¹ Karik+ts+ mari'itsika h+k+t+ni et+ri hapa+ tita rehamie, ni kenti'ane tixuawet+ ti'anet+ m+k+mexi. Kehate Kaka+yari hats+a meya'axe, heyem+ me anenet+ pareku mekwa'ak+ne yuk+manak+ metekahut+ metewayah+awekaku tatsinitsixi xeiwitari hautineikakaku. ² ¿Yuk+ any+nemek+ metemawat+, ni kwa'akax+wekaku memiyatuayanik+, yeti'anet+ yunenewiwamete, xika m+k+ me utiyeit+arieni heiwak+ hapa+na naimek+, yu nenewiwamete, m+k+ ni tatakuritsie mekwa haux+riwanike. ³ Hik+ta tetemawat+ tatakurik+ xeiwitari anyeyeikakaku tepaye'eriwa. ⁴ Ts+'aku kway+we wakatsixi waxuriya tsipuri ukitsi ta tatakuri memaukuyeit+ani. ⁵ Ke paukuts+ aku Cristo kwiepa nuatsie, m+k+ mutay+: "AKU MAWARIKA KWA'AT+A NI NENEWIERI EK+ PERAUYAH+AKAI. PA+TA EK+ AKU TITA WAIYARI H+K+ PENITIYATUIRIENI. ⁶ TSEPA NENEWIYA NAIME TAT+KAIME METE MAWAT+KAIT+ TATAKURIK+, AIX+ PETI'IYAMAT+. ⁷ Neta ya pauku neputay+: 'NEUXEI, ANANEPUYEIKA KEPEREUYAH+WA PA+NETIKAMIENIK+, KENREUKU'UXA NEHETSIEK+ XAPATE KURUMAWIMETSIE." ⁸ Mat+ari M+k+ p+putay+: KATIH+K+ MAWARIKA HAPA+NA METE MAWA AKU TITYAIYARIE, AKU MAWARIKA MEWEWIE EK+ TATAKURI PETIU APIT+AK+. NI AIX+ PAKWATIU AMA YAMAYINE HEPA+STA.'' Ik+ maawarika aku xemiyatua mari'itsika kenreukun+ ak+. ⁹ Umaniereta M+k+ p+putay+: ''NEUNIERI, ANA NEKANIERE YENETIKAYANI EK+ KEPEREUYAH+WA.'' M+k+ mat+ari kexeny+akai M+k+ pikumawiriyax+ hík+tari p+ta xeimetsie tatsi akaxewiriri. ¹⁰ Ik+ yatiuy+ku tame taheima tiutanuit+rix+, M+k+ yuyatuaku yuwaiyari yatuaku Jesuscristo, heiwamieme xeik+a teyu naimetsie. ¹¹ Xeitaparieta, tatsinitsixi mete uximaya mapanku'uwe tukari mankayeika Kaka+yari mata uximayatake. M+k+ piyatua yaxeik+a anenek+ mawarika, m+k+ta makwa y+wawe tatakuri mamaukuyeit+ani. ¹² Umaniereta, Cristo mawarika ayuyeit+aka yuyatua tatakurik+ tukari mautiyune; M+k+ Kaka+yari tserietana putiya. ¹³ M+k+ pitakwewie kepauri ke ane memeka heka het+ana metiyaxe. ¹⁴ M+ta M+k+ yuyatuaku uyumawaku M+k+ aix+ wayurie tukari mautiyune iya ke aneri waheima tiutanuit+rix+. ¹⁵ M+k+ Espíritu Santo siere tame p+tarah+aewe.M+ta mat+ari M+k+ p+putay+: ''IK+ ¹⁶ H+K+ XEWIRIYARIKA NE WAHEPA+STA NEMITIPINI UXA'A WARIE MAKAMIE, UKIYARI P+PAINE. NE MARI'ITSIKA WA IYARITSIE NEPIKUHAYAWA, HAPA+NA SIERE WA MU'UTSIE NEPEKA UT+ANI. ¹⁷ TAWARIRI NEKWA EYE'ERIENI XE TATAKURI HAPA+NA TSIXETEKAK+'K+.'' ¹⁸ Hík+ta, kewari tetehauyah+wiyarie tame, kwahauyewetseri xeime mawarika teyatuaka tatakuruk+. ¹⁹ Ya umieme, iwamarixi, tame sasuni tete'erie kename tehautahax+ani kewa Kaka+yari mekaniere Jesús xuriyayak+. ²⁰ Ik+ huye h+k+ hekwa mayeniere M+k+ peiyepi tame tahepa+sta aku iya ixurikitsie hakunena, ik+ p+ anyit+ manyine yu waiyarik+. ²¹ M+ta siere temeixeiya Tatsini Manyaka Kaka+yari kiena, ²² h+xiena teti'uni ta iyari sasunimek+ sasuni tete'eriet+, teheixeiyat+ ta iyaritsie aix+ aneme tsitekateyukuh+awet+ siere ta waiyari tehauxinat+ haa aix+ anemek+. ²³ Hapa+na siere, tepakaw+ka, heitseriekamek+ yate hait+kait+ keteteku'eriwa sasunimek+, teka utimamawet+, mets+ Kaka+yari, aku tatsi akaxewiririe, kwatati'itaiya. ²⁴ P+teketeku'eriwani hípame wamat+a tekeyu wa+riyani nake'eriyaritsie hapa+na aix+ teketekahuni. ²⁵ Tekwate hayawani temuyukuxexe+riwa tanait+, hípat+ mey+a hapa+ tekwa aneni. P+'ta, tekeyu wa+riyani hípame wamat+a masi wa+kawa, m+ta masi wa+kawa, mets+ri kanakamieni tukari maya ani kepauku mamie Kaka+yari. ²⁶ X+ka tame yaxeik+a tatakuri teyupit+aka, ariri tamamatsie te'ih+ka aix+ mayine ti'sasuni, m+k+ mawarika tatakuritsie tixa+t+ kwarayeika. ²⁷ Heimana p+ta, xuawe xeik+a maarika temantax+riyani siere hax+a tai hapa+ anet+ aku wara'iwa ke ane Kaka+yari mamaka heka. ²⁸ Iyaa ke ane kwa itanake'eri Moisés mari'itsikaya m+ni nenimayatsika kahexeiyat+ yu hutame yata yuhaikame waniuki h+xie. ²⁹ ¿Kepa+meme masi kastiku pit+arieni xeme kexete ku'eriwa aku Kak+yari Nu'aya heimana tuitineiku, aku yu xuriyak+ tatsi akaxewiriri m+ta memeyeit+a karaya ar+kame, m+k+ xuriya aku M+k+ aix+ mu'it+arie, siere mutatierie Espíritu aku imikieri? ³⁰ Mets+ te'ixexeiya aku Ke ane p+mutay+: ''TA'AURIE HARAYU H+WIRIENI NENETIPINI; NE NERANEKATUANI.'' Tawarita hekwamek+: ''M+K+ TA UKIYARI YU KIEKARI WARAKA XEWIRIRIENI.'' ³¹ ¡Wa+kawa payeika mariwet+ Kaka+yari mayeniere mamayatsie teyu hayawa! ³² M+ta xa'eriwani tukari maukayune, akuri xeme xete uta +kit+arieku, aku xete unewi wa+kawa xete ukwinit+arietsie. ³³ Xeme p+xete anyak+ te+teri wah+r+pa xemutatierie xete ukwinit+arie, m+ta xemuy+n+i iyaamexi wamat+a aku wa+kawa mete ukwinit+arie. ³⁴ M+ta xeme xewarutinenimayatax+ iyaamexi aku kaxariyari mamaya ukai, m+ta xemitanake'eri xeyutemamawiet+ tita xepini tih+k+t+kai. Xete akumaikai xeme kename masi aix+ aneme yumamatsie xeh+nikekai tukari mautiyune. ³⁵ Ya umieme xatsita xekwa heikah+pani sasuni xete'erie, m+ta p+xe anet+ wa+kawa xeteyatuiriyarieni. ³⁶ M+ta xeme xepeiyah+wa xeyunewani, aku yu mamatsie xemih+nik+ tita Kaka+yari xeraka xewiriri, akuri yexete kak+ney+ M+k+ kenreuyah+wa. ³⁷ ''META YAREUTEWIKAKU ECTSIWA, IYAÁ KE ANE NUANI, YATIY+NI NUANI, M+TARI KWAREUTERE. ³⁸ KE ANE AIX+ TIKAMIE PUYEIKANI SASUNI TI ERIEK+. X+KATA M+KA YU KUTA UKENI, NE AIX+ NEKWATITI ERIENI HEPA+STANA.'' ³⁹ M+ta tame tekwah+k+ aku yukuta manuani m+ta yutsewiximani. P+ta, tame teh+k+t+ni sasuni mete'erie yu k+p+ri mama iwak+.