¹ Zuwanche , yandakna ne kuzi siyama nda yutritshishush pantsamama.Watam tputs yutritshishush pantsakchinari , ashriya tarcha kurakrini Aparni , Isuscha yutritshishrini nduni ancha. ² Ucha yutritshishe yarmapni , itrusha nda iyamamrita ichingromcha tsapurnasi. ³ Ashrucha yasakshniya , wandaya kamachtamrinetsni payukuni. ⁴ Tputs atinari: "Yasatna Apanlletsi" itrusha nda kamachtamrinetsni payuko , ashriya waygichrircha , watam zurmarisha nda tachitkiya Apanlletsi. ⁵ Itrusha yuwsha Apanlle kuk payuko , zurmarisha , anush tputs Apanll wanasrimshe chinashish wayakya . Ashrucha yasakshniya Apanlle chinakni anotsi. ⁶ Yu tputs Apanlle tachitaknicha atu ashriya Isus tamarangpre ashtachiya taku. ⁷ Zuwanche , nda yandagma kanesche kamachtashi , ashriya kamachtashish sirapichcha yuwari chtakchiri payurgis ancha. Kamachtashish sirapich kuz maznargis ancha. ⁸ Itersha na yandagi an kanesche kamachtashi , izuro zurmarta isusmun anmunsha siyamno , watam tunimush takniwa , na misha zurmarisha tuwasnichiya. ⁹ Yu tputs tuwasnemushcha taki atu itrusha zonlle natsaku , wand tunimush takya. ¹⁰ Yu tputs zonlle chinako tuwasnemush takya ashriya uwash nda tutshish tachiya, ¹¹ Itrusha yu tputs zonlle natsako tunimushpaz ashro takya , tunimushpaz ashritam nakya ; ashriya usha nda yasachiya yapeja nach , watam tuneru anush wach pamam pinasakuwa. ¹² Siyam yandakna, chinakuri iparempazi ashro, watam na yutrishishiris yaramshtawa Isusmun sura. ¹³ siyam yandakina, apapamis, watam si yasasawa yuwam chtargu anotsi. siyam yandakna,kanungasemis,watam si kasiransawa yutritatsi. yandakna siyam nlluramis , watam si yasasawa aparetsni. ¹⁴ Yandakna siyam apapamis, watam yuwamun chtargu ano yasasawa. siyam yandakna, kanugasemis, watam kizprisawa, apanll kuk siyashtawa, misha yutrita kasiyansawa . ¹⁵ Chinarintspa tsapurnasetsi yu tsapurnasush taru anotsi. yu tsapurnase chinaku, tamareja Apanlle chinash payuch.16 ¹⁶ yu tsapornashuch ichingru taru -- an nutsas tamrashni, anmunsha kchuz tamrashni misha tsapurnas ungirtashni, nda Apanll tarashi --watam nda Apanllchichiwa, tsapurnascha tarashi. ¹⁷ Na tsapurnasush tamrashish takiya , itrusha yuwsha Apanlle kuk payuko urutamrisha tachiya. ¹⁸ Nlluris , nimrishacha na zari . Ashritam na maznaksa apanllputs nanllu anotsi , na zar zapan apanllputs kusrangsincha . Anmuncha yasayruni nimrishcha na zari atina. ¹⁹ Shitungrangiya iyashu , itrusha nda iyashchimno , watam iyashchinariya , tachnapri iyasho. Itrusha shitungatraksin wanatsi tuyamdargiya uwin nda iyashchimno. ²⁰ Itrusha siya Apanllcha ipusmarni , misha ichingrus siy yasaksa zurmarta. ²¹ Nda yandakna yu nda yasaris anotsi , nda watam siy yasatischa ngichkuch zurmamish kuz duncha. ²² ¿Chakaja waygichrir ashriya yuw isuso Apanlleja wipa atu ancha? Ashriya in tputs apanllputscha , watam gatkuwa Apanlle misha wipatsi. ²³ Misha tputs isuso ngatku ashriya Apanlle gatkitamcha. Ashriya yuwsha isuso chinaku wapretssha chinaktamcha . ²⁴ Ashiriya sisa, kamaningtsa yuwa chtakchiri maznargis anutsi, anrisha payutssa sista. sisa yuwa chtakchiri maznargis anis anrisha payutssa sista, mangis tatkus Isusmun wapresha watatamta. ²⁵ watacha Apanlla iyam kasargasha: tarashish urutmashi. ²⁶ yandakna yuwam apanchiche taxikna anoma nda Apanlle kasamama. ²⁷ Ashiriya siyam, Apanll wane zanganrango an siyash takiya. Itro nda zandaksa nllitri siya tayaspatachu anutsi, itrusha apanll wan siya tayasptakiya si yuwa ichingro yasamam zankis anotsi. Apanll zurmari tayapstakiya nda ngichkiya. ashiriya anri tachitkus tantsa yuwari Apanll tayapstairanllu anrita , mangonaktsa washnad apanlletsi ²⁸ Natritamsha, zuwanche, nu tachinllpa anri chchitantsa washnanda Isussho. mayamaha Isus kuskachu wanatsi tuyamdacho pazichich yuwash Isus kuskachu ansho. ²⁹ Si yasatischa Apanll zurmaricha, yasartamniya yuwsha zurmari ashko ashriya Apanllmun nllurtarngiya.