¹ Ikɨ yaranyɨnemekɨ, Né, Pablo, Cristo'kɨ kaxariyari ne nayeweni xa kɨmana gentil'tsixi. ² ne paɨnera eriwa kename paɨxete ha'enawawe uximayatsika ne´yatuiriyarie kakaɨyari imikɨerieya hepaɨsta, mɨkɨ netsiyatuiri xe'hetsie mieme. ³ Né neraka utɨwa tita neti xeiyastɨarie netiyatuiriyarie. ikɨ sasuni awietɨme ikɨ ne nepita utɨa etsiwa wa'uya kaimekɨ xeime xapatsie. ⁴ Kepauka ikɨ ya ranyɨne xemekaterɨwatsie, xemeiti enietɨkɨne ne kenemɨreiti'enie ikɨ sasuni awietɨme Cristo hepaɨsta. ⁵ Hipame nuiwaritsie ikɨ yuri ranyine kwayatuiya kwa'u hekɨatsie ukitsi wa'niwema wa'hepaɨsta. mɨta hikɨke kaniu hekɨare Espíritu hepaɨsta aixɨ me itɨarie nɨ'aritsixi mɨta temaikate wa'tsie. ⁶ Ikɨ sasuni awietɨme mɨta gentiltsixi kakaɨyari memankwewi mɨta ya xeikɨa mɨkɨ meteneu kwewiekuni judio'tsixi sasuni mete'uta eri. meta teyupani waiyarieya. mɨkɨ siere mana meniya'uka kakaɨyari xewiriyarikayatsie mɨta mɨkɨ sasuni mete'uta eri'kɨ Cristo hetsie kakaɨyari niukieyatsie. ⁷ Mɨta Né nepaneyeitɨa nɨ'ari kakaɨyari niukɨeya neku xatanikɨ, mɨta neyatuiriyarie kakaɨyari tirikarieyakɨ. ⁸ Kakaɨyari netsiyatuiri ikɨ imikɨeri ne hetsie mieme, tsepa né tixaɨ nekwati hɨkɨ kakaɨyari hepaɨsta nehau tewatɨ. ikɨ imikɨeri, niuki né netaxata gentil'tsixi wa'tsata kakaɨyari imikierieya ⁹ Né neti hekɨata naime teɨteri iya wahepaɨsta ke'ane hɨkɨ kakaɨyari mita wewi awietɨme kentiyuku hɨawe. ¹⁰ Ikɨ yatiuyɨ mɨta hikɨta, teyupanie hepaɨsta, tatuwanitsixi mɨta itsɨkatari ta heima witsiraku anetsie meketeha maiyuni waɨkawa kenti yɨwe kakaɨyari maiyaya. ¹¹ Ikɨ paɨ tiyɨni kakaɨyari kentiuyɨ hɨawiya kwati xɨwe'tsie mɨkɨ puyɨwekaxɨa uximayatsikaya'tsie Jesucristo ta Ukiyari. ¹² Mɨta kakaɨyari hepaɨsta tekwa'haumama mɨta sasuni teteherie mana hekunena ta'sasuni eriya temexeiya mɨkɨ hetsie. ¹³ mɨta paɨ nexerahɨawe xekwa'akanuatɨkɨkani ne'kwiniyatsie xe hetsie miemekɨ . ikɨ xe hetsie miemekɨ kaxeriyarie nekanayeweni. xekeneyu temamawieka ikɨ hepaɨsta. ¹⁴ Ikɨ ya anyɨnemekɨ nekaniti tunumakekani yaukame hɨxie, ¹⁵ Mɨta iya naitɨ maretsixi ta heima yuawitsie mɨta kwiepa meniuti terɨwarieni. ¹⁶ Né neyunenewie mɨta mɨkɨ tiwayatuirienikɨ,waɨkawa imikierieya hepaɨsta, kakaɨyari nepayawawirie, Espirituya hepaɨsta, kexatsi ayaxɨrieni xetɨrɨkawime, ke´ane xe'hetsie yukanieritɨa. ¹⁷ Né neyunenewie mɨta Cristo yukanieritɨakakɨ xe'iyaritsie sasuni eriyatsie hakunena. né neyunenewie xeme xemu'hunikɨ xetɨrɨkawitɨ mɨta ki hapaɨ hetsiena xeke'awewiyaka. 18 ¹⁸ Xeme xekeyukanieritɨaka hɨiyayatsie mɨta xemeti enatɨkɨnekɨ, naitɨ xeyunɨtɨ ke'ane sasuni xete'erie hetsiena, ke'ane hɨkɨ mata'yawa, mayetewi, mutewi mɨta kemauka tewa Cristo nake'eriyaya. ¹⁹ Né neyunenewie xeme xeyɨwawetɨ xemakɨne xetehetimani kename Cristo nenimayatsikaya tɨrɨkaɨye. paɨ xeketeka huni mɨta xekehɨpɨneni kakaɨyarikɨ. ²⁰ Hikɨta mɨkɨ ke'ane yɨwe kentiuyurieni naimetsie pini, naimetsie tita tetewawa yata teyuku hɨawetsie, tɨrɨkariya ti uximaya ta hetsie, ²¹ mɨkɨ aixɨ ke itɨarieka teyupanie mɨta Cristo'tsie naime nuiwaritsie tukarikɨ mɨta tukarikɨ. Paɨ ke'aneni.