¹ Hik+ta, ik+ yemek+ ke tetekuxata kah+k+t+ni, tame tenexeiyani raya'at+ Tatsini aku kaneuyar+ni tsierieta ta haeimapai muyuawitsie. ² M+k+ kati'uximayaka mekanieretsie santotsixi, aku Sasunime Tabernaculo ta Ukiyari muwewi, tewi hawaik+. ³ Ke ane tatsini mayeit+are tiyatuat+, yutatuat+ hapa+na yuyatuat+. Yemek+ nerexeiyat+ tixa+t+ neti yatuat+. ⁴ Hik+ta x+ka Cristo ena uyeikanike, M+k+ kwa'ayeit+ariekake tatsini heyeme, anats+ri mekaxuaweka ke ane m+k+ meteyatua mari'itsikatsie kemutaine. ⁵ M+k+ metekuma+wa Tabernaculota, xeik+a +kiekame et+ri hapa+ h+k+ kename raya'at+. Aku Moises hapa+ rah+awaruwakai Kaka+yari pe'imaiyakai ke pauku tabernaculo titewakame tawewienikekaitsie: Kaka+yari mutay+, "P+TEUYURI NAIMEK+ AIX+ TI'ANEMEK+ PETIUXEIYAX+TSIE AKU H+RI MANTITEWITSIE." ⁶ Hik+ta Cristo katiyatuiriyarieka ti'uximayakak+ aix+ anemek+. M+k+ts+ karik+ h+k+tini ti'in+n+atame hapa+ pactotsie, timiemetsie ti'anet+ aix+ rehamie. ⁷ X+ka mat+aripai aix+ anet+ pacto hek+akake, hauyewet+ kwa'ayeikanike hutarieka pacto. ⁸ Ke pauku Kaka+yari tiukaxeitsie yu kiekaritsie me pauyewekakai, M+k+ painekai: "XENIERENI, TUKARI KANAKAMIENI, TA UKIYARI PAINE, KE PAUKU PACTOTSIE NEWEWIENI HEKWAME ISRAEL KITAYA AKU HAPA+NA JUDA. ⁹ IK+ KWA'AYANI HAPA+ PACTO NEMUWEWI XETEUKARIMA WATSIE NEWARANKUHATSIE NE MAMAK+, MEMUHUNIK+ TEWAPAIT+ EGIPTO KWIEYARITSIE. M+K+ YEMAKWATEKAK+ KENETIKUXATAKAI, NEWARUTIXANE'ERI, KANAINENI TA UKIARI. ¹⁰ IK+ PACTO NEWEWIENI ISRAEL KITANA TUKARI ANYEMIEKAKU, TA UKIYARI KANAINENI: "NEMARI'ITSIKA XEPEXEIYANI YUMU'UTETSIE HAPA+NA NEREU'UT+ANI XE IYARITETSIE. NE NEPAYANI XE KAKA+YARI XEMETA NE KIEKARI XEPAYANI. ¹¹ M+K+ NI MEKWATETA'+KIT+ANI YU IWAMA WATSIE, NIHAPA+NA YU IWATSIE, HAIT+: 'TA UKIYARI NAKUMAIKA'. MEYUNAIT+ MENETSI HETIMANI, KE ANE TSIMEMUT+T+ HAPA+NA MEMUT+T+. ¹² NE AIX+ NETIUKA'IYAT+ NE PAYANI KEMENTEKAHUNI X+KA AIX+ KATI'ANENITSIE, NI NEKWA'AYE ERIENI TATAKURI KEMETEYUPIT+AKAI. ¹³ Ke pauku maine "HEKWAME", M+k+ri kaniuwewieni meripai mieme pactotsie ni aix+ kati'anet+ hapa+natari m+k+ pauyewexime.