¹ M+ta, tetehayawa ketente utsut+a niukieyak+ Cristo p+ta teketeyeweiyani aix+ te anet+. Watekwate hauka h+pani ketente u'+kit+arie ketenteka huni meta siere yuri ketente erie Kaka+yaritsie, ² Meta siere ketente u'+kit+arie hamuti +watsie, meta siere ta iwama watsie te mautimeme, siere m+kite tewaranku hapana, meta siere kentiy+ni kuinat+rieka. ³ Tame siere pa+m+ teteyurieni x+kate Kaka+yari tiupit+ani. ⁴ Kway+we ke'ane iya hek+ariya memuxeiyast+arie memanuax+ani, meme in+atax+ imikier+ wikwest+arika kwax+we, m+ta siere memetima m+k+ Espíritu Santo, ⁵ ke ane iya mema'in+atax+ aix+ many+ne Kaka+yari niukieya meta siere t+r+kariya'ya tukari makamie, ⁶ M+ta umaniere memanayak+, kway+we aix+ hawaruyurieni tawari meyutimaix+anik+. Hik+ h+k+ yaxeik+a tawari memikawi Kaka+yari nu'aya ya xeik+a rany+nemek+, meta te+teri wah+xie memitewin+a. ⁷ M+ta kwie haree witari heiwa hetsiena kax+r+we, meta tukari wayatuirie ite+rite wa hetsie timieme, ke'ane iya wa hetsiemieme kwie muta uximayatsie, m+k+ kah+k+t+ni yatuiriyarie Kaka+yari imikierieya. ⁸ M+ta yaxeik+a kaxuaweriweni xuiya metasiere teurixa, kwinat+rieka titaiyarieni. ⁹ Tame'ta p+tepait+ka xe hepa+sta aix+ tiy+ni, aix+ nexereu'eriya, timiemetsie wikwest+arika, pa+m+ tete uniukak+. ¹⁰ Kaka+yari kwa tiuyukananaima kwarat+maiya xe uximayatsika meta xenake'eriyarie xeyatua kenti tewa'K+, xeme xete uta'uximayatax+k+ yuri mete'sierie wahetsie meta yaxeik+a akuxi xewa uximaya. ¹¹ Wa+kawemek+ tame p+tete haunake'erie xeme xeyuxexuit+ xemi hek+atani yaxeik+a uximayatsika kwinat+rieka'ke, yaranyinek+ maya'ani yuri xe ayeit+at+. ¹² Yakati aneni xekwayu +raraxiekak+, p+ta xekenewa +keni ke'ane iya yuri mete erie metetakwewie metep+t+arieni memakaxewiriyarie. ¹³ Kepauku Kaka+yari meka'xewiriyax+ Abraham hats+a, M+k+ p+tiuyuhayawax+ Yuk+mana'tsie, M+k+ kway+wekai xeimetsie mitipinike masi raya ar+kame. ¹⁴ M+k+ p+putay+: ''NE YURIMEK+ IMIKIERI NEMETIYATUIRIENI , META SIERE A'NUIWARI NEWATIWA+KARIYA.'' ¹⁵ Pa+m+, Abraham tiyatuiriyarie maka xewiriyariekai, arike titakwewiet+ yumait+. ¹⁶ M+ta te+teri memeka xewiriya xeimetsie me itipit+ kunie raya ar+kame m+k+mexi. Kwinat+rieka'ta wa+riyarika meyupit+aka, hamekaxewiriya kah+k+t+ni p+tiy+ni. ¹⁷ Kepauku Kaka+yari p+tiuyu h+awix+ mihek+ata hek+akamek+ iya ke ane meteya tuiriyarieni memaka xewiriyarie kway+we miwapa P+reuyah+wa p+tiy+ni, M+k+ p+tiuyu hayawax+ akaxewimek+. ¹⁸ M+k+ yatuiyuri ti hutamek+ kwayuwapan+a, kway+we Kaka+yari tiu ítani, tame, temuyuta u'nax+ teyuti awietake, teyatuiriyarie t+rikariya temakaw+kak+ te ati'ut+ yuri tete'eriet+ kename ta hetsie timieme. ¹⁹ Tame tepeixeiya yuri tete'erie tixa+t+ reukawe hapa+ sasunimek+ meta yurimek+ ta k+p+ri'k+, yuri tepayeit+a mautahake hupait+ ixuriki't+a. ²⁰ Jesús pautaha muwapait+ tak+'mana, ayaka tatsini manyaka tukarik+ makamie, kentiu +kitakai Melquisedec.