¹ Ikɨ pat+a Melquisedec, XeÍ Salem kwieyaritsie, Kakaɨyari raye'axe tatsinieya, ke'ane Abraham mukunaquixɨ akunuaku Xeitsixi memekwi'iwakaitsie m+ta imikeri piyetuiri . ² Abraham hatsɨana petɨa diezmo naime piyetuiri. Kentitewa ''Melquisedec'' kanany+neni '' xeií aix+'ane ''. ³ Mɨkɨ kwa'ukayaukai, ni kwa'ukateikai ,ni tunuma ,kwuawarexeiyakai, hapaɨa tukari kwayukatsutɨawe hapaɨna kwinat+rieka tukari. Ta'auriemawetse, Kakaɨyari nu'aya hapɨ 'ane, tiwiya xewitɨtɨ tatsini tukari mautiyune. ⁴ Xeunieri keraye arɨkakakai ikɨ uki. nuiwari Abraham diezmo yetuá pinite yumamatsie tiyukwinekaitsie ⁵ Mana utikaikamekɨ, Levi niwemama ke'ane meyetuiriyerie tatsinitsixi mehɨkɨtɨni mepexeiya mari'itsika teɨeteri wa diezmo mekuxeɨrienikɨ, Ikɨ kahɨkɨtɨni, wa'iwama, tsepa mɨkɨmexi hapaɨna Abraham waiyarieyatsie memayenexɨa. ⁶ Mɨta a'uriena mutika, Melquisedec, tsepa Abraham nuiwarieya kahɨkɨtɨkai diezmo yumamatsie puhɨi m+ta 'imikeri piyetuiri iya ke'ane kemutayɨki mexeiyakai. ⁷ Kwaxuawe tawe'eriyarika kename teɨteri yakɨ mete aye'atɨ aixɨ me'itɨare raye 'axekɨ. ⁸ Yeti 'anekɨ. ukitsi mekwiwawe diezmo yumamatsie mekuhɨwe, mɨta reumietɨ tiuyutaxa kename mɨkɨ uyeika. ⁹ Tiuyɨ hapaɨ, Levi, ke'ane diezmo yumamatsie muhɨi, hapaɨna diezmo yetua Abahamtsie 'utanetɨ, ¹⁰ Mɨta Levi nuiwaritsie waiyariyaritsie yukanieritɨakai kepauku Melquisedec Abraham mukaxeitsie. ¹¹ Hikɨta xɨka aixɨ anenike yɨwetɨ tatsinitsie utanetɨ Levítico (iikɨ kekatari mepanakakɨ mari 'itsika yumamatsie mepuhɨi) ¿tita tawari reuyewekakai xewitɨ tatsini ke'ankukenique, Melquisedec, ɨkitsikaya hapaɨ, Mɨta Arón ɨkitsikaya hapaɨ hawaikɨ? ¹² Kepauku tatsini yupatatsie, Mari 'itsika hapaɨna yuwapá ¹³ Iyatsie miemekɨ yetikuniuwa xewitɨ nuiwaritsie mieme, ke'ane kwatita 'uximayatawe niwetaritsie . ¹⁴ Hikɨta hekɨakamekɨ, kamiemetɨni Juda nuiwarieya mana'ta Ukiyari mutinuiwaxɨ, xewitɨ nuiwari Moisés heiwa yekwa 'utayɨ tatsinitsixitsie wahetsie timieme. ¹⁵ Ketemaitɨka masi hekɨa xɨka akuxi ankukeni xewitɨ tatsini Melquisedec hapaɨ anetɨ. ¹⁶ Ikɨ yekwatiuyɨ mari'itsika tewi wewiyayatsie mɨkɨ matɨa tatsini, hetsienata miemekɨ puyɨwekaxɨa aixɨ tikatɨakɨ muyekakaitsie. ¹⁷ Utsika tikuxata hetsiena mieme: ''EKɨ PEHɨ XEWITɨ TATSINI TUKARI MAUTIHANE MELQUISEDEC ɨKITSIKAYAKɨ.'' ¹⁸ Putixuawerixɨ imarika ɨkitsika meripai mieme, kwatɨrɨkaɨyekai mɨta kwayɨwekai. ¹⁹ Mari'itsika aixɨ kwatiuyuri. Yatɨtɨta xuawe huye temautawa+riyanikɨ tukari mautiyune hetsiena miemekɨ tame temauhurare Kakaɨyari hatsɨa. ²⁰ Mɨta ikɨ yekwatiuyɨ ka'akaxewikaku. Hipatɨ kehate tatsinitsixi me'mayuyeitɨa karakaxewikau. ²¹ Auriena mutika, Ikɨ, Jesús, payuyeitɨa tatsini akaxewimekɨ ke'ane pɨtiutahɨawerie MɨKɨ: ''UKIYARI PEKAXEWIRIYAXɨ MɨTA KWATIWAPA YUMU'UTSIE: 'EKɨ PEHɨKɨ TATSINI TUKARI MAUTIHANE.''' ²² Yu'umieme Jesús hapaɨna tatsi akaxewiririe aixɨ anemekɨ xewiriyari. ²³ Auriena utikaikamekɨ, waɨkawa mepakɨka tatsinitsixi, Metikukuwekɨta mekwayɨwaweta meteyeweiyani. ²⁴ Auriena mutika, Jesús petikeka tukari mautiyune , Mɨkɨ pexeiya tatsini uximayatsikaya kahau'akamekɨ. ²⁵ Ya'umieme, mɨkɨ hapaɨna yɨwe wakuwikwestɨani aya'akamekɨ iyamexi kehate memauhurata Kakaɨyari hatsɨa hetsiena meutanetɨ, Tukarikɨ mɨkɨmuyeika waheima nuatɨ. ²⁶ Mɨkɨ tatsini manyaka tinakekɨ takɨmana maniukani. Mɨkɨ tatakuri kwatiyupitɨa, ni kwaratɨtɨiyarie, áixɨ 'ane, hautewatɨ kehate tatakuri meteyupitɨa wahatsɨa mɨta 'utewitɨ waɨkawa patɨa keyuri 'akuxi taheima manakayuwitsie. ²⁷ Mɨkɨ kwareuyahɨwa, tatsinitsixi memanyatei wahapaɨ, tukarikɨ metemawatɨ matɨari yutatakurikɨ 'umaniereketa kiekatari wakɨ. Mɨkɨ heiwa xeikɨa pɨtiuyuri naimetsie miemekɨ, kepauku Yuyatuatsie Yukɨmana. ²⁸ Mari'ikitsika warayeitɨwa tatsinitsixi memanyetei 'ukitsi mekate'ukanenewiekame. Mɨta niuki tixewiriyame, nua Mari'itsika 'utɨmana, Nu'aya putaterɨwaxɨ, keane 'aixɨ 'anetɨ mayeitɨarie tukari mautihane.