¹ Hik+ mexi reukepie kaka+yari uxipiyayatsie tamait+ teke'u huni katakuta xewit+ pa+ tiuyu hek+are kename aix+ katikat+a m+ta xewiriyarika ka´u´axe, xeme xemuku hayewiyarie m+ta xemauta hax+ani kaka+yari uxipiyayatsie. ² m+ta tame temuta xatsiyariek+ kemureuku uxa kaka+yari niukieya hekwa. m+ta niuki meyunaime wa hetsiemieme kwa'at+a iyamexi ke'ane sasuni mete'eriekai m+ta meman enana wahamat+a mekwa'uyutin+ik+. ³ M+ta tame sasuni tete'uta erik+ tame teh+k+ temautak+ne kaka+yari uxipiyayatsie, m+k+ mutay+ hapa+: NÉ NEHA'AT+ NEMUTAY+ HAPA+, M+K+MEXI MEKWAHAUTA HAX+ANI NE'UXIPIYATSIE. m+k+ pa+ p+tay+ aix+ tiuku yurieka kwie mutawewitsie. ⁴ manata xapatsie kataka uxani atahuta tukari hepa+sta: KAKA+YARI KANUIKA UXIPIEINI ATAHUTA TUKARIYARITSIE NAIME TIUTIWEWIEKA.'' ⁵ Tawarieta , m+k+ pa+ kaniuta y+ni: '' M+K+ MEKUAY+WEKAX+ANI MEMAUTAHAX+ANI NE UXIPIYATSIE.'' ⁶ Akuxi hipat+ me y+waweni memauta hax+ani kaka+yari uxipiyayatsie, m+ta Israelita'tsixi meri kaka+yari nuik+eya hekwa mepu'eni, m+ta m+k+ uxipiyayatsie mekwahauta hax+a yamekatekahuk+, ⁷ Kaka+yari yaxeik+ata hekwamek+ xeitukari panayeha t+tewakame: '' HIK+ KANIH+K+T+N+.'' waukawa tukari ankayaku m+k+ p+taniu David,tsie, meripait+ ma+ari tiuta niukie hapa+:'' HIK+ X+KA XEME NIUKIEYA XE' ENIEKA, XE'IYARI XEKWATSE'IRIYANI,'' ⁸ M+ta x+ka Josué uxipiya xeyatuirienike, kaka+yari kwa'titaxatakeyu iya tukari manayahatsie miemek+. ⁹ m+ta tukari kananayehanieni uxipiya tixuawire kani'ut+ni m+ta kaka+yari kiekarieya ka'uxipieni. ¹⁰ m+ta ke'ane mautahani kaka+yari uxipiyayatsie , m+ta kaniuka uxipiweni yu'uximayatsikatsie, kaka+yari tikat+a hapa+ ti'uximayakaitsie. ¹¹ m+ta yaxeik+a, pa+m+ teketehauyeh+aka kename tehauta hax+ani kaka+yari uxipiyayatsie, m+ta xewit+ kahauyewenik+ kahau'enat+ ayani iyamexi meka'an enana wahapat+. ¹² m+ta kaka+yari niukieya mayeniere m+ta t+r+ka+ye, m+ta siere wa+kawa tiyuxiteke n+ke kutsirate hutak+ mautim+ariet+ka. ik+ tewa kaneu axeni m+ta kay+weni espiritu k+pirieya tatsana m+ta a' waiyari á umete mayukawiwiya nai'tixitex+ani m+k+ kaniy+weni kuenta h+ni tame ketemuteyukuh+awe m+ta ta'iyaritsie tita'tetehexeiya. ¹³ tixa+t+ tiwewiyat+ awiet+t+ kwa'uyeika kakak+yari h+xie. m+ta nait+ tihek+at+ mana katinikupika iya h+xiteya h+xie iya ke'ane tame kenta temeyatuirieni. ¹⁴ M+tari tame taxini temexeiya iya ke'ane ta'heima yuawitsie mautaha. Jesús kaka+yari nu'aya teke'i'waut+weni sasuni teteheriet+. ¹⁵ Tame taxini tekwahexeiya katiuyuka'nenimayakame tanewierika hepa+sta. pa+ta, xeime tepexeiya iya ke'ane muta in+atsie naimetsie tame tita in+atsikayari tetehexeiyatsie, m+k+ niheiwamie tatakuri kwa'uyupit+a. ¹⁶ M+ta tame teke'u k+kani sasuni tete'eriet+ kaka+yari h+tsie , m+ta tame nenimayatsika temuyatuiriyariekak+, m+ta imikieri temukaxeiyak+ m+ta temuparewiyakak+ kepauka parewiya temauyeh+akatsie.