¹ Mɨta tawari tixaɨ netiuxei taheima, kunie ti aneme: muwa mekanierekai atahuta akeritsixɨ atahuta me ahaɨritatɨ tsitiyuruwame, mɨkɨ hikɨtɨkai tsitiyuruwame kuinatɨme mɨkɨkɨ paya anikiekai Kakaɨyari haxɨaya. ² Nepuxei tiuyuxexeiyame haramara merɨkaɨyetɨ nɨitɨariekame tai matɨa. Meputi ukai haramara testa iya aku meteyu iwakate heima tewaxi meta siere ɨkiyaya'kɨ metasiere kepaɨmamekɨ mema uxekai me ixatatɨ kentitewa. Mɨkɨ mepa ɨkai kanari warumikai Kakaɨyari. ³ Mɨkɨ mekwikakai kwikarieya Moises, mɨkɨ uximayatame Kakaɨyari, meta siere kwikarieya Muxa: ''kunie ti anene waikawemekɨ kepentiuyuri, Ukiyari Kakaɨyari Kunie titɨrɨkaɨye, aku tinaimetsie tinɨ'a. Aixɨ ane yuri hɨkɨ a'huye, Rey naimetsie kwiepa. ⁴ Ke ane aku kwuametsi hautexie, Ukiyari, meta siere kunie pera ya arɨkame metsi ayeitɨa kepentitewa'kɨ? Akɨtsi xeikɨa penehɨkɨ Santo. Naɨti kiekari anyayau manmanetɨka me axɨani mɨta mematsi ayexeiya aixɨ petikatɨakɨ meyutima.'' ⁵ Mɨta yenetiuniereka nepuxei kewa waɨkawa aixɨ tuiye'anetsie, taheima manakayuawitsie reuyepiekai. ⁶ Aixɨtiuye'anetsie mehayenexɨaka mepanuaxɨa atahuta akeritsixi atahutame plagas me'ahaɨritatɨ. mepaukemaritɨkatei ixurikikɨ wichinemekɨ merɨkawime mete'akapitɨ meta mepanayuhɨatɨkatei yutawitsie oro hɨayameyarikɨ. ⁷ Xewitɨ tewatsixɨ memu'uwa wayetuiri atahuta akeritsixɨ atahutame Oro tekɨxiyari Kakaɨyari haxɨaya hɨpɨneme, kahɨkɨtɨni tukarikɨ muyeka meta muyeikani tukari mautihane, ⁸ Aixɨ tiuye'anetsie kɨtsi puyehɨnekai raye'akamekɨ Kakaɨyari kentitɨrɨkaɨyekɨ . xewitɨ mautayani kwayɨwekai astakepauku atahuta plagas atahuta akeritsixi maye'anikekaitsie.