¹ Hikɨ tuakri yemie maka'inɨatsietɨka, iwamarixi, xeme pɨxekwate hauya'ɨwatɨtɨ xete utsiyarietɨweni. ² Xemetsɨri xekate'akumateka palekumekɨkename ta Ukiyari tukarieya hamie iya tinawayame hapaɨ tɨkarikɨ. ³ Mɨkɨ'iya pɨmamutiyuanenitsie: ¨kaiwatɨ katiumakani tekanihɨrieka¨ , yapaukutá unarika nuani mɨkɨ wahetsie. iya ke ane mayahuka hapaɨ kukuiniyaya mita'xeiya yakara'eriwakaku. ⁴ Masitá xeme, iwamarixi, makuyɨwitsie xekwayukanieritɨa. ana tukaritsie xekwate maritɨariekakɨ tinawayame hapaɨ. ⁵ ketsɨri xeme yunaitɨ hekɨariya xekaniwamama'tɨka niwetsiekate hekɨta. tame tekuaniwetsiekate tɨkarikɨ yatɨni maku'yɨwitsie. ⁶ Ya'umieme , kataku te haukutsu hipame wahapaɨ. Masi'pɨtá, teyu ɨwiyani te heyuta'eriwamekɨ. ⁷ kehatetsɨ iya me mau'kukutsu tɨkarikɨ metekahu, kehate metarɨwe mɨkɨ mepuyɨxime tɨkarikɨ. ⁸ Meta tame hekɨriya teniwemama, aixɨ tekeyuyurieka. Tepenakatɨkɨni petseru aku sasuni eriyarika hpaɨna nake'eriyarika casco xepantiyekani, xe ekaxewiriyatɨ kename uxa'a warie wikwestɨarika yu mamatsie xehɨni. ⁹ Metsɨ Kakaɨyari kwatatsi anayahapa haxɨatsie temuti eriekakɨ, pɨta wikwestɨarika tamamatsie tehɨnikɨ Jesucristo Ukiyari Hetsiena. ¹⁰ Mɨkɨ pumɨ tahetsie mieme paɨmɨkɨ, tseapa temayeneniere yata tekwikwi'i, temantaneniere Mɨkɨ Hamatɨana. ¹¹ Ya anekɨ xeyunɨtɨaka hipame wamatɨa mɨta xeyuparewieka hipame wamatɨa, akuri hikɨ pɨxetekahu. ¹² Texewawirie, Iwamarixi, xewareu enieka iyamexi ke'ane mete uximaya xehetsie hapaɨna'ta ke'ane mexe uwitɨxime Ukiyaritsie, ke'ane aku mexe hɨtɨa tierikakɨ. ¹³ Hapaɨna siere texewawirie tewa xewaka uitɨaka xewanake erietɨ mete uximayakɨ. Uxipiya xexuawitɨaka xeme yuhɨxie. ¹⁴ Texehate'a, iwamarixi: xewarantahɨtɨwani ke'ane makwa yumaiwawe, xewaparitɨaka ke'ane meyu heiwerietɨka, xewaparewieka ke'ane mamankawɨ, xewa kwewietɨ yunaime. ¹⁵ Xeyu hɨxiyani katak xewitɨ tsiranyinekɨ xewitɨ rakapitɨarieni. Pɨta, waɨriyarika xeyupitɨaka tita aixɨ ranyine xeme xehetsie siereta hipame wahepaɨsta. ¹⁶ Xeyutemamwieka tukarikɨ. ¹⁷ Xeyunenewieka tseapa kepauku kenti ane. Naimekɨ papayusi xewewieka. ¹⁸ Me kakaɨyari pɨreuyahɨwakɨ Cristo Jesústsie xeme xehetsie. ¹⁹ Xekwa ikutɨtsani mɨkɨ Espíritu. ²⁰ Waxekwa heikahɨaka timaikate waniuki. ²¹ Xetene timamatekeni naime. Yu mamatsie xehɨka tita aixɨ ranyine. ²² Waxeteneukahɨaka tita tsiranyine. ²³ Mɨkɨ xeikɨa Kakaɨyari uxipiya kexe naka hɨnemekɨ. Naitɨ a espíritu, a kɨpɨri siere a waiyari keyu'utani txaɨ karexeiyatɨ aku nuanitsie ta Ukiyari Jesucristo. ²⁴ Kwati itawa iya metsu tahɨawixɨ, yaxeikɨa siere tikayani. ²⁵ Iwamarixi, xeyunenewieka siere tame tahepaɨsta. ²⁶ Xewarankwewi yu naime yu iwama xei itsiyakɨ kati itarikamekɨ. ²⁷ Nexe wawirie Ukiyaritsie hakunena ikɨ xapa kehakaterɨwarieni yunaimtɨ iwamarixi wahɨxie. ²⁸ Ta Ukiyari Jesucristo imikierieya xehamatɨa keyukanieritɨaka.