¹ Niuki tɨrɨkaɨyeme neniu'enieni Santuariopai neti watahɨaweke akeritsixi me atahutame: "Xehuni atahutameta tekɨxi xeutiyauriexɨa aku ta Kakaɨyari haxɨaya. ² Xewitɨ akeri meri kaneyani tekɨxi kwiepa kaneukayaurieni; tsimete anenetɨ tekwikwikate mekatexɨani teɨteriwatsie me ha'utɨkaitɨ bestiakɨ, iyamexi aku memeyexeiyakai. ³ Hutarieka akeri hapaɨna tekɨxi haramaratise kaneukayaurieni. Ikɨ xuriyarimatɨ kanayani tewi mierekame hapaɨ, naitɨ keti paɨmetɨ rayenenierekai katiukwini haramatsie. ⁴ Hairieka akeri yu tekɨxi kaniutiyarieni akitetsie hapaɨna ha mukumanetsie; xuriyatɨkaitɨ kanayeixɨani. ⁵ Mɨkɨ akeri nekaniu'enieni haineme: "Ekɨ aixɨ pe ane -- Ke ane hɨkɨ ke ane hɨkɨtɨkai, Tsantu aku-- ekɨtsɨ yeti aneme petiutiwiwieni. ⁶ Mɨkɨmexi waxuriya meniutxɨrieni ke ane yuri mete'erie metasiere profetatsixi, mɨkɨ pewayatuiri xuriya meman ienikɨ, wahetsie ti'anenikɨ." ⁷ Netiu enaxɨ altarpai nehaitɨ: "Hɨ, Ta Ukiyari Kakaɨyari Tɨrɨkaɨye, naimetsie peti'ɨwiya, heyeme kepentinɨ'a sasunimekɨ aixɨ anemekɨ. ⁸ Akeri naurieka tekɨxi kaniutiyaurieni tautsiepaii, kaniupitɨarieni teɨteri watitaiyakɨ. ⁹ Mɨkɨ meniutitani tai xɨkamekɨ, Kakaɨyani me niutinanaimani, ke ane aku ikɨ naime yetiyuriene. Ni mekwa uyuti'ima me ha'akai. ¹⁰ Akeri auxuwirieka tekɨxi kaniutiyaurieni ke anetsie ɨparieya tsitiuka'iyari kaniukuyɨre kiekaripana. Mɨkɨ meniuyutikeni kwiniya xuawekaikɨ. ¹¹ Kakaɨyari meniutatieni mete ukakukuitɨ kwistexikɨ mɨkɨ kename mekate'uyuri ni mekwa anyutanieritɨa. ¹² Ataxewirieka akeri yu tekɨxi kaniutiyaurieni aki ampametsie aku Éufrates. Aki kaniuwani huye hekɨarekɨ mana memakɨnekɨ reytsixi tau manakuneika kiekatari. ¹³ Haikame newaruxeiya espiritutsixi tsimete'anenetɨ meteyuhekɨatɨ temutsi wahapaɨ dragon tetana mewayakɨkatɨ, aku bestia timaikame ti'itawame. ¹⁴ Ikɨ mehɨkɨtexi espritutsixi demoniotsixi aku tita kwatihekɨa metehekɨatatɨ. Mɨkɨ menayakɨne reyetsixi wahatsɨa kwiepa mentama meyukuxaɨrienike meyutakwinike kepauku maye'anitsie kwiya ta Kakaɨyari Tɨrɨkaɨya matɨa. ¹⁵ ("¡Xeuyu'ɨwiya! ¡Ne nenamieni tinawayame hapaɨ! Aixɨ itɨarie ke ane yuhɨxiya, yu pinite mete'anakapitɨ, tsepa wayetɨa haumetsetɨ titewinɨarienikɨ ken'ane.") ¹⁶ Mekanewitɨkieni tiyetewakaku hebreokɨ, Armagedón. ¹⁷ Hapaɨna atahutarieka akeri yu tekɨxi kaniutiyaurieni ekatsie. Ye reutewikaku niuki tɨrɨkaɨyetɨ kanayeneni teyupanie ɨparitsie, haitɨ: "¡Pɨkati aneni!" ¹⁸ Mimierika kaniukaxɨrieni, hekutɨrarɨkatɨ, hekutɨmɨarɨkatɨ hapaɨna kwie kaniutayuani--kwie mutayua ni kwatiyɨwe hapaɨ kepauku pai aku teɨteri memutixuawerixɨtsie kwiepa, waɨkawamekɨ kwie kaniutayuani. ¹⁹ Kiekari haikatɨ kanayaxɨriyani, mɨkɨ kiekarite kaniuka unixɨani. Ta Kakaɨyari kanaye'erieni Babilonia, mɨkɨ kayatuirieni tekɨxi hɨneme winu uyamakame ayeitɨatɨ haxɨari. ²⁰ Naitɨ kwie naneuyeweni hɨri mautitei ni kwayuhekɨakai. ²¹ Tetexi hapaɨ nenetɨ te, waheima kaniuyeyani, kaniukaxɨrieni teɨteri watsie. Mɨkɨ Kakaɨyari meniutinanaimani yeti aneme tiukaxɨrieku, heyemekɨ waɨkawame katiukwinitɨani.