¹ Yuxexuit+ tatsini manyaka, anayahaniet+ te+teri watsata, tah+awerieni aix+ tikamienik+ te+teri wahepa+sta Kaka+yaritsie timiemek+, m+k+ tiyatuakak+ imikieri, siere mawarika tatakurik+ meteyupit+ak+. ² M+k+ y+we paleku menkwewieni iya kwayumaiwe mauyawautse m+k+ yuhetsie peixeiya kwat+r+ka+ye. ³ Ya umieme, m+k+ siere wa+riyarika pit+arie mawari yatuaka yu tatakuri hepa+sta, ya xeik+a siere te+teri wa tatakuri hepa+sta. ⁴ Hawaik+ yuhetsie mieme kway+ane xewit+ kway+we pa+m+ tiu'erieni. Hetsiena mieme, m+k+ Kaka+yari pitah+awe, aku Aarón hapa+ mutah+awerie. ⁵ Hapa+na siere, Cristo rayuya at+at+ kwa ayuyeit+a aku tastsini manyaka mat+atsie. Hetsiena mieme, Iya ke ane hamat+ana tikuxatakai p+putay+: ''EK+ NENIWE PEH+K+; HIK+ NE A'YAU NEPAT+A.'' ⁶ Pa+m+ anyit+ panyine, pa+m+ maine siere reitata: ''EK+ PEH+K+ TATSINI TUKARIK+ AKU MELQUISEDEC HETSIENA HAKUNENA.'' ⁷ Kepauku muyeikakai yu waiyaritsie, Cristo piyatua nenewiya siere peyawaukai, yuhutat+, wa+kawa iwaut+ hatsuat+ Kaka+yari hats+a, M+k+ xeik+a y+wet+ mikuwikwest+ani m+kiriyatsie. M+k+ pu'enierie aix+ tikamiekaik+. ⁸ Akut+t+ M+k+ niwetsiekame h+k+t+kai, peitima hau enat+ pat+a aku m+k+ tiukwinit+arietsie. ⁹ M+k+ aix+ pu'it+arie M+k+ p+ anet+ pat+a, yu naime wahepa+sta ke ane memei enie, M+k+ ya uy+ku pi at+a wikwest+arika kwax+we. ¹⁰ M+k+ Kaka+yari p+titer+wax+ tatsini manyaka mat+aripait+ Melquisedec p+tiun+'akai. ¹¹ Tame tepeixeiya wa+kawa ketemutiy+ni Jesús hepa+sta, wa+kawa t+r+ka+yet+ payeika texete utaxat+ani, xeme kepai xemu'erie xe enananitsie. ¹² T+t+ri hik+ xeme xeh+k+t+nikeyu ti'+kitamete, xeme akuxi xepeiyah+wa xewit+ xera +kit+wani mat+ari timieme Kaka+yari niukieya. ¡Xeme tsitsi xepauyah+wa, ikwai xekwa hauyah+wa! ¹³ X+ka xewit+ xeik+a tsitsi ieka kwarakumate ke anet+ niuki aix+ manyine, mets+ akuxi unetsi kah+k+t+ni. ¹⁴ M+ta ikwai tiwaki mamauyumate wa ikwai. Ik+ meh+k+ iyamexi ke ane yu iyaritsie me t+r+kawit+ mepeikamait+k+ka meteyu +kit+a memeitimamatekenik+ tita aix+ ranyine titata tsiranyine.