¹ Zuwanche , mangis tatintspa wizprizmuno , nduna Apanlle wizpur tsiyatku anotsi , watam zapan tamapingampan tsapurnasush kuschiya. ² 2 Ashriya nimum Apanlle wizpur yasaksa -- ichingro wizpriz Isuso nutsasem kinarangcha atu ashri an Apanll tiptsiri , ³ misha wizpriz nda isuso yasaru an nda Apanll tiptsiri.Ashriya in apanllchputscha tiptsiri, yuwa maznakus kusachpri targana ancha ashriya na tsapurnasuscha. ⁴ Sisa apanllchichtischa , zuwanche , misha kasirangsa , watam Apanll wizpor siyash takuwa tsapurnasetsta kasirya. ⁵ Ushtisin tsapurnasush taknaya ,ashriya tsapurnasimri maznakiya uwatsi. ⁶ Isha Apanllcha tiptsiri. Yuwsha Apanlle chinako an iya maznakiya. Misha yuw nda Apanlle chinako an iya nda maznakiya. Nimumcha yasakshniya Apanlle wizpur zurmarta nda mamarpamama. ⁷ Zuwanche chinayni yanpatata , watam Apanll iya chinakuwa , ashriya ichingro chinamshi an Apanllmun nllurtargiya misha Apanlle yasarya. ⁸ Tputs nda chinaku an Apanlle yasareja , watam Apanll chinamshiwa. ⁹ Ashriya nimuncha Apanll chinashe yamdargasha iyama , Apanllsha wipa minamtatsta zanganrangiya tsapurnasshu isha tamama uwamanda. ¹⁰ Incha chinaashi , Apanlle chinargini anmuno ashrang nda , Apanllcha iya kizpur chinargasha ashrucha iyam wipa minamtatsta zanganrangsha yutritshishe yarmama. ¹¹ Zuwanche, apanll iya kizpor chinargiya, isha ashritam yanpata chinayni. ¹² Ayamamti apanlle pargezni. yanpata chinakuni, Apanll iyashcha ¹³ Uwamun yasarginiya usha iyamamo , watam kanich wanasrimshe zanganranguwa iyama. ¹⁴ Isha tachitkuni apanche wip parginiya. Isha targinya apanll wipa zanganrangiya tputse tsapornasshuche tapachindamama. ¹⁵ Nllitritaa tputs isuso Apanllcha wipa atu , Apanllsha uwa chinachiya , usha Apanlle chinachtamtiya. ¹⁶ Ashritam yasakniya misha mangini tatkiniya Apanll iya chinaku anotsi. Apanll chinamishcha ashriya ichingrusin chinashipa taksin Apanlle chinakiya , Apanllsha uwa chinaktamta. ¹⁷ Nimuncha chinashish wanasrimish iyash taksha , mangini tatmama Apanll kuskachu ansho , watam Apanll chinashipa taku , isha tsapurnasush ashkitamniya. ¹⁸ Punimam chinaashish nduncha. Watam zurmari chinakuch punimam nduni ashriya waneeshe punikchi.Yuwsha puniku an nda wanasir chinaashe payukiya. ¹⁹ Isha chinakniya , watam Apanllma chtaru iya chinarguwa. ²⁰ Tputs tachiya:"Chinaktna Apanlletsi" itrusha zonlle natsaku , ashriya waigichrircha.Watam zonlle pakta nda chinakuwa , tamareja nda paku anotsnasha chinach ashriya Apanlle chinamam pinascha. ²¹ Ashriya in watacha Apanll kamachtamrini payumama:Tputs Apanlle chinako , zonllesha chinaktamcha.