uxe kemetetewa xapa tukarieya aku matɨaripaitɨ kwie akuxi katawewiyawekaku mɨkɨmexi metimamani kepauku memixeiyatsie tewaxi yautanaka kename uyeikakai, híkɨtari kwa uyeika, mɨta nuaximeri. ⁹ Ikɨ pauyewetse reyutimani xekanakemekɨ. Mɨkɨ atahuta mu'ute hɨkɨ atahuta kiekari aku mɨkɨ ukarstsi mana watsata muka. ¹⁰ Mɨkɨmexi siere mahɨkɨ atahuta reytsixi. Auxuwi reytsixi mapatixɨriri, xewitɨ payeniere mɨta xewitɨ akuxi kwanuawe; kepauku mɨkɨ nuani, mɨkɨ yɨwekaxɨani mayeniereni xeikɨa echiwa. ¹¹ Tewaxi yautanaka muyeikakai, híkɨtari kwa uyeika, yaxeikɨa mɨkɨ hɨkɨ aku atahaika rey; mɨta mɨkɨ hɨkɨ xewitɨ aku mayewe atahutatsie reytsixi mɨta mɨkɨ pa iwarieni. ¹² Mɨkɨ aku pemixei atamamate awa mehɨkɨ atamamate reytsixi ke ane akuxi aku yu mamatsie makwa ihɨiwe, mɨta mɨkɨmexi mepitɨarieni reytsixi mamakɨne xei horayari iya tewaxi yautanaka aurie. ¹³ Ikɨ yaxeikɨa meteyukuhɨawe, mɨta mɨkɨmexi tɨrɨkariya mepipitɨa siere nɨ'aka mɨkɨ tewaxi yautanaka. ¹⁴ Mɨkɨmexi kwiya metixuawitɨani iya muxa Hepaɨsta. Mɨta mɨkɨ Muxa wara iwa metsɨ mɨkɨ hɨkɨ Ukiyari waUkiyari siere Reytsixi waRey hamatɨana makaniere ke ane mamutahɨawerie mamanayahapanie, siere aku mekwate itawa. ¹⁵ Mɨkɨ akeri pɨnerahɨawe: ''aku haa pamuxei, aku yewa mana mukateitsie, kiekari mehɨkɨ, waɨkawa teɨteri, nuiwari siere hípatɨ yukɨ mete uniuka. ¹⁶ Atamamata awa ekɨ pemixei mɨkɨmexi siere tewaxi yautanaka mepiyeheka iya yewa. Mɨkɨmexi mete inawatsirieni mepitixetapieni, mɨkɨmexi waiyaya metikwani mɨkɨmexi mepitataiya naime taipa. ¹⁷ Mɨta Kakaɨyari tiyuriene wa iyaritsie ya anyineme mautahatɨa aku yatiyɨnikɨ aku tɨrɨkariya mipitɨani nɨ akakɨ mɨkɨ tewaxi yautanaka kepaukurike maya anitsie Kakaɨyari kemutayɨ. ¹⁸ Mɨkɨ ukaratsi pamuxei hɨkɨ kiekari yawa aku mana nɨ'a siere waheima reytsixi kwiepa metama.