^{1 2 3} Yeti'anekɨ nemantahɨiya neyaka Kakaɨyari'kɨ, yaxeikɨa nepaine xekeneu huni aixɨ iyari xemuta hɨawerie'kɨ ye man yɨne. Xekeneu uwani xeka yu we'etatɨ, aixɨ xete u iyaritɨ xekayumexɨitɨatɨ, xeteyunewirietɨ hipame wamatɨa aixɨ xete hauyu eriyatɨ. Aixɨ xeketene yurieka tepi ɨwiyani teyunɨka'kɨ Espiritu'tsie teyuwiyatɨ kaiwatɨ tiumakanikɨ ⁴ Xewɨtɨ waiyari hukɨ yaxeikɨa, yuxewitɨ espiritu. yaxeikɨa xeme xeputa hɨawerie xete'ta kwuewiekakɨ. ⁵ Xewitɨ xeikɨa wa Ukiyari, yuxewi xeikɨa yuri eriyarika, heiwamieme xeikɨa hapuka ɨyarieni. ⁶ Xewitɨ xeɨka Kakaɨyari hɨkɨ Tayau teyunaime. Mɨkɨ naime watsie panyaka, tinaimetsie, tiyunaimetsie. ⁷ Teyuxexuitɨ tete uyatuiriyarie imikieri akaxewimekɨ inɨatsietɨ imikierieya Cristo. ⁸ Mutaine hapɨ utsika: ''KEPAUKU MɨKɨ METɨA TAHEIMA MAUTITEWATSIE, YUWAɨKAWA WAREWITɨ MAMAKUWɨ'KAI, TIWAYATUIRI IMIKIERI KIEKARIPA'TARI.'' ⁹ Mɨkɨ ke anyɨtɨ manyɨne: '' Mɨkɨ mantitɨa'', paɨmɨta siere Mɨkɨ paukatɨa maukatewa'tsie hupaitɨ kwieta? ¹⁰ Iya ke ane maukatɨa, mikɨ yaxeikɨa hɨkɨ aku mantitɨa taheima watapaitɨ mantiniere. Mɨkɨ yɨwetɨ mayanikɨ naime titihuniya. ¹¹ Cristo imikieri yatua: niuki tuayamete, temaikate, texaxatamete, tehɨwemete meta siere te ɨkitamete. ¹² Mɨkɨ aixɨ warukuyuri yuri mete'erie mete'ta uximayatakɨ, paleku mewerenikɨ Cristo'matɨa. ¹³ Mɨkɨ yetiyuriene tanaitɨ tame temi axe teyunɨti yuri tete'erieka'kɨ,te hexeiyatɨ kentiku eriwa Kakaɨyari Nu'aya. Mɨkɨ yetiyuriene tame te tsetse itɨ temakɨnekɨ iya wamatɨa ke ane memanku axixɨ'rɨ Cristo. ¹⁴ Ikɨrɨ yeti ane tame tekwua hɨkɨtɨni'kɨ tɨrɨ wahapɨ. tekwua anawɨtɨarieka tekwua waxɨrietɨweni. Ikɨ kahɨkɨtɨni tame eka kuatatsi hetɨkɨnikɨ hauerietɨ keranyɨtɨka ɨkɨtɨarika, teɨteri mete itawamete yɨkɨ mete uxaxatatɨ. ¹⁵ Pɨta, tame te kuxatani palekumekɨ yuri manyɨne mɨta tetiwewere naimekɨ Hetsiena, aku Mɨkɨ hɨkɨ mu'ukame, Cristo. ¹⁶ Cristo payeika yu xewitɨ yunaimekɨ yuri mete erie. meyu nɨ'i yu tatakɨ, ya umieme yu naitɨ waiyari mewere mɨta aixɨ meyuyurie yunaitɨ meyunake'erietɨ. ¹⁷ Yeti anekɨ, ne nepaine newara te'a Ukiyari hapaɨsta: xeme xekwua uhuni gentiles'tsixɨ wahapɨ aku memu'hu ke hapaɨ hau'erietɨ xeikɨa meteyu'ku hɨawe. ¹⁸ Mɨkɨ mehukɨ yɨkɨ meteyuku hɨawe. mekwa hau'anana, ya umieme mekwua yutemamawie tukari Kakaɨyari wayatuirie. ¹⁹ Mɨkɨ tewiyari mekwua hexeiya xeikɨa tsiranyɨnetsie mete hauyuyahatɨa meyu xɨyaritɨa tita aixɨ kwati ane'tsie heyemekɨtsɨ waɨkawa. ²⁰ Mɨta ikɨ kwua hukɨ keme xetehetima Cristo'tsie. ²¹ Ne pɨnepaine xeme xemu enana Hapɨstana. Ne pɨnepaine xeme xehɨkɨ xete uta ɨkɨtɨarie Mɨkɨ'tsie kename yuri hɨkɨ Jesus. ²² Xeme waxete haukahɨani kexeteyuriekai meripaɨtɨ, meripaɨtɨ kexetekahukai. Mɨkɨ tewi meripaɨtɨ mieme waxekeneukahɨwa mɨkɨ xetewi meripaɨtɨ mieme payapɨni tsiti aneme xeikɨa rexeiya itarika. ²³ Xeuhayawa meripaitɨ timieme xɨka xeme xeyɨweni xeti hekuare Espiritutsie yumu'utsie. ²⁴ Pɨxeketeneuyuri xetiketɨarienikɨ hekwamekɨ tewitsie, Mɨkɨ Kakaɨyari pɨreuyahɨwa. Putawewiya aixɨ manyɨnetsie aɨxɨ anetsie yuri hɨkɨ. ²⁵ Mɨkɨ yeti anekɨ, xeuhayawa itarika. ''YURI XEUTINIUKANI, YU IWAMA WAMATɨA,'' mɨkɨ tehɨkɨ teyunɨ'ɨ teyunaitɨ. ²⁶ TSEPA XEMUYAHA'A, XEIKɨA TATAKURI XEKUATEYUPITɨAKA.'' Kataku xetepitɨaka tata'ta mankayune akuxi xeha akaku. ²⁷ Kataku tɨkakame xe ipɨtɨaka. ²⁸ Xewitɨ xika tiunawani tawari kwuatinawayani, pɨta mɨkɨ keti uximayaka, palekumekɨ ti uximayatɨ yu mamatekɨ, mɨkɨ paɨmɨ hipame waparewieni iya teɨteri tixaɨ mekwua tehexeiya. ²⁹ Tixaɨtɨ tsiti anetɨ niukɨ ateta kwuarayeneikani. Pɨta niuki aixɨ anentɨ tiyuparewiwetɨ, aixɨ meteka herienikɨ iya ke ane memetsita enie. ³⁰ Kataku uyuti heiwerieni Espiritu Santo Kakaɨyari, Mɨkɨ xeikɨa kɨmana xemutitepɨatɨarie kepauku maya ani xekuwikwuestɨarieni. ³¹ Xeitapa xekeneuhɨwa tsiwiriya, hekariya, haxɨa, iwarika tsiranyɨne naime tita tsiti'ane. ³² Aixɨ xeketeneyuku eriyani. Keyɨyɨlini xe iyari. Xete hauyuyahɨwirietɨ, Kakaɨyari hapaɨ Cristo'tsie xereuyahɨwiri.