¹ Mɨta, kepauku tekwayɨwawekairi, pɨtete u'eri kename aixɨ anekai xɨka xetatsu kwe'eirienike, teyuxexeume aku Atenas. ² Tepeinɨ'a Timoteo, ta'iwa ti'uximayatame Kakaɨyari hatsɨa nuiki xaxatame Cristo niukieya, aixɨ teteyumanikɨ siere teyutinɨtɨanikɨ sasuni eriyarikayakɨ. Ikɨ yatete uyuri xewitɨ kwati mariutsienikɨ ikɨ ya'anyinemekɨ. ³ Metsɨ xeme xete akumate kename ya umieme te anayahapanie. ⁴ Sasunimekɨ, kepauku xehamatɨa teyukanieritɨakai, pɨtexetehahɨwekai matɨaripaitɨ kename xeimieme tetekwinekekai, mɨta yatiuyɨ, akuri xete akumate. ⁵ Ya anyinemkɨ, kepaukuri nekwa inewi, Timoteo nepenɨ'a neretimanikɨ xɨka aku sasuni xete eriekaitɨni. Yata tiyu inɨnɨatame xetiuta inɨatakai mɨta ta uximayatsika xehatsɨa karaya'atɨ ayanike. ⁶ Mɨta Timoteo nua ta'hatsɨa xeme xeheiyanɨ'aku mɨta tatsu atɨiri niuki aixɨ aneme sasuni xete he'erie hapaɨna xemeyunake'erie. Pɨtarahaɨwe kename xeme aixɨ anyineme xetatsi ha'eriwa, mɨta kename xeme xetatsi hauxeiyaku tameta siere texehau xeiyaku xeme. ⁷ Ya anekɨ, iwamarixi, xeme xetatsi utinɨtɨa aku sasuni xete eriekɨ, naime taheiwerikatsie hapaɨna takukuiniya. ⁸ Hikɨta tame tepayeneniereni, xɨka xeme xete awiyani heitseriemekɨ Ukiyaritsie. ⁹ ¿tame papayusi tewewieka xeme xehapaɨsta, waɨkawa paya'axe temawiya temexeiya Kakaɨyari hɨxie xeme xehepaɨsta? ¹⁰ Tɨkarikɨ, hekɨta siere, tame teyunenewie tɨrɨkaɨyemekɨ texexeiyakɨ kexete aka'erie siere'ta texeparewieni xɨka hauyewekani sasuni tete'erie aku. ¹¹ Mɨkɨ yuxewi Kakaɨyari mɨta Ta'Yau hɨkɨ, mɨta Ta'Ukiyari Jesús, ta'huye ke u'hekɨata xeme xehatsɨa. ¹² Ukiyari ketiuyurieni nake'eriyarika tixuawere tiwaɨkare xeme xehetsie hapaɨna siere teɨteri wahapaɨsta, aku tame xeme xehapaɨsta hapaɨ. ¹³ Mɨkɨ yake tiuyurieni ikɨ xe'iyari ke utatɨrɨkariya xekwa a'ikanikɨ tatakuri xekwateyupitɨaka ta Kakaɨyari Ukiyari hɨxie, mamietsie ta Ukiyari Jesús ke'ane Hetsiena mete awiawa meyahu Hamatɨana.