¹ Napangints maymasheja chinashish iyam Aparni panarang , nasha iya Apanlltischa wipa at , ashriya iya atiya.Nimuncha chinashish , tsapurnas nda iya yasaksha , watam nada Apanlle yasasrnawa. ² Zuwanche , na isha Apanlltnicha wipa , itrusha nda kamanriya yu ashruni tachni anotsi.Yasatnicha Isus kuskacho anotsi , wana tamapri ashritam tachniya , ashriya uwachsha kchiptini pangchinya yu ashru anrita. ³ yuwsha ne kuz zurmari payuku an minush zari uwamun wanatsi mang yarchiya wana tamapri ashchiya. ⁴ Ichingro tputs yutritshishush pantsamach ashku mantsir ashkiya, watam yutritshishush pantsakuch Apanlle kamachtamrini kapetakchi. ⁵ Siy yasatischa Isuso Apanll zanganrangiya yutritshishe tachingmama .Watam uwash yutritshish nduniwa. ⁶ Minamtem tputs isusush tachitko nda yutritshishush pantsakiya. Ashritancha minamtem tputs yutritshishush tako isuso nda pargiya nduntam yasachiya uwatsi. ⁷ Zuwanche mamarparintspa. yu zurmari waneku an , isus tamapare ashicha zurmarta. ⁸ yuwsha pantsaku an yashingchichcha, watam yashing chtakchu anshri pantsamam chtarguwa. Nimuncha chinashish Apanll wipa zanganrangsha yashingo wizpur kasimama . ⁹ Ashriya tputs Apanllmun nllurtargu an nda yutritshishush pantsakiya watam Apanll kuk wachpaz ashru uwash takuwa.Ashriya usha pinascha arang yutrishishush pantsamama watam Apanllmun nllurtarguwa. ¹⁰ Nimuncha Apanll wipaw misha yashing wipaw wanpata natstaknaya. Yuwsha mantsir ashku an nda Apanllush tachitkiya, misha ashritamcha yuwsha nda zonlle chinaku anu. ¹¹ Ashri in watacha kuz ichingrus maznargis chtakchiri ansho , chinangtsa sanpatata, ¹² nda Kainrini tamarangpri ashro yutritmuno zonlletsta pachargiya. Ashriya ¿mayamaja pacharang? watam mantsir chinarguwa , itrusha zonchshsa wanasir chinargiya. ¹³ Ashriya punirastarintspa , zuwanche , tsapurnasshuch natsaktati siyatsi. ¹⁴ Isha yasatnicha tsipatse tushiyruni tarashish urutmash takniya watam zuwanlletsni chinakniwa.Yuwsha zonlle nda chinaku an tsiparpaz ashru takiya. ¹⁵ Misha yuwsha zonlle natsaku an wapachcha. Ashriya yasatischa tarashish urutmash wapcham nduncha. ¹⁶ Nimuncha yasakshniya chinashetsi , watam Isus watsipno nda panchindraguwa iya chinako. Ashriya isha pachinchezni tsipanetsni zuwanllni wamina. ¹⁷ Yuwsha tputs tsapurnasshuche machi payuko , itrusha zonlle pakta pishtaku anoo nda nayniko ¿tamareja Apanlle chinash uwash pangchich? ¹⁸ Ashriya zuwanche chinarinchpa kuketsish misha nepetsish , ashriya zurmari tuminungcha chinaashetsi. ¹⁹ Nimuncha yasakniya zurkini anotsi ashritam mangini Apallmun tatkinya. ²⁰ Watam mangini xaraknari , Apanllsha mangetsni kasiruwa anmunsha natstakya. ²¹ Maznagtsa nduna mangini xaraku ashriya zurmari chinakniya Apanlletsi. ²² Ichingro mashkini anoo tuminchiniya uwamno.Watam payukniwa kamachtaku anotsi anmunsha tarashni wansrimshe yamdachniya Apanllema. ²³ In watacha kamachtamrini -- isha wipamun isusmun mangini tatchniya misha isha yanpata chinachniya, watam Isus wana kamachtarguwa. ²⁴ Yuwsha tputs wamachtashe payuku Apanllpa tachiya , Apanllsha uwapta. Anmunsha yasachniya Apanll iyash taku anotsi,wanatsi wizpur panargu anmuno.