¹ Xeme hapaɨtɨtɨ xete'a kumaitɨ, iwamarixi, te'u axɨaka xe hatsɨa matsiɨkɨtɨ kwaratɨa, ² Xeme xete'a kumate tahepaɨsta kename tete'u kwinitɨarie hapaɨna tepeti nanaimarie Filipo reyetewakaku. Tamee'ta tepuyɨ ta kakaɨyari hetsienakɨ texetekuxaxatɨwa aixɨ anyɨnemekɨ ta Kakaɨyaritsie xaɨtsie tiyukwitɨnekaku. ³ Yete mutiyuanenikɨ kwahɨkɨ tsiti'anemekɨ, ni aixɨ kati'anetɨ, ni kati itawamekɨ. ⁴ Paɨta tame te inɨatsieri kakaɨyarikɨ aixɨ ti anemekɨ hekwame niuki xete'erietɨ, te mi kuxatakɨ. Temutiukakɨ kwati'ane ukitsi aixɨ meteyumaikakɨ, paɨta ta kakaɨyari aixɨ tiyumaikakɨ. Mɨkɨ xeikɨa ta iyarite kananyexexeiyani. ⁵ Tame tɨtɨ ni paitɨ niuki tekwatemawi tsiranyɨnemekɨ, xemetsɨ xetenakumate, hapaɨna tsitete hayumamatenikɨ tsiti anemekɨ, ta Kakaɨyari rakumate. ⁶ Ni tekwayutemamawie tewi hapaɨstakɨ, ni xemekɨ ni hipamekɨ. Tame tɨtɨ teyɨwawekaitɨtɨ te utiniunike aixɨ anemekɨ meetakɨ Cristo'kɨ nɨ'aritsixi te. ⁷ Ya xeikɨa anemekɨ, tame tepakɨ wistete'u iyaritɨ xe hatsɨa wa'atɨ xeteikame hapaɨ yuniwema wakunɨtɨwatɨ ketiwareu'eriyatɨ. ⁸ Tame pɨtepuyɨ yetexeteheu'eriyatɨ xemekɨ. Tame teyutemamaietɨ tepakɨ xehetsiekɨ te xete utixatɨakɨ xeikɨa aixɨ manyɨnekɨ Kakaɨyarikɨ paɨta ta tukaritsiemiemekɨ. Xeme xepakɨ aixɨ xete'u uyuki'iyaritɨ tahepastakɨ. ⁹ Xeme xa eriwani, iwamarixi, kete te uyurikɨ waɨkawamekɨ. Tame tete uximaya tɨkarimakamekɨ meeta siere hekɨtakɨ ni xewitɨ kwatiyu'u uxitɨakakɨ, mexi tetekuxatanitsie kakaɨyari niukieya aixɨ manyɨnekɨ. ¹⁰ Xeme ri xete akumate ta Kakaɨyari hapaɨna, tatakuri xekatepitɨatɨ, aixɨ anemekɨ, ni tsitekate xetehamamateketɨ tepakɨ xehatsɨa ke ane yuri xete'erie. ¹¹ Ya xeikɨa anemekɨ, tame texete ha xaxatɨwa temu'hunikɨ xeme xeyuxexuitɨ, hapaɨna pekuyɨne ke ane tɨɨri wayau tikamiekakɨ. Tetekuxatakɨ ¹² kename xeme xemuhunikɨ Kakaɨyari aixɨ tetematɨakakɨ, tatsi ha hɨawenikɨn Yu kwiepamiemekɨ chi'anemekɨ. ¹³ Ya anemekɨ tame tetekuhɨawe hapaɨna pampariusi ta Kakaɨyari huramekɨ. Ke pauku xeme Kakaɨyari niukieya xemutanake'eri tame te haitɨkaikaku ta hetsiekɨ, xeme xepitanake'eri ni tewi kahainekaku, mɨta, xepitanake'eri sasunimekɨ, ta Kakaɨyari niukieya. Ikɨ ta hapaɨna niuki ti'uximayaka xehetsie ke ane yuri xete'erie. ¹⁴ Xeme ta, iwamarixi, xepakɨ niuki xekuxatatɨ Kakaɨyari Judea'tari wahapaɨ Cristo Jesus'tsie. Xeme hapaɨna xete'u kwinitɨare ya xeikɨa anemekɨ muwatɨtɨ xekiekataritɨtɨ, anemekɨ memuyɨku judiotsixi hapaɨ. ¹⁵ Judio'tsixi tsɨ mete niuyurieni ta Ukiyari Jesus me mumi niuki xaxatamete wa hapaɨ. Hapaɨna judiotsixi metatsi wayaxɨri. Mɨkɨ kakaɨyari me kwanake'erie. Paɨta mehɨkɨtexi teɨterixi wakwikate yunaime. ¹⁶ Mɨkɨmexi mekwatatsipitɨa hipame gentil'tsixi mewikwestɨariekaku. Ye ti anemekɨta tukarikɨ mepuhu yutatakuritsie. Kwinatɨriekatsie Kakaɨyari wakɨmanakɨ kani nuani. ¹⁷ Tame, iwamarixi, watepuxɨriya xe aurie ye tewimekɨ, xe hɨrɨpa, ka'iyarimekɨ. Tame aixɨ tete'uyuri teteku'eriwatɨ aixɨ xete aka'eriekame. ¹⁸ Teteha'eriwatɨ kename xehatsɨa te'axɨanikekai, ne aku, Pablo heiwa hutakɨ hapaɨna, Tɨkakameta kwatatsupitɨa. ¹⁹ Titakɨta ?titatsie tetewiyani tukari mautihane, temawierika, kuruna iwarika, ta Ukiyari Jesus hɨxie ke pauka mamietsie??Xeme xekwate'uhu hipama wa hapaɨ? ²⁰ Xeme xehɨkɨtexi teyu'iwakate hapaɨna ta temawierika.