¹ Hikɨta iwamarixi, te xetsiwaɨririe te xehate'a ta'Ukiyari Jesús'tsie. Aku xemenkwewi tame ta'ɨkitɨarika tsie rakunenakɨ ke hapaɨ xete ukɨkanikɨ meta kakaɨyari aixɨ xetixeirieka, mɨpaɨ ke xemɨte'ukɨkakɨ, paɨ xe'ketenekahuni maɨkawa. ² Xeme ɨkitɨarika xemakumatekɨ aku Ukiyari Jesús xatsiyetuiri. ³ Ikɨ kahɨkɨtɨni Kakaɨyari kemɨreuyehɨwa; xeme tatakuri xekwate'hexeiyani, xe'kenenewani tatakuri mete'yupitɨa ukitsi meta ukari'tsie rakunenakɨ; ⁴ xeme yu'xexexuitɨ xe'muyuwitɨkɨ yu'ɨya keɨwiyani aixɨ anenikɨ hapaɨna pehei'enietɨ. yu'ɨitama ⁵ xe'kwawapitɨaka tsiranyɨneme metetemawieka (iya gentiles wa'hapaɨ Kakaɨyari me kwa'akumate). ⁶ Ni xewitɨ uki tatakuri kware'xeiyani meta yu'iwa kwa'tsewiximaka ya'ranuwakɨ. Ukiyari tinaime pini'tsie tikwinitɨani,mɨta siere paɨ nexetiutahɨawixɨ tɨrɨkaɨyemekɨ paɨ xete'kuxatanikɨ. ⁷ Tame Kakaɨyari tatsi'utahɨawixɨ aixɨ teka'aneneme sinú paɨta aixɨ te'anenekame. ⁸ Yaumiekɨ, keane ikɨ kwa'inake'erie mɨta keane wa'reunake'erie yunaime teɨteri, mɨkɨ paɨta Kakaɨyari yu'Espíritu Santo yatua xe'hatsɨa. ⁹ Iya tsie timieme aixɨ eriyeri paɨ kwareuyewetse ni xewitɨ xetiku'utɨiriwani, mɨta xeme Kakaɨyari paɨ xeteu'ɨkitɨarie xemauyuyehɨakakɨ. ¹⁰ Xetehekɨatakɨ, xeme kexemɨteyurie yu'naime yu'iwama wa'tsie Macedonia kekatari. Mɨta tame texehatea xeme, iwamarixi paɨ xeketeneyurieka waɨkawamekɨ masi. ¹¹ Mɨta tame isiere texeshatea xeyu'inɨatatɨwenikɨ aixɨ xetetenikɨ, xekeneuyuhɨaweni yu'uximayatsika'tsie meta isiere xekete'uximayaka yu'mamatekɨ, aku kehapaɨ texete'unɨakɨ. ¹² Paɨ xetenekakɨni xemuhunikɨ xeyɨwawetɨ xete'hautexietɨ rekanakemekɨ aku iyamexi sasúni mekwate'erie, mɨta xeme tixaɨ kwaxere'uyehɨakakɨ. ¹³ Tame paɨ tekwatehaunake'erie xemeti'ena,iwamarixi, aku iya menkutsu wa'tsie, mɨta xeme xenkayu'heiweriekani muwa mautiyɨne uxa'awarie makamie. ¹⁴ Tame xɨka sasúni tete'erieka kename Jesús u'mɨ mɨta hekwamekɨ mankuke, mɨpaɨ'ta Kakaɨyari Jesús pɨatɨani iyamexi memeukutsixɨ hetsiena. ¹⁵ Tame Paɨ tetewarahɨawe Ukiyari niukieyakɨ, mɨta tame tepayanininiere, mɨta keanimexi menyuku'hayawa Ukiyari hamie'tsierike, mɨtsɨ mɨkɨmexi paɨ metekakɨne keane memɨkutsu. ¹⁶ Mɨkɨ Ukiyari xeikɨa ta'haima pakaneni.mɨkɨ kanahamieni, Kakaɨyari akeritsiximama awa me'utihɨtsiwatɨ, mɨta mɨkite meri memanku'uni Cristo'tsie. ¹⁷ Mɨta tame keane temayeniniere, mɨta keane temuyu'kuhayawaxɨ mɨkɨmexi wamatɨa tepu'uwani, éka haiwiyari'tsie temeyukaxeiya Ukiyari hetsɨa. Tukarikɨ Ukiyari hatsɨa temu'uwanikɨ. ¹⁸ Mexi'ta xekeneyu'nɨatɨaka hipame wa'matɨa ikɨ niuki yamainekɨ.