¹ Hik+, akuxi mat+ari temakaxewiriyariekai panierekai temeyexeiyanik+ kwiepa uweme xeimeta xiriki. ² Mets+ xewit+ xiriki ukawewiya. Mat+ari kiita, muwa kanierekai katirauit+wame, mexa mana amanet+ pani, muwa p+tiyetewakai tatakuri kwaxuawetsie. ³ Waritanata hutarieka kiita ixuriki mana pantawiekai, muwa p+tiyetewakai masi tatakuri kwaxuawe. ⁴ Peixeiyakai niwetari utimer+kat+ muwa p+tsi titaiyar+wakai. Hapa+na siere muwa kanierekai ''arca del pacto'' m+k+ nait+ pau oroyakai. Ta+tana kanierekai tek+xi mer+ka+yet+ mana yamanekai pani, Aarón k+yeya aku muta tutuyatax+, siere tetexi raka utset+ aku utsika warakaewiririekai. ⁵ Heimana m+k+ kahunitsie, akeritsixi wicimete anenet+ mana mepenkanakai, me'inat+ yu et+rik+ yu anaatek+, hík+ tekwa y+wawe tepitaxaata naime. ⁶ Umaniereta ik+ri aix+ tiuy+ku, tatsinitsixi tukarik+ muwa kiita mananiere makanierekai muwa xirikita muwa mete uximayakai. ⁷ M+ta xeik+a y+wekai tatsini manyaka mautayani kiita Kaka+yari kanieretsie heiwa mieme xei witari anakayeikakai, xuriya pautamawakai yu hetsiemieme hapa+na siere kiekari metamakakai wa'tatakurik+. ⁸ M+k+ Espíritu Santo pihek+atax+ huye hamautayani muwa Kaka+yari kanierekaitsie akuxi kwa hek+ariwekai mexi akuxi mat+ari xiriki mayenierekai. ⁹ Ik+ xeik+a h+k+ temaye'eriwanik+ hik+ tukari. Yu hutat+, imikieri siere mawarika aku xeme xemiyatua hik+, m+k+ aix+ kwatiyurieni xe iyaritsie xeme xemeyexeiya. ¹⁰ M+k+mexi yamey+a mete maawa ikwai siere ti'wame, siere au'eriet+ meteyatuat+. Ik+ yamey+akai waiyaritsie xeik+a timiemekai, m+k+ yatiuy+ mete utimawax+ meripait+ arikeetari munet+arie yuk+ p+ta tetekahuni. ¹¹ Cristo maukuyeix+a tatsini manyaka payuyeit+a aix+ manyinek+ pu'at+a. M+k+ maukuyeix+a xiriki aix+ anetsie kuy+ane, kwa utawewiyata te+teri mamayak+, m+k+ ana kwiepa kwamieme ana kwawewiya. ¹² Yatiuy+ kapura ya'ta wakaxi xuriyayak+ kwatiuy+, p+ta Yu xuriyak+, M+k+ mautaha muwa Kaka+yari kanierekaitsie, heiwamieme xeik+a tanaime tahetsie mieme puy+ peka xewiriyax+ ta wikwest+arika kwa hau'axe. ¹³ X+ka kapuratsixi ya'ta wakatsixi wa xuriya siere ma utixurimarieni wakaxi yayumaikamek+ iyamexi ke ane tatakuri meteyupit+a, Kaka+yari waranayahapa, wa waiyari ti hauxinike, ¹⁴ ¿Masi wa+kawa tiyurieni Cristo xuriyaya, aku M+k+ Espíritu kwa hau axek+ yuyatua tatakuri kahexeiyat+, ta iyari puta hauxi tatakuri teteyupit+akaik+ p+ta Kaka+yari temayexeiyani? ¹⁵ Ya anyinemek+, M+k+ h+k+ taheima muta'nua tatsi akaxewiriri hekwamek+. Ya anyinemek+, xewit+ri m+kiriya mana muyuhayawax+, warakux+nak+ yu tatakuritsie iyamexi ke ane mat+ari mamakaxewiriyariekai, iyamexi ke ane mamuta h+awerie yu mamatsie memih+ni m+k+ xewiriyar+ka imikieri kwax+we. ¹⁶ Meta kewa mekaniere xewiriyarika xapa, tewi m+y+u mitawewiekai, p+tiy+ni mana kemutainekai. ¹⁷ P+reuyewetse m+k+ xewiriyarika xapa heitseriemek+ yatiy+ni kepauku m+k+ tewi m+ni, x+ka akuxi ayeniereni m+k+ tewi kway+we yatiy+ni xepa hepa+sta. ¹⁸ M+ta yakwatiuy+ mat+ari mamakaxewiriyariekai xuriyak+ kwatiuy+kai. ¹⁹ Kepauku Moisés naime mari'itsika wayatuiri kiekari metamakakai, xuriya putiha iya xuriyaya pixeru, kapuratsixi ukitsi, haak+, kwiemuxa xureme, kwiemuxak+ waruti +yax+ yu hutame; siere xapa siere kiekari metamakakai. ²⁰ Umaniereta p+putay+: ''IK+ H+K+ XURIYA XEMAKAXEWIRIYARIE KAKA+YARI P+TIN+'A XEME XEHEPA+STA.'' ²¹ Yaxeik+ata, m+k+ tiuxurima xirikita hapa+na siere muwa tiyepikai xak+r+te tiyu kumauwakai uximayatsikatsie. ²² Mari'itsikatsie hakunena, kasi nait+ titi itiwakai xuriyak+. X+ka xuriya ka uta x+riyani taheiama kwa titanuit+re. ²³ Ya umieme, p+reuyewekakai ana yati ane hapa+nata siere p+re aneni taheima reti itiyani me ti mawarieme m+k+ tewaxi. Ya umieme, ta heima timieme p+reuyewetse titi itiyani mawarikak+ masi aix+ ti anenemek+. ²⁴ Mets+ Cristo ka hautaha Kaka+yari kanieretsie mamatek+ utawewiyaka, m+k+ h+k+ xeik+a ikiyari aku iya ti'yuri. Ta'aurie mawetse M+k+ pautaha taheima hik+ yu hek+atake Kaka+yari h+xie ta hetsie mieme. ²⁵ M+k+ mana kwa hant+a wa+kamex+a yuyatuanike, aku tatsini manyaka y+ane hapa+, m+k+ mautahake Kaka+yari kanieretsie xei witari ankayeikaku xeutamawa xuriyak+ hípame wa hepa+sta. ²⁶ X+ka p+ti anenike, ya umieme p+reuyewekakaku M+k+ wa+kawa mex+a tikwinekekai kwie mutawewiyapai. Hík+ta, haiwa mieme xeik+a p+reuyewetse kwinat+rieka, p+hek+atsie tatakuri watemaukah+akak+ M+k+ mawari mayuyeit+ak+ yuyatuak+. ²⁷ Yu xexuit+ te+teri wahepa+sta p+ti ane kename heiwamieme xeik+a mekwini umaniereta mapantax+riyani. ²⁸ Hapa+na siere, Cristo, heiwa mieme xeik+a p+ti mawarie tatakuri mauku yeit+anik+ yunaime wahetsie, hutariekata yuhek+ataatsie, tawari kwakuy+aneni yuyatuanike, p+ta iyaa ke ane wikwest+arika memexeiya memitakwewie mawa ut+.