¹ Meripaitɨ xeme, xekwa hauyu'waɨriyakai Cristo'tsie, xekwa'yɨwekai yexetekakɨne Kakaɨyari kenti'nɨ'a, pɨtiuyu'hekɨkɨarekay xe kwikwi'ini hapaɨ. ² heiwa pɨxete'uyaxixɨ yu waɨkawa teɨteri me'ane hapaɨ ana hikɨ kwiepa me miweiya tɨkakame, itsɨkame tsitiuka'iyari mayuyeitɨa espíritu tsiti'anetsie kayuhekɨakamekɨ. Tɨkakame espíritu tsitiuka'iyari hɨkɨ, hikɨ ti'uximaya teɨteri watsie Kakaɨyari makua hau'enie'aku. ³ Táme heiwa tanaitɨ meripai mana tepu'hukai teɨteri Kakaɨyari mekua'hauenie watsata, táme tsiteteka'hukai ketenté hauyahɨakai , ta waiyari kenti'náke paɨta ketenteyuku'hɨawekai, Ya'umieme Kakaɨyari pau'ha'akai ta hepɨsta ya xeikɨa iya wa'hapaɨ teɨteri haxamenteka'hu wa'hepɨsta. ⁴ Kakaɨyari'tá ayɨweka waɨka nenimayatsika pexeiya tahepɨsta waɨka aixɨ tiuyuka'eriya ya'umieme táme aixɨ tatiuti'eriyaxɨ, ⁵ Táme te'hɨkɨtɨkai teɨteri tekwikwi'itɨ hapaɨ, tekwayɨ'wekai aixɨ tetekakɨne Kakaɨyari hepɨsta, Mɨkɨtá tatsi antanieritɨa tawari ta tiuwiyastɨa Cristo'tsie. Nenimayatsikakɨ xeikɨa xeme xepuku'wikwestɨarie. ⁶ Kakaɨyari tatsi'ankuhapa wapai tatsi'hautiyatsaxɨ yuawitsie ta'heima cristo matɨa ⁷ Kehapaɨtɨtɨ ikɨ tukari makamie'tsie Mɨkɨ tati'xeiyastɨanike waɨka kentiuyu'kanenimaya, i'hekɨatatɨ nenimayatsika Jesucristo'tsie ⁸ Kamɨtsɨ nenimayatsika'kɨ xeme xepuku'wikwei yuri xete uta'erikɨ, ikɨ xe hetsie kwayatɨa, Kakaɨyari imikierieya pɨta'pɨhɨkɨ, ⁹ Xewitɨ haixɨ tikatɨakɨ hawaikɨ xewitɨ kwa hayu'ɨrenikɨ. ¹⁰ Táme Kakaɨyari wewiyamama tehɨkɨ, temutiwewiya Jesucris'tsie haixɨ teteka'hunikɨ Kakaɨyari pɨtiuyu'hɨawixɨkɨ meripaitɨ reukayune'tsie, Ikɨ tame tenyɨwenikɨ temu'hunikɨ mɨkɨtsie. ¹¹ Yaumieme xeke'naye'eriwani heiwa xeme xehɨkɨtɨkai teɨteritsixi yu waiyaritsie xekua judio'tsixi'tɨkaikɨ. Xeme xete'umamatiwakai ¨insircuncisos¨ ya umieme yetiu'terɨwarie waiyaritsie tewi mamayakɨ xeikɨa meteyurie'kai. ¹² Meripaitɨ'tsɨ xeme xepautewakai Cristo hepaɨsta, kɨkamete hapaɨ Israel kiekariyari'tsie, xexeɨmatiwakai kenti'waxewiririekai nɨtɨarika hepɨsta, tixaɨtsie xekwate'hauyuwaɨriyatɨ ni Kakaɨyari'tsie ana'hi kwiepa. ¹³ Meta hikɨ Jesucristo'tsie, xeme heiwa xemautewakai Kakaɨyari hatsɨa hapaɨna, xepauhuratɨarie hulawa Kakaɨyari hatsɨa Cristo xuriyayakɨ. ¹⁴ Mɨkɨtsɨ kanihɨkɨtɨni mi'atɨa aixɨtianeme tatsiyatuirie, Mɨkɨ tiuyuri teyu'hutame taxewime, tatsi'ayeitɨa. Yu waiyarikɨ pika'unaxɨ teki tatsi'hatewariyakai. ¹⁵ Ikɨ hɨkɨ, mikumaweriyaxɨ mari'itsika ɨkitɨarika mikatsutɨanikɨ Mɨkɨ mita'wewienikɨ hekuame tewi Yukɨmanatsie , iwewietɨ paleku ti'anenikɨ. ¹⁶ Mɨkɨ tiuyuri tatsi'nɨtɨamɨtɨ tanaime kiekaritari, xei waiyaritsie Kakaɨyari hepɨsta, iya curuxitsie mana pími mekuayu'uxiekakɨ xeime matia xeime. ¹⁷ Jesus paukuyeixɨa ai'manyine kuxatatɨ xeme waɨka xemautewakai'kɨ hapaɨna aixɨ ti'aneme iya mamau'hurakai. ¹⁸ Jesús hepaɨstakɨ, teyunaitɨ tepei'xeiya temauta'haxɨani xei'iyariyarikɨ ta Yau hatsɨa. ¹⁹ Ikɨ yeti'anekɨ, hikɨ xeme teɨteri yutsata xekuaxeɨmatiwari ni kɨkamete xekwahɨkɨ. Ta'aurie mawetsek xeme xe'hɨkɨ wahamatɨa xemaya'u kiekatari iya'wamatɨa Kakaɨyari keane waranaya'hapakai xe'aya'utɨ iya Kakaɨyari niwamama wamatɨa. ²⁰ Xeme tetsari xepakɨ iya memi'katsutɨa nɨ'ariekate hapaɨna temaikate, yaxeikɨatá Jesucristo yukɨmana teté tiukatsutɨa hɨkɨ. ²¹ Mɨkɨ tsie, naitɨ kwí reuwiyatɨ payeika táwere tiyaní teyupani hapaɨ ta Ukiyaritsie. ²² Mɨkɨtsie pɨhɨkɨ, xeme yaxeikɨa xeputawewiya yunaitɨ kita hapaɨ kewa Kakaɨyari meyukanieritɨaka yu Espiritu'kɨ.